ಮುಂಬಾ ಮೇಲೆರಗಿದ ಪಿಂಕ್‌ ಪ್ಯಾಂಥರ್ಸ್‌

ಹೈದರಾಬಾದ್: ಆಟದ ಎಲ್ಲಾ ವಿಭಾಗಗಳಲ್ಲೂ ಮೇಲುಗೈ ಸಾಧಿಸಿದ ಜೈಪುರ ಪಿಂಕ್ ಪ್ಯಾಂಥರ್ಸ್ ತಂಡವು ಪ್ರೊ ಕಬಡ್ಡಿ ಲೀಗ್ (ಪಿಕೆಎಲ್) ಏಳನೇ ಆವೃತ್ತಿಯಲ್ಲಿ ಶುಭಾರಂಭ ಮಾಡಿತು.

. ಗಚಿಬೌಲಿ ಕ್ರೀಡಾಂಗಣದಲ್ಲಿ ಸೋಮವಾರ ನಡೆದ ಪೈಪೋಟಿಯಲ್ಲಿ ಪಿಂಕ್ ಪ್ಯಾಂಥರ್ಸ್ 42–23ರಲ್ಲಿ ಯು ಮುಂಬಾ ತಂಡವನ್ನು ಪರಾಭವಗೊಳಿಸಿತು.

. ಪ್ಯಾಂಥರ್ಸ್ ತಂಡದ ದೀಪಕ್ ಹೂಡಾ, ಚಾಕಚಕ್ಯತೆಯ ರೈಡಿಂಗ್ಗಳ ಮೂಲಕ ಮುತ್ತಿನಗರಿಯ ಅಭಿಮಾನಿಗಳನ್ನು ಮುದಗೊಳಿಸಿದರು. ಅವರು ಒಟ್ಟು 11 ಪಾಯಿಂಟ್ಸ್ ಕಲೆಹಾಕಿದರು. ಇದರೊಂದಿಗೆ ಲೀಗ್ನಲ್ಲಿ 25ನೇ ಬಾರಿ ಸೂಪರ್–10 ಸಾಧನೆ ಮಾಡಿದರು.

. ಚೊಚ್ಚಲ ರೈಡ್ನಲ್ಲೇ ಮುಂಬಾ ತಂಡದ ರಕ್ಷಣಾ ಕೋಟೆ ಭೇದಿಸಿದ ದೀಪಕ್ ಹೂಡಾ, ಹರೇಂದ್ರ ಕುಮಾರ್ ಮತ್ತು ಸುರೀಂದರ್ ಸಿಂಗ್ ಅವರನ್ನು ಔಟ್ ಮಾಡಿ ಪ್ಯಾಂಥರ್ಸ್ ಖಾತೆಗೆ ಎರಡು ಪಾಯಿಂಟ್ಸ್ ಸೇರ್ಪಡೆ ಮಾಡಿದರು. ನಾಲ್ಕನೇ ರೈಡ್ನಲ್ಲಿ ದೀಪಕ್ ನರ್ವಾಲ್ ಒಂದು ಪಾಯಿಂಟ್ ಹೆಕ್ಕಿದರು.

. ‘ಡೂ ಆರ್ ಡೈ’ ರೈಡ್ನಲ್ಲಿ ಹೂಡಾ ಅವರನ್ನು ಔಟ್ ಮಾಡಿದ ಡಾಂಗ್ ಜಿಯೊನ್ ಲೀ, ಮುಂಬಾ ಹಿನ್ನಡೆಯನ್ನು 1–3ಕ್ಕೆ ತಗ್ಗಿಸಿದರು. ನಂತರ ಪ್ಯಾಂಥರ್ಸ್ ಪರಾಕ್ರಮ ಮೆರೆಯಿತು. ಏಳನೇ ನಿಮಿಷದಲ್ಲಿ ಮುಂಬಾ ತಂಡದ ಆವರಣ ಖಾಲಿ ಮಾಡಿದ ಜೈಪುರದ ತಂಡ 10–2 ಮುನ್ನಡೆ ಪಡೆಯಿತು.

. ಬಳಿಕ ಮುಂಬಾ ಇನ್ನಷ್ಟು ಮಂಕಾಯಿತು. ಮೊದಲಾರ್ಧದ ಆಟ ಮುಗಿಯಲು ಒಂದು ನಿಮಿಷ ಇದ್ದಾಗ ಮತ್ತೊಮ್ಮೆ ಆಲೌಟ್ ಆದ ಈ ತಂಡವು 9–22ರಿಂದ ಹಿನ್ನಡೆ ಅನುಭವಿಸಿತು.

. ದ್ವಿತೀಯಾರ್ಧದ ಮೊದಲ ಹತ್ತು ನಿಮಿಷಗಳ ಅವಧಿಯಲ್ಲಿ ಎರಡು ತಂಡಗಳು ಸಮಬಲದಿಂದ ಹೋರಾಡಿದವು. ಇದರ ನಡುವೆಯೂ ಪ್ಯಾಂಥರ್ಸ್ ತಂಡವು ಮುನ್ನಡೆ (27–15) ಕಾಪಾಡಿಕೊಂಡಿತು.

. ಕೊನೆಯ ಐದು ನಿಮಿಷಗಳಲ್ಲಿ ದೀಪಕ್ ಹೂಡಾ ಆಟ ರಂಗೇರಿತು. ಸತತವಾಗಿ ರೈಡಿಂಗ್ ಪಾಯಿಂಟ್ಸ್ ಕಲೆಹಾಕಿದ ಅವರು ಅಂಗಳದಲ್ಲಿ ಮಿಂಚಿನ ಸಂಚಲನ ಸೃಷ್ಟಿಸಿದರು.

. ದಿನದ ಇನ್ನೊಂದು ಪಂದ್ಯದಲ್ಲಿ ಹರಿಯಾಣ ಸ್ಟೀಲರ್ಸ್ 34–24 ಪಾಯಿಂಟ್ಸ್ನಿಂದ ಪುಣೇರಿ ಪಲ್ಟನ್ ತಂಡವನ್ನು ಮಣಿಸಿತು.

. ಹಿರಿಯ ಆಟಗಾರರಾದ ರಾಕೇಶ್ ಕುಮಾರ್ ಮತ್ತು ಅನೂಪ್ ಕುಮಾರ್ ಅವರು ಕ್ರಮವಾಗಿ ಸ್ಟೀಲರ್ಸ್ ಮತ್ತು ಪುಣೇರಿ ತಂಡಗಳ ಕೋಚ್ ಆಗಿದ್ದರಿಂದ ಈ ಪೈಪೋಟಿ ಸಾಕಷ್ಟು ಕುತೂಹಲ ಕೆರಳಿಸಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮುಂಬಾ ಮೇಲೆರಗಿದ ಪಿಂಕ್‌ ಪ್ಯಾಂಥರ್ಸ್‌

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ