ಬೆಂಗಳೂರು: ಮಂಗಳೂರು ರಿಫೈನರಿ ಮತ್ತು ಪೆಟ್ರೋಕೆಮಿಕಲ್ಸ್ ಲಿಮಿಟೆಡ್ (ಎಂಆರ್ಪಿಎಲ್ನ) ಜನರಲ್ ಮ್ಯಾನೇಜರ್ ವಿರುದ್ಧ ಸಿಬಿಐನ ಭ್ರಷ್ಟಾಚಾರ ನಿಗ್ರಹ ದಳ(ಎಸಿಬಿ) ಅಕ್ರಮ ಆಸ್ತಿ ಗಳಿಕೆ ಪ್ರಕರಣ ದಾಖಲಿಸಿದೆ.
ಆರೋಪಿ ನಿರಂಜನ್ ಗುಪ್ತಾ ಅವರು ₹3.01 ಕೋಟಿ ಮೌಲ್ಯದ ಆಸ್ತಿಗಳನ್ನು ಹೊಂದಿದ್ದಾರೆ. ಆದರೆ ಅದಕ್ಕೆ ಸಂಬಂಧಿಸಿದ ಆದಾಯ ಮೂಲವನ್ನು ತೋರಿಸುವಲ್ಲಿ ವಿಫಲರಾಗಿದ್ದಾರೆ ಎಂದು ಸಿಬಿಐ ಹೇಳಿದೆ. 2012 ಮತ್ತು 2018 ರ ನಡುವಿನ ಅವರ ಆದಾಯ ಮತ್ತು ವೆಚ್ಚದ ತನಿಖೆ ಮಾಡಲಾಗಿದೆ. 2012 ರಲ್ಲಿ ನಿರಂಜನ್ ಗುಪ್ತಾ ಅವರು ₹2.01 ಕೋಟಿ ಆಸ್ತಿ ಹೊಂದಿದ್ದರು. ಕಳೆದ ಡಿಸೆಂಬರ್ವರೆಗೆ ಅದು ₹7 ಕೋಟಿಗೆ ಏರಿಕೆಯಾಗಿದೆ. ಇದೇ ವೇಳೆ ಅವರ ಕುಟುಂಬವು ₹1.32 ಕೋಟಿ ಖರ್ಚು ಮಾಡಿದೆ ಎಂದು ತಿಳಿಸಿದೆ.
ನಿರಂಜನ್ ₹3.01 ಕೋಟಿ ಅಕ್ರಮ ಆಸ್ತಿ ಹೊಂದಿದ್ದು, ಇದು ಅವರ ಆದಾಯದ ಮೂಲಗಳ ಶೇ 89 ರಷ್ಟು ಹೆಚ್ಚಾಗಿದೆ ಎಂದು ಸಿಬಿಐ ಎಫ್ಐಆರ್ನಲ್ಲಿ ದಾಖಲಿಸಿದೆ. ನಿರಂಜನ್ ಗುಪ್ತಾ 1995 ರಲ್ಲಿ ಸಿವಿಲ್ ಎಂಜಿನಿಯರ್ ಎಂಆರ್ಪಿಎಲ್ಗೆ ಸೇರಿದ್ದು, ಮಂಗಳೂರಿನಲ್ಲಿ ಕೆಲಸ ಮಾಡುತ್ತಿದ್ದಾರೆ.