<p><strong>ಟೋಕಿಯೊ: </strong>ಈ ಬಾರಿಯ ಒಲಿಂಪಿಕ್ಸ್ಗೆ ಕೊರೊನಾ ವೈರಸ್ ಹಾವಳಿ ದೊಡ್ಡ ಆತಂಕವೇ ಆದರೂ ಮಾರಣಾಂತಿಕ, ಅನಿರೀಕ್ಷಿತವಾದ ನೈಸರ್ಗಿಕ ವಿಕೋಪಗಳ ಭೀತಿಯೂ ಆಯೋಜಕರಿಗೆ ಸವಾಲಾಗಿದೆ.</p>.<p>ಜಪಾನ್ನಲ್ಲಿ ನಿಯಮಿತವಾಗಿ ಭೂಕಂಪನಗಳು ಸಂಭವಿಸುತ್ತವೆ. ಚಂಡಮಾರುತಗಳಿಂದಲೂ ಆ ದೇಶ ಜರ್ಜರಿತವಾಗಿದೆ. ಹೀಗಾಗಿ ಒಲಿಂಪಿಕ್ನಂತಹ ಪ್ರಮುಖ ಕ್ರೀಡಾಕೂಟದಲ್ಲಿ ಈ ವಿಕೋಪಗಳನ್ನು ಎದುರಿಸಲು ಮಾಡಿಕೊಳ್ಳುವ ಪೂರ್ವಸಿದ್ಧತೆಗೆ ಹಿನ್ನಡೆಯಾಗಬಾರದು ಎಂದು ತಜ್ಞರು ಎಚ್ಚರಿಸಿದ್ದಾರೆ.</p>.<p>‘ಕೋವಿಡ್ ತಡೆಗೆ ಮುಂಜಾಗೃತಾ ಕ್ರಮಗಳನ್ನು ಕೈಗೊಳ್ಳುವುದು ಕ್ರೀಡಾಕೂಟ ಆಯೋಜಕರ ಮುಂದಿರುವ ತುರ್ತು ಸವಾಲು. ಆದರೆ ಒಲಿಂಪಿಕ್ಸ್ ನಡೆಯುವ ಈ ಸಂದರ್ಭದಲ್ಲಿ ಭಾರಿ ಪ್ರಮಾಣದ ಭೂಕಂಪಗಳ ಅಪಾಯದ ಅರಿವಿರಲೇಬೇಕು‘ ಎಂದು ಪ್ರಕೃತಿ ವಿಕೋಪಗಳ ಅಧ್ಯಯನ ತಜ್ಞ, ಜಪಾನ್ನ ಹಿರೊಟಡಾ ಹಿರೊಸೆ ಹೇಳಿದ್ದಾರೆ.</p>.<p>ಜಪಾನ್, ಪೆಸಿಫಿಕ್ ಸಾಗರದ ‘ಭೂಕಂಪನ ಮತ್ತು ಜ್ವಾಲಾಮುಖಿಗಳ ಕೇಂದ್ರ‘ ವ್ಯಾಪ್ತಿಯಲ್ಲಿದೆ. ಮೇನಿಂದ ಅಕ್ಟೋಬರ್ ಅವಧಿಯೊಳಗೆ ಇಲ್ಲಿ ಜ್ವಾಲಾಮುಖಿ ಮತ್ತು ಚಂಡಮಾರುತಗಳು ನಿರಂತರವಾಗಿ ಸಂಭವಿಸುತ್ತಿರುತ್ತವೆ. ಆಗಸ್ಟ್ ಮತ್ತು ಸೆಪ್ಟೆಂಬರ್ನಲ್ಲಿ ಇವುಗಳ ತೀವ್ರತೆ ಹೆಚ್ಚು.</p>.<p>2019ರಲ್ಲಿ ಜಪಾನ್ ರಗ್ಬಿ ವಿಶ್ವಕಪ್ ಆಯೋಜಿಸಿದ ಸಂದರ್ಭದಲ್ಲಿ ಹಕಿಬಿಸ್ ಚಂಡಮಾರುತ ಬೀಸಿತ್ತು. ಈ ಕಾರಣದಿಂದಾಗಿ ಹಲವು ಪಂದ್ಯಗಳನ್ನು ರದ್ದು ಮಾಡಲಾಗಿತ್ತು. ಚಂಡಮಾರುತದಿಂದಾಗಿ ನೂರಕ್ಕೂ ಹೆಚ್ಚು ಜನ ಸಾವನ್ನಪ್ಪಿದ್ದರು. ವ್ಯಾಪಕ ಪ್ರವಾಹವೂ ಕಾಣಿಸಿಕೊಂಡಿತ್ತು.</p>.<p>‘ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳುವ ಜನರ ಸುರಕ್ಷತೆಗೆ ನಾವು ಆದ್ಯತೆ ನೀಡುತ್ತೇವೆ. ಪ್ರಕೃತಿ ವಿಕೋಪಗಳನ್ನು ಎದುರಿಸಲು ಸಿದ್ಧತೆಗಳನ್ನೂ ಮಾಡಿಕೊಂಡಿದ್ದೇವೆ‘ ಎಂದು ಕ್ರೀಡಾಕೂಟದ ಆಯೋಜಕರು ಹೇಳಿದ್ದಾರೆ. ಆದರೆ ಈ ಬಗ್ಗೆ ಹೆಚ್ಚಿನ ವಿವರಗಳನ್ನು ನೀಡಲು ಅವರು ನಿರಾಕರಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೋಕಿಯೊ: </strong>ಈ ಬಾರಿಯ ಒಲಿಂಪಿಕ್ಸ್ಗೆ ಕೊರೊನಾ ವೈರಸ್ ಹಾವಳಿ ದೊಡ್ಡ ಆತಂಕವೇ ಆದರೂ ಮಾರಣಾಂತಿಕ, ಅನಿರೀಕ್ಷಿತವಾದ ನೈಸರ್ಗಿಕ ವಿಕೋಪಗಳ ಭೀತಿಯೂ ಆಯೋಜಕರಿಗೆ ಸವಾಲಾಗಿದೆ.</p>.<p>ಜಪಾನ್ನಲ್ಲಿ ನಿಯಮಿತವಾಗಿ ಭೂಕಂಪನಗಳು ಸಂಭವಿಸುತ್ತವೆ. ಚಂಡಮಾರುತಗಳಿಂದಲೂ ಆ ದೇಶ ಜರ್ಜರಿತವಾಗಿದೆ. ಹೀಗಾಗಿ ಒಲಿಂಪಿಕ್ನಂತಹ ಪ್ರಮುಖ ಕ್ರೀಡಾಕೂಟದಲ್ಲಿ ಈ ವಿಕೋಪಗಳನ್ನು ಎದುರಿಸಲು ಮಾಡಿಕೊಳ್ಳುವ ಪೂರ್ವಸಿದ್ಧತೆಗೆ ಹಿನ್ನಡೆಯಾಗಬಾರದು ಎಂದು ತಜ್ಞರು ಎಚ್ಚರಿಸಿದ್ದಾರೆ.</p>.<p>‘ಕೋವಿಡ್ ತಡೆಗೆ ಮುಂಜಾಗೃತಾ ಕ್ರಮಗಳನ್ನು ಕೈಗೊಳ್ಳುವುದು ಕ್ರೀಡಾಕೂಟ ಆಯೋಜಕರ ಮುಂದಿರುವ ತುರ್ತು ಸವಾಲು. ಆದರೆ ಒಲಿಂಪಿಕ್ಸ್ ನಡೆಯುವ ಈ ಸಂದರ್ಭದಲ್ಲಿ ಭಾರಿ ಪ್ರಮಾಣದ ಭೂಕಂಪಗಳ ಅಪಾಯದ ಅರಿವಿರಲೇಬೇಕು‘ ಎಂದು ಪ್ರಕೃತಿ ವಿಕೋಪಗಳ ಅಧ್ಯಯನ ತಜ್ಞ, ಜಪಾನ್ನ ಹಿರೊಟಡಾ ಹಿರೊಸೆ ಹೇಳಿದ್ದಾರೆ.</p>.<p>ಜಪಾನ್, ಪೆಸಿಫಿಕ್ ಸಾಗರದ ‘ಭೂಕಂಪನ ಮತ್ತು ಜ್ವಾಲಾಮುಖಿಗಳ ಕೇಂದ್ರ‘ ವ್ಯಾಪ್ತಿಯಲ್ಲಿದೆ. ಮೇನಿಂದ ಅಕ್ಟೋಬರ್ ಅವಧಿಯೊಳಗೆ ಇಲ್ಲಿ ಜ್ವಾಲಾಮುಖಿ ಮತ್ತು ಚಂಡಮಾರುತಗಳು ನಿರಂತರವಾಗಿ ಸಂಭವಿಸುತ್ತಿರುತ್ತವೆ. ಆಗಸ್ಟ್ ಮತ್ತು ಸೆಪ್ಟೆಂಬರ್ನಲ್ಲಿ ಇವುಗಳ ತೀವ್ರತೆ ಹೆಚ್ಚು.</p>.<p>2019ರಲ್ಲಿ ಜಪಾನ್ ರಗ್ಬಿ ವಿಶ್ವಕಪ್ ಆಯೋಜಿಸಿದ ಸಂದರ್ಭದಲ್ಲಿ ಹಕಿಬಿಸ್ ಚಂಡಮಾರುತ ಬೀಸಿತ್ತು. ಈ ಕಾರಣದಿಂದಾಗಿ ಹಲವು ಪಂದ್ಯಗಳನ್ನು ರದ್ದು ಮಾಡಲಾಗಿತ್ತು. ಚಂಡಮಾರುತದಿಂದಾಗಿ ನೂರಕ್ಕೂ ಹೆಚ್ಚು ಜನ ಸಾವನ್ನಪ್ಪಿದ್ದರು. ವ್ಯಾಪಕ ಪ್ರವಾಹವೂ ಕಾಣಿಸಿಕೊಂಡಿತ್ತು.</p>.<p>‘ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳುವ ಜನರ ಸುರಕ್ಷತೆಗೆ ನಾವು ಆದ್ಯತೆ ನೀಡುತ್ತೇವೆ. ಪ್ರಕೃತಿ ವಿಕೋಪಗಳನ್ನು ಎದುರಿಸಲು ಸಿದ್ಧತೆಗಳನ್ನೂ ಮಾಡಿಕೊಂಡಿದ್ದೇವೆ‘ ಎಂದು ಕ್ರೀಡಾಕೂಟದ ಆಯೋಜಕರು ಹೇಳಿದ್ದಾರೆ. ಆದರೆ ಈ ಬಗ್ಗೆ ಹೆಚ್ಚಿನ ವಿವರಗಳನ್ನು ನೀಡಲು ಅವರು ನಿರಾಕರಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>