ಟೆನಿಸ್‌: ಭಾರತ ತಂಡದಲ್ಲಿ ವೈದೇಹಿ, ಋತುಜಾಗೆ ಸ್ಥಾನ

ಏಷ್ಯಾ ಒಷಾನಿಯಾ ಒಂದನೇ ಗುಂಪಿನ ಪಂದ್ಯವು ಉಜ್ಬೆಕಿಸ್ತಾನದ ತಾಷ್ಕೆಂಟ್‌ನಲ್ಲಿ ಏಪ್ರಿಲ್ 10ರಿಂದ ನಡೆಯಲಿದೆ. ಅಂಕಿತಾ ರೈನಾ ಮತ್ತು ಕರ್ಮನ್ ಕೌರ್ ಥಂಡಿ ಪಂದ್ಯದಲ್ಲಿ ಆಡಲಿರುವ ಪ್ರಮುಖ ಆಟಗಾರ್ತಿಯರಾಗಿದ್ದಾರೆ.

ನಂದನ್ ಬಾಲ್ ಆಯ್ಕೆ ಮಾಡಿರುವ ತಂಡದಲ್ಲಿ, ಸಹಜಾ ಯಮಲಪಲ್ಲಿ ಮತ್ತು ಋತುಜಾ ಭೋಸ್ಲೆ ಅವರಿಗೂ ಸ್ಥಾನ ಸಿಕ್ಕಿದ್ದು, ರಿಯಾ ಭಾಟಿಯಾ ಅವರನ್ನು ಕೈಬಿಡಲಾಗಿದೆ.

ವಿಶಾಲ್ ಉಪ್ಪಳ ಬದಲಿಗೆ ಶಾಲಿನಿ ಠಾಕೂರ್ ಚಾವ್ಲಾ ಅವರಿಗೆ ತಂಡದ ನಾಯಕತ್ವ ವಹಿಸಲಾಗಿದೆ.

ಭಾರತ ತಂಡ: ಅಂಕಿತಾ ರೈನಾ, ಕರ್ಮನ್‌ಕೌರ್ ಥಂಡಿ, ಋತುಜಾ ಭೋಸ್ಲೆ, ಸಹಜಾ ಯಮಲಪಲ್ಲಿ ಮತ್ತು ವೈದೇಹಿ ಚೌಧರಿ. ಕಾಯ್ದಿರಿಸಿದ ಆಟಗಾರ್ತಿ: ಶ್ರೀವಲ್ಲಿ ಭಾಮಿದಿಪಾಟಿ. ನಾಯಕಿ: ಶಾಲಿನಿ ಠಾಕೂರ್ ಚಾವ್ಲಾ, ಕೋಚ್‌: ರಾಧಿಕಾ ಕಾನಿಟ್ಕರ್.