ಶನಿವಾರ ನಡೆದ ಪುರುಷರ ಸಿಂಗಲ್ಸ್‌ ವಿಭಾಗದ 32ರ ಘಟ್ಟದ ಪೈಪೋಟಿಯಲ್ಲಿ ಯೋಗೇಶ್‌ 68–09, 84–07, 62–27, 66–10 ನೇರ ಫ್ರೇಮ್‌ಗಳಿಂದ ಉದಯ್‌ ಕುಮಾರ್‌ ಅವರನ್ನು ಸೋಲಿಸಿದರು.

ಮೊದಲ ಎರಡು ಫ್ರೇಮ್‌ಗಳಲ್ಲಿ ಎದುರಾಳಿಗೆ ಕೇವಲ 16 ಪಾಯಿಂಟ್ಸ್‌ ಬಿಟ್ಟುಕೊಟ್ಟ ಯೋಗೇಶ್‌, ನಂತರದ ಎರಡು ಫ್ರೇಮ್‌ಗಳಲ್ಲೂ ಮೋಡಿ ಮಾಡಿದರು.

ಇನ್ನೊಂದು ಪಂದ್ಯದಲ್ಲಿ ಕೊಯಮತ್ತೂರಿನ ವಿಜಯ್‌ ನಿಚಾನಿ 77–32, 88–16, 49–57, 28–65, 122–1, 53–62, 58–8ರಲ್ಲಿ ರೈಲ್ವೇಸ್‌ನ ದಿಲೀಪ್‌ ಕುಮಾರ್ ಎದುರು ಗೆದ್ದರು.

ದಕ್ಷ ರೆಡ್ಡಿ 43–71, 81–0, 88–44, 61–42, 85–5ರಲ್ಲಿ ಪೀಟರ್‌ ‍ಪಾಲ್‌ ಎದುರೂ, ಮುಷ್ತಾಕ್‌ 15–63, 29–50, 36–58, 63–28, 54–20, 66–26, 60–49ರಲ್ಲಿ ವಿನಯ್‌ ಕೊಠಾರಿ ವಿರುದ್ಧವೂ ವಿಜಯಿಯಾದರು.

64ರ ಘಟ್ಟದ ಪೈಪೋಟಿಯಲ್ಲಿ ಕರ್ನಾಟಕದ ಬಿ.ಸಿ.ಕಾರ್ತಿಕ್‌ ಗೆಲುವಿನ ಸಿಹಿ ಸವಿದರು.

ಕಾರ್ತಿಕ್‌ 77–3, 65–47, 45–51, 62–29ರಲ್ಲಿ ಶರತ್‌ ಅವರನ್ನು ಸೋಲಿಸಿದರು.