ಶಿವಮೊಗ್ಗ: ಕೊರೊನಾ ವೈರಸ್ ಹರಡುವ ಭೀತಿಯಲ್ಲಿ ಕೋಳಿ ಮಾಂಸದ ದರ ಗಣನೀಯವಾಗಿ ಕುಸಿದ ಪರಿಣಾಮ ಬೇಸರಗೊಂಡ ಸಂತೇಕಡೂರಿನ ಫಾರಂ ಮಾಲೀಕ 4 ಸಾವಿರ ಕೋಳಿಮರಿಗಳನ್ನು ಬುಧವಾರ ಜೀವಂತ ಸಮಾಧಿ ಮಾಡಿದ್ದಾರೆ.
ಕೆ.ಜಿ. ಕೋಳಿ ಮಾಂಸಕ್ಕೆ ₹ 170 ಇದ್ದ ದರ ₹50 ಕ್ಕೆ ಕುಸಿದಿದೆ. ಇದರಿಂದ ಫಾರಂನಲ್ಲಿದ್ದ ಕೋಳಿ ಖರೀದಿಸುವವರೇ ಇಲ್ಲವಾಗಿದೆ. ಹಾಗಾಗಿ ಇಂತಹ ನಿರ್ಧಾರಕ್ಕೆ ಬರಬೇಕಾಯಿತು ಎಂದು ಮಾಲೀಕ ಶ್ರೀನಿವಾಸ್ ಮಾಹಿತಿ ನೀಡಿದರು.
ಈಗಾಗಲೇ ₹ 2.5 ಲಕ್ಷ ಕಳೆದುಕೊಂಡಿದ್ದಾರೆ. ಮತ್ತೆ ಸಾಕಲು ಮುಂದಾದರೆ ಇನ್ನೂ ಹೆಚ್ಚು ನಷ್ಟ ಎಂದು ಫಾರಂನಲ್ಲೇ 12 ಅಡಿ ಗುಂಡಿ ತೋಡಿ 22 ದಿನಗಳ ಕೋಳಿಮರಿಗಳನ್ನ ಹೂತುಹಾಕಿದ್ದಾರೆ.