World Cup | ಭಾರತದ ಎದುರು ಆಸಿಸ್ ಬ್ಯಾಟರ್‌ಗಳು ಆಕ್ರಮಣಶೀಲರಾಗಬೇಕಿತ್ತು: ಫಿಂಚ್

ಚೆನ್ನೈ : ಭಾರತದ ವಿಶ್ವ ದರ್ಜೆಯ ಸ್ಪಿನ್ನರ್ಗಗಳ ಎದುರು ಆಸ್ಟ್ರೇಲಿಯಾದ ಬ್ಯಾಟರ್ಗಳು ಯೋಜನೆ ರೂಪಿಸಿದಂತೆ ಕಾಣಲಿಲ್ಲ. ಅವರು ಆಕ್ರಮಣಕಾರಿ ಮನೋಭಾವ ಪ್ರದರ್ಶಿಸಲಿಲ್ಲ ಎಂದು ಆ ತಂಡದ ಮಾಜಿ ನಾಯಕ ಆ್ಯರನ್ ಫಿಂಚ್ ಹೇಳಿದ್ದಾರೆ. ಮುಂಚೂಣಿಯಲ್ಲಿ ಇರಬೇಕಾದರೆ ಆ ತಂಡ ಮನಸ್ಥಿತಿಯಲ್ಲಿ ಬದಲಾವಣೆ ಮಾಡಿಕೊಳ್ಳಬೇಕಾದ ಅಗತ್ಯವಿದೆ ಎಂದೂ ಅಭಿಪ್ರಾಯಪಟ್ಟಿದ್ದಾರೆ.

. ಭಾನುವಾರ ಇಲ್ಲಿ ನಡೆದ ವಿಶ್ವಕಪ್ನ ಮೊದಲ ಪಂದ್ಯದಲ್ಲಿ ಭಾರತದ ಸ್ಪಿನ್ನರ್ಗಳು, ಆರು ವಿಕೆಟ್ ಕಿತ್ತು ಆಸ್ಟ್ರೇಲಿಯಾ ತಂಡ 199 ರನ್ಗಳಿಗೆ ಸೀಮಿತಗೊಳ್ಳಲು ಕಾರಣರಾಗಿದ್ದರು.

. ಸ್ಪಿನ್ ಸ್ನೇಹಿಯಾಗಿದ್ದ ಎಂ.ಎ.ಚಿದಂಬರಂ ಕ್ರೀಡಾಂಗಣದ ಪಿಚ್ನಲ್ಲಿ ಆಸ್ಟ್ರೇಲಿಯಾದ ಬ್ಯಾಟರ್ಗಳು ಅತೀವ ಎಚ್ಚರಿಕೆ ವಹಿಸಿ ಆಡಿದ್ದ ಕಾರಣ ಎದುರಾಳಿ ಸ್ಪಿನ್ನರ್ಗಳು ಹತೋಟಿ ಪಡೆಯಲು ಅವಕಾಶವಾಯಿತು ಎಂದು ಫಿಂಚ್ ಅಭಿಪ್ರಾಯಪಟ್ಟಿದ್ದಾರೆ.

.ICC World Cup 2023| IND vs AUS: ಆಸ್ಟ್ರೇಲಿಯಾ ವಿರುದ್ಧ ಭಾರತಕ್ಕೆ ಜಯ. ‘ಜಡೇಜ, ಕುಲದೀಪ್ ಮತ್ತು ಅಶ್ವಿನ್ ಅವರಿಗೆ ನಿಯಂತ್ರಣ ಸಾಧಿಸಲು ಬಿಡಬಾರದಿತ್ತು. ಅವರು ಕರಾರುವಾಕ್ ಆಗಿ ಬೌಲಿಂಗ್ ಮಾಡಬಲ್ಲ ಜಾಣರು. ಜಡೇಜ ಈಗಾಗಲೇ ಹಲವು ಬಾರಿ ಆಸ್ಟ್ರೇಲಿಯಾ ಎದುರು ಈ ರೀತಿ ಯಶಸ್ಸು ಪಡೆದಿದ್ದಾರೆ’ ಎಂದು ಅವರು ಐಸಿಸಿಗೆ ಬರೆದ ಅಂಕಣದಲ್ಲಿ ವಿಶ್ಲೇಷಿಸಿದ್ದಾರೆ.

. ‘ಆಸ್ಟ್ರೇಲಿಯಾ ಕೂಡ ಸಾಕಷ್ಟು ಅವಕಾಶಗಳನ್ನು ಹೊಂದಿತ್ತು. ವಿರಾಟ್ ನೀಡಿದ್ದ ಕ್ಯಾಚ್ ಪಡೆದಿದ್ದರೆ ಪಂದ್ಯದ ಗತಿಯೇ ಬದಲಾಗುತಿತ್ತು’ ಎಂದು ಬರೆದಿದ್ದಾರೆ. ‘ವಿರಾಟ್, ಪ್ರೇಕ್ಷಕರಿಂದ ಬಲ ಪಡೆಯುತ್ತಾರೆ. ಕುದುರಿಕೊಂಡರೆ ಅವರನ್ನು ತಡೆಯಲಾಗದು. ಕೆ.ಎಲ್.ರಾಹುಲ್ ಅಧಿಕಾರಯುತ ಆಟವಾಡಿದರು’ ಎಂದೂ ಬರೆದಿದ್ದಾರೆ.

. ಭಾರತದ ಪ್ರದರ್ಶನವನ್ನು ಫಿಂಚ್ ಕೊಂಡಾಡಿದರು. ‘ಭಾರತ ಸಮತೋಲನ ಹೊಂದಿರುವ ತಂಡ. ಮೂವರು ಅತ್ಯುತ್ತಮ ಸ್ಪಿನ್ನರ್ಗಳಿದ್ದಾರೆ. ಮೂವರು ನುರಿತ ವೇಗದ ಬೌಲರ್ಗಳಿದ್ದಾರೆ. ಅವರಿಗೆ ಬೆಂಬಲವಾಗಿ ಹಾರ್ದಿಕ್ ಪಾಂಡ್ಯ ಇದ್ದಾರೆ. ಇದು ತಂಡಕ್ಕೆ ಸಂತುಲನ ನೀಡಿದೆ. ಇಂಥ ಅನುಕೂಲಕರ ಪರಿಸ್ಥಿತಿಯಲ್ಲಿ ಅವರನ್ನು ಸೋಲಿಸುವುದು ಕಷ್ಟ’ ಎಂದೂ ಉಲ್ಲೇಖಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

World Cup | ಭಾರತದ ಎದುರು ಆಸಿಸ್ ಬ್ಯಾಟರ್‌ಗಳು ಆಕ್ರಮಣಶೀಲರಾಗಬೇಕಿತ್ತು: ಫಿಂಚ್

ICC World Cup 2023| IND vs AUS: ಆಸ್ಟ್ರೇಲಿಯಾ ವಿರುದ್ಧ ಭಾರತಕ್ಕೆ ಜಯ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ