<p><strong>ಮೆಲ್ಬರ್ನ್:</strong> ಗೆಲುವಿನ ನಾಗಾಲೋಟದಲ್ಲಿರುವ ಇಟಲಿಯ ಯಾನಿಕ್ ಸಿನ್ನರ್ ಮತ್ತು ಪೋಲೆಂಡ್ನ ಇಗಾ ಶ್ವಾಂಟೆಕ್ ಅವರು ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಶನಿವಾರ ಪ್ರಿ ಕ್ವಾರ್ಟರ್ ಫೈನಲ್ಗೆ ಲಗ್ಗೆ ಹಾಕಿದರು.</p><p>ಪುರುಷರ ಸಿಂಗಲ್ಸ್ನ ನಾಲ್ಕನೇ ಶ್ರೇಯಾಂಕದ ಟೇಲರ್ ಫ್ರಿಟ್ಜ್ ಮತ್ತು ಮಹಿಳೆಯರ ಸಿಂಗಲ್ಸ್ನ ನಾಲ್ಕನೇ ಶ್ರೇಯಾಂಕಿತೆ ಜಾಸ್ಮಿನ್ ಪಾವ್ಲೀನಿ ಮೂರನೇ ಸುತ್ತಿನಲ್ಲೇ ಹೊರಬಿದ್ದರು. ಅವರಿಬ್ಬರನ್ನು ಸೋಲಿಸಿದ್ದು ದಂಪತಿ ಜೋಡಿ ಎಂಬುದು ಸ್ವಾರಸ್ಯದ ವಿಷಯವಾಯಿತು.</p><p>ರಾಡ್ ಲೇವರ್ ಅರೇನಾದಲ್ಲಿ ನಡೆದ ಪುರುಷರ ಸಿಂಗಲ್ಸ್ನ ಮೂರನೇ ಸುತ್ತಿನ ಪಂದ್ಯದಲ್ಲಿ ಹಾಲಿ ಚಾಂಪಿಯನ್, ವಿಶ್ವದ ಅಗ್ರಮಾನ್ಯ ಆಟಗಾರ ಸಿನ್ನರ್ 6-3, 6-4, 6-2ರಿಂದ ಶ್ರೇಯಾಂಕ ರಹಿತ ಆಟಗಾರ ಮಾರ್ಕೋಸ್ ಗಿರಾನ್ ಅವರನ್ನು ಹಿಮ್ಮೆಟ್ಟಿಸಿದರು. ಇಟಲಿಯ ಆಟಗಾರ ಮುಂದಿನ ಸುತ್ತಿನಲ್ಲಿ 13ನೇ ಶ್ರೇಯಾಂಕದ ಹೋಲ್ಗರ್ ರೂನ್ (ಡೆನ್ಮಾರ್ಕ್) ಅವರನ್ನು ಎದುರಿಸಲಿದ್ದಾರೆ.</p><p>ಫ್ರಾನ್ಸ್ನ ಅನುಭವಿ ಆಟಗಾರ ಗೇಲ್ ಮಾನ್ಫಿಲ್ಸ್ ಅವರು ಅಮೆರಿಕದ ಟೇಲರ್ಗೆ ಆಘಾತ ನೀಡಿದರು. 38 ವರ್ಷ ವಯಸ್ಸಿನ ಶ್ರೇಯಾಂಕರಹಿತ ಮಾನ್ಫಿಲ್ಸ್ 3-6, 7-5, 7-6 (7/1), 6-4ರಿಂದ ಗೆಲುವು ಸಾಧಿಸಿದರು.</p><p>ಪ್ರಸ್ತುತ 41ನೇ ಕ್ರಮಾಂಕ ಹೊಂದಿರುವ ಮಾನ್ಫಿಲ್ಸ್, 2016ರಲ್ಲಿ ವೃತ್ತಿಜೀವನದ ಅತ್ಯುನ್ನತ ಆರನೇ ರ್ಯಾಂಕ್ ತಲುಪಿದ್ದರು. ವಾರದ ಹಿಂದೆ ಆಕ್ಲೆಂಡ್ ಕ್ಲಾಸಿಕ್ನಲ್ಲಿ ಪ್ರಶಸ್ತಿ ಗೆದ್ದು, ಎಟಿಪಿ ಟೂರ್ ಇತಿಹಾಸದಲ್ಲಿ ಸಿಂಗಲ್ಸ್ ಕಿರೀಟ ಮುಡಿಗೇರಿಸಿಕೊಂಡ ಅತಿ ಹಿರಿಯ ಆಟಗಾರ ಎಂಬ ಹಿರಿಮೆಗೆ ಅವರು ಪಾತ್ರರಾಗಿದ್ದರು.</p><p>ಮಹಿಳೆಯರ ಸಿಂಗಲ್ಸ್ನ ಪಂದ್ಯದಲ್ಲಿ ಮಾನ್ಫಿಲ್ಸ್ ಅವರ ಪತ್ನಿ ಎಲಿನಾ ಸ್ವಿಟೋಲಿನಾ ಅವರು ಜಾಸ್ಮಿನ್ ಅವರಿಗೆ ಆಘಾತ ನೀಡಿದರು. ಉಕ್ರೇನ್ನ ಆಟಗಾರ್ತಿ ಆರಂಭಿಕ ಹಿನ್ನಡೆಯಿಂದ ಚೇತರಿಸಿಕೊಂಡು 2-6, 6-4, 6-0ರಿಂದ ಜಯ ಸಾಧಿಸಿದರು. 30 ವರ್ಷ ವಯಸ್ಸಿನ ಎಲಿನಾ ಅವರನ್ನು 2020ರಲ್ಲಿ ಗೇಲ್ ಮದುವೆಯಾಗಿದ್ದಾರೆ.</p><p>ಕಳೆದ ಬಾರಿಯ ರನ್ನರ್ ಅಪ್ ಡೇನಿಯಲ್ ಮೆಡ್ವೆಡೇವ್ ಅವರಿಗೆ ಆಘಾತ ನೀಡಿ ಮೂರನೇ ಸುತ್ತು ಪ್ರವೇಶಿಸಿದ್ದ ಕ್ವಾಲಿಫೈಯರ್, 19 ವರ್ಷ ವಯಸ್ಸಿನ ಲರ್ನರ್ ಟಿಯನ್ ಗೆಲುವಿನ ಓಟವನ್ನು ವಿಸ್ತರಿಸಿದರು. ಅಮೆರಿಕದ ಲರ್ನರ್ 7-6 (12/10), 6-3, 6-3ರಿಂದ ಫ್ರಾನ್ಸ್ನ ಕೊರೆಂಟಿನ್ ಮೊಟೆಟ್ ಅವರನ್ನು ಮಣಿಸಿದರು.2005ರ ಬಳಿಕ ನಾಲ್ಕನೇ ಸುತ್ತು ಪ್ರವೇಶಿಸಿದ ಅತಿ ಕಿರಿಯ ಆಟಗಾರ ಎಂಬ ಹಿರಿಮೆಗೆ ಲರ್ನರ್ ಪಾತ್ರವಾದರು. 20 ವರ್ಷಗಳ ಹಿಂದೆ 18 ವರ್ಷ ವಯಸ್ಸಿನಲ್ಲಿ ನಡಾಲ್ ಈ ಸಾಧನೆ ಮಾಡಿದ್ದರು.</p><p><strong>ಶ್ವಾಂಟೆಕ್ ಮುನ್ನಡೆ: </strong></p><p>ಎರಡನೇ ಶ್ರೇಯಾಂಕದ ಶ್ವಾಂಟೆಕ್ 6-1, 6-0ರಿಂದ ಇಂಗ್ಲೆಂಡ್ನ ಎಮ್ಮಾ ರಾಡುಕಾನು ಅವರನ್ನು ಹಿಮ್ಮೆಟ್ಟಿಸಿದರು.</p><p>ಹೊರಬಿದ್ದ ಬಾಲಾಜಿ– ಮಿಗೆಲ್ ಭಾರತದ ಎನ್.ಶ್ರೀರಾಮ್ ಬಾಲಾಜಿ ಮತ್ತು ಮೆಕ್ಸಿಕೊದ ಅವರ ಜೊತೆಗಾರ ಮಿಗೆಲ್ ಏಂಜೆಲ್ ರೇಯೆಸ್–ವರೆಲಾ ಅವರು ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿಯ ಎರಡನೇ ಸುತ್ತಿನಲ್ಲಿ ಹೊರಬಿದ್ದಿದ್ದಾರೆ.</p><p><strong>ಮೆಡ್ವೆಡೇವ್ಗೆ ₹65.79 ಲಕ್ಷ ದಂಡ</strong></p><p>ಕಳೆದ ಬಾರಿಯ ರನ್ನರ್ ಅಪ್ ಡೇನಿಯಲ್ ಮೆಡ್ವೆಡೇವ್ ಅವರು ಪಂದ್ಯದ ವೇಳೆ ತೋರಿದ್ದ ಅನುಚಿತ ವರ್ತನೆಗಾಗಿ ₹65.79 ಲಕ್ಷ ದಂಡ ವಿಧಿಸಲಾಗಿದೆ.</p><p>ಮೆಡ್ವೆಡೇವ್ ಅವರು ಮೊದಲ ಸುತ್ತಿನಲ್ಲಿ ಥಾಯ್ಲೆಂಡ್ನ ಕಸಿದಿತ್ ಸಮ್ರೇಜ್ ವಿರುದ್ಧ ಪಂದ್ಯದಲ್ಲಿ ರ್ಯಾಕೆಟ್ ಅನ್ನು ನೆಲಕ್ಕೆ ಕುಕ್ಕಿ ಹಾಳುಗೆಡವಿದ್ದರು. ಅಲ್ಲದೆ, ನೆಟ್ ಕ್ಯಾಮೆರಾವನ್ನು ನಾಶಗೊಳಿಸಿದ್ದರು. ಇದಕ್ಕಾಗಿ ₹8.65 ಲಕ್ಷ ದಂಡ ವಿಧಿಸಲಾಗಿದೆ. ಎರಡನೇ ಸುತ್ತಿನ ಪಂದ್ಯದಲ್ಲಿ ಅಮೆರಿಕದ ಲರ್ನರ್ ಟಿಯೆನ್ ವಿರುದ್ಧ ಸೋತ ಅವರು ರಾಕೆಟ್ ಅನ್ನು ಎಸೆದಿದ್ದಾರೆ. ಅಂಪೈರ್ ಜೊತೆ ಪದೇಪದೇ ವಾದ ನಡೆಸಿದ್ದ ಅವರು, ಪಂದ್ಯದ ನಂತರದ ಪತ್ರಿಕಾಗೋಷ್ಠಿಯನ್ನು ತಪ್ಪಿಸಿಕೊಂಡಿದ್ದರು. ಈ ಕಾರಣಕ್ಕಾಗಿ ₹57,14 ದಂಡ ಹಾಕಲಾಗಿದೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೆಲ್ಬರ್ನ್:</strong> ಗೆಲುವಿನ ನಾಗಾಲೋಟದಲ್ಲಿರುವ ಇಟಲಿಯ ಯಾನಿಕ್ ಸಿನ್ನರ್ ಮತ್ತು ಪೋಲೆಂಡ್ನ ಇಗಾ ಶ್ವಾಂಟೆಕ್ ಅವರು ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಶನಿವಾರ ಪ್ರಿ ಕ್ವಾರ್ಟರ್ ಫೈನಲ್ಗೆ ಲಗ್ಗೆ ಹಾಕಿದರು.</p><p>ಪುರುಷರ ಸಿಂಗಲ್ಸ್ನ ನಾಲ್ಕನೇ ಶ್ರೇಯಾಂಕದ ಟೇಲರ್ ಫ್ರಿಟ್ಜ್ ಮತ್ತು ಮಹಿಳೆಯರ ಸಿಂಗಲ್ಸ್ನ ನಾಲ್ಕನೇ ಶ್ರೇಯಾಂಕಿತೆ ಜಾಸ್ಮಿನ್ ಪಾವ್ಲೀನಿ ಮೂರನೇ ಸುತ್ತಿನಲ್ಲೇ ಹೊರಬಿದ್ದರು. ಅವರಿಬ್ಬರನ್ನು ಸೋಲಿಸಿದ್ದು ದಂಪತಿ ಜೋಡಿ ಎಂಬುದು ಸ್ವಾರಸ್ಯದ ವಿಷಯವಾಯಿತು.</p><p>ರಾಡ್ ಲೇವರ್ ಅರೇನಾದಲ್ಲಿ ನಡೆದ ಪುರುಷರ ಸಿಂಗಲ್ಸ್ನ ಮೂರನೇ ಸುತ್ತಿನ ಪಂದ್ಯದಲ್ಲಿ ಹಾಲಿ ಚಾಂಪಿಯನ್, ವಿಶ್ವದ ಅಗ್ರಮಾನ್ಯ ಆಟಗಾರ ಸಿನ್ನರ್ 6-3, 6-4, 6-2ರಿಂದ ಶ್ರೇಯಾಂಕ ರಹಿತ ಆಟಗಾರ ಮಾರ್ಕೋಸ್ ಗಿರಾನ್ ಅವರನ್ನು ಹಿಮ್ಮೆಟ್ಟಿಸಿದರು. ಇಟಲಿಯ ಆಟಗಾರ ಮುಂದಿನ ಸುತ್ತಿನಲ್ಲಿ 13ನೇ ಶ್ರೇಯಾಂಕದ ಹೋಲ್ಗರ್ ರೂನ್ (ಡೆನ್ಮಾರ್ಕ್) ಅವರನ್ನು ಎದುರಿಸಲಿದ್ದಾರೆ.</p><p>ಫ್ರಾನ್ಸ್ನ ಅನುಭವಿ ಆಟಗಾರ ಗೇಲ್ ಮಾನ್ಫಿಲ್ಸ್ ಅವರು ಅಮೆರಿಕದ ಟೇಲರ್ಗೆ ಆಘಾತ ನೀಡಿದರು. 38 ವರ್ಷ ವಯಸ್ಸಿನ ಶ್ರೇಯಾಂಕರಹಿತ ಮಾನ್ಫಿಲ್ಸ್ 3-6, 7-5, 7-6 (7/1), 6-4ರಿಂದ ಗೆಲುವು ಸಾಧಿಸಿದರು.</p><p>ಪ್ರಸ್ತುತ 41ನೇ ಕ್ರಮಾಂಕ ಹೊಂದಿರುವ ಮಾನ್ಫಿಲ್ಸ್, 2016ರಲ್ಲಿ ವೃತ್ತಿಜೀವನದ ಅತ್ಯುನ್ನತ ಆರನೇ ರ್ಯಾಂಕ್ ತಲುಪಿದ್ದರು. ವಾರದ ಹಿಂದೆ ಆಕ್ಲೆಂಡ್ ಕ್ಲಾಸಿಕ್ನಲ್ಲಿ ಪ್ರಶಸ್ತಿ ಗೆದ್ದು, ಎಟಿಪಿ ಟೂರ್ ಇತಿಹಾಸದಲ್ಲಿ ಸಿಂಗಲ್ಸ್ ಕಿರೀಟ ಮುಡಿಗೇರಿಸಿಕೊಂಡ ಅತಿ ಹಿರಿಯ ಆಟಗಾರ ಎಂಬ ಹಿರಿಮೆಗೆ ಅವರು ಪಾತ್ರರಾಗಿದ್ದರು.</p><p>ಮಹಿಳೆಯರ ಸಿಂಗಲ್ಸ್ನ ಪಂದ್ಯದಲ್ಲಿ ಮಾನ್ಫಿಲ್ಸ್ ಅವರ ಪತ್ನಿ ಎಲಿನಾ ಸ್ವಿಟೋಲಿನಾ ಅವರು ಜಾಸ್ಮಿನ್ ಅವರಿಗೆ ಆಘಾತ ನೀಡಿದರು. ಉಕ್ರೇನ್ನ ಆಟಗಾರ್ತಿ ಆರಂಭಿಕ ಹಿನ್ನಡೆಯಿಂದ ಚೇತರಿಸಿಕೊಂಡು 2-6, 6-4, 6-0ರಿಂದ ಜಯ ಸಾಧಿಸಿದರು. 30 ವರ್ಷ ವಯಸ್ಸಿನ ಎಲಿನಾ ಅವರನ್ನು 2020ರಲ್ಲಿ ಗೇಲ್ ಮದುವೆಯಾಗಿದ್ದಾರೆ.</p><p>ಕಳೆದ ಬಾರಿಯ ರನ್ನರ್ ಅಪ್ ಡೇನಿಯಲ್ ಮೆಡ್ವೆಡೇವ್ ಅವರಿಗೆ ಆಘಾತ ನೀಡಿ ಮೂರನೇ ಸುತ್ತು ಪ್ರವೇಶಿಸಿದ್ದ ಕ್ವಾಲಿಫೈಯರ್, 19 ವರ್ಷ ವಯಸ್ಸಿನ ಲರ್ನರ್ ಟಿಯನ್ ಗೆಲುವಿನ ಓಟವನ್ನು ವಿಸ್ತರಿಸಿದರು. ಅಮೆರಿಕದ ಲರ್ನರ್ 7-6 (12/10), 6-3, 6-3ರಿಂದ ಫ್ರಾನ್ಸ್ನ ಕೊರೆಂಟಿನ್ ಮೊಟೆಟ್ ಅವರನ್ನು ಮಣಿಸಿದರು.2005ರ ಬಳಿಕ ನಾಲ್ಕನೇ ಸುತ್ತು ಪ್ರವೇಶಿಸಿದ ಅತಿ ಕಿರಿಯ ಆಟಗಾರ ಎಂಬ ಹಿರಿಮೆಗೆ ಲರ್ನರ್ ಪಾತ್ರವಾದರು. 20 ವರ್ಷಗಳ ಹಿಂದೆ 18 ವರ್ಷ ವಯಸ್ಸಿನಲ್ಲಿ ನಡಾಲ್ ಈ ಸಾಧನೆ ಮಾಡಿದ್ದರು.</p><p><strong>ಶ್ವಾಂಟೆಕ್ ಮುನ್ನಡೆ: </strong></p><p>ಎರಡನೇ ಶ್ರೇಯಾಂಕದ ಶ್ವಾಂಟೆಕ್ 6-1, 6-0ರಿಂದ ಇಂಗ್ಲೆಂಡ್ನ ಎಮ್ಮಾ ರಾಡುಕಾನು ಅವರನ್ನು ಹಿಮ್ಮೆಟ್ಟಿಸಿದರು.</p><p>ಹೊರಬಿದ್ದ ಬಾಲಾಜಿ– ಮಿಗೆಲ್ ಭಾರತದ ಎನ್.ಶ್ರೀರಾಮ್ ಬಾಲಾಜಿ ಮತ್ತು ಮೆಕ್ಸಿಕೊದ ಅವರ ಜೊತೆಗಾರ ಮಿಗೆಲ್ ಏಂಜೆಲ್ ರೇಯೆಸ್–ವರೆಲಾ ಅವರು ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿಯ ಎರಡನೇ ಸುತ್ತಿನಲ್ಲಿ ಹೊರಬಿದ್ದಿದ್ದಾರೆ.</p><p><strong>ಮೆಡ್ವೆಡೇವ್ಗೆ ₹65.79 ಲಕ್ಷ ದಂಡ</strong></p><p>ಕಳೆದ ಬಾರಿಯ ರನ್ನರ್ ಅಪ್ ಡೇನಿಯಲ್ ಮೆಡ್ವೆಡೇವ್ ಅವರು ಪಂದ್ಯದ ವೇಳೆ ತೋರಿದ್ದ ಅನುಚಿತ ವರ್ತನೆಗಾಗಿ ₹65.79 ಲಕ್ಷ ದಂಡ ವಿಧಿಸಲಾಗಿದೆ.</p><p>ಮೆಡ್ವೆಡೇವ್ ಅವರು ಮೊದಲ ಸುತ್ತಿನಲ್ಲಿ ಥಾಯ್ಲೆಂಡ್ನ ಕಸಿದಿತ್ ಸಮ್ರೇಜ್ ವಿರುದ್ಧ ಪಂದ್ಯದಲ್ಲಿ ರ್ಯಾಕೆಟ್ ಅನ್ನು ನೆಲಕ್ಕೆ ಕುಕ್ಕಿ ಹಾಳುಗೆಡವಿದ್ದರು. ಅಲ್ಲದೆ, ನೆಟ್ ಕ್ಯಾಮೆರಾವನ್ನು ನಾಶಗೊಳಿಸಿದ್ದರು. ಇದಕ್ಕಾಗಿ ₹8.65 ಲಕ್ಷ ದಂಡ ವಿಧಿಸಲಾಗಿದೆ. ಎರಡನೇ ಸುತ್ತಿನ ಪಂದ್ಯದಲ್ಲಿ ಅಮೆರಿಕದ ಲರ್ನರ್ ಟಿಯೆನ್ ವಿರುದ್ಧ ಸೋತ ಅವರು ರಾಕೆಟ್ ಅನ್ನು ಎಸೆದಿದ್ದಾರೆ. ಅಂಪೈರ್ ಜೊತೆ ಪದೇಪದೇ ವಾದ ನಡೆಸಿದ್ದ ಅವರು, ಪಂದ್ಯದ ನಂತರದ ಪತ್ರಿಕಾಗೋಷ್ಠಿಯನ್ನು ತಪ್ಪಿಸಿಕೊಂಡಿದ್ದರು. ಈ ಕಾರಣಕ್ಕಾಗಿ ₹57,14 ದಂಡ ಹಾಕಲಾಗಿದೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
