ಕೋವಿಡ್–19 ವಿಷಯ ತಜ್ಞರ ಸಮಿತಿಯಿಂದ ಶಿಫಾರಸು ಆಧರಿಸಿ ತುರ್ತು ಅಗತ್ಯಗಳಿಗಾಗಿ ಚುರುಕು ಗತಿಯಲ್ಲಿ ಅನುಮತಿ ಪ್ರಕ್ರಿಯೆ ನಡೆಸಲಾಗಿದೆ. 'ಝೈಡಸ್ ಕ್ಯಾಡಿಲಾ ಹೆಲ್ತ್‌ಕೇರ್‌ ಅಭಿವೃದ್ಧಿ ಪಡಿಸಿರುವ ಕೊರೊನಾ ವೈರಸ್‌ ಚಿಕಿತ್ಸಕ ಲಸಿಕೆಯ ಒಂದು ಮತ್ತು 2ನೇ ಹಂತರದ ಕ್ಲಿನಿಕಲ್ ಟ್ರಯಲ್‌ಗಳಿಗೆ ಡಿಸಿಜಿಐನ ಡಾ.ವಿ.ಜಿ.ಸೊಮಾನಿ ಅವರು ಅನುಮತಿ ನೀಡಿದ್ದಾರೆ. ಕಂಪನಿ ಪ್ರಾಣಿಗಳ ಮೇಲೆ ನಡೆಸಿರುವ ಪರೀಕ್ಷಾರ್ಥ ಪ್ರಯೋಗ ಯಶಸ್ವಿಯಾಗಿರುವ ಹಿನ್ನೆಲೆಯಲ್ಲಿ ಅನುಮತಿ ದೊರೆತಿದೆ' ಎಂದು ಅಧಿಕಾರಿಯೊಬ್ಬರು ತಿಳಿಸಿರುವುದಾಗಿ ಪಿಟಿಐ ವರದಿ ಮಾಡಿದೆ.
