<p><strong>ವಾಷಿಂಗ್ಟನ್:</strong> ಜಗತ್ತಿನಲ್ಲಿ ಅತಿ ಹೆಚ್ಚು ಕೋವಿಡ್–19 ಪ್ರಕರಣಗಳನ್ನು ಹೊಂದಿರುವ ಅಮೆರಿಕ, ಕೊರೊನಾ ವೈರಸ್ ಲಾಕ್ಡೌನ್ ತೆರವುಗೊಳಿಸಲು ಮೂರು–ಹಂತಗಳ ಯೋಜನೆಯನ್ನು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಗುರುವಾರ ಬಹಿರಂಗ ಪಡಿಸಿದ್ದಾರೆ.</p>.<p>'ದೇಶವು ಅದಾಗಲೇ ಹೊಸ ಪ್ರಕರಣಗಳ ಗರಿಷ್ಠ ಮಟ್ಟವನ್ನು ದಾಟಿಯಾಗಿದೆ' ಎಂದು ಅಭಿಪ್ರಾಯ ಪಟ್ಟಿರುವ ಡೊನಾಲ್ಡ್ ಟ್ರಂಪ್, ಅಮೆರಿಕ ಪುನರಾರಂಭಗೊಳಿಸಲು ಹೊಸ ಮಾರ್ಗಸೂಚಿ ಪ್ರಕಟಿಸಿದ್ದಾರೆ.</p>.<p>ಕಳೆದ 24 ಗಂಟೆಗಳಲ್ಲಿ ಅಮೆರಿಕದಲ್ಲಿ ಕೊರೊನಾ ಸೋಂಕಿನಿಂದ 2,494 ಮಂದಿ ಸಾವಿಗೀಡಾಗಿದ್ದಾರೆ. ಗುರುವಾರ ಸಂಜೆ ವರೆಗೂ 6,58,263 ಕೋವಿಡ್–19 ದೃಢಪಟ್ಟ ಪ್ರಕರಣಗಳು ದಾಖಲಾಗಿದ್ದು, ಮೃತಪಟ್ಟವರ ಸಂಖ್ಯೆ 33,000 ದಾಟಿದೆ.</p>.<p>'ನನ್ನ ಆಡಳಿತದಿಂದ ಹೊಸ ಮಾರ್ಗಸೂಚಿ ಪ್ರಕಟಿಸುತ್ತಿದ್ದು, ಆ ಮೂಲಕ ಗವರ್ನರ್ಗಳು ಹಂತ ಹಂತವಾಗಿ ತಮ್ಮ ರಾಜ್ಯಗಳಲ್ಲಿ ಕಾರ್ಯಾಚರಣೆ ಪುನರಾರಂಭ ಮಾಡಲು ಅನುವಾಗಲಿದೆ' ಎಂದು ಟ್ರಂಪ್ ಹೇಳಿರುವುದಾಗಿ ದಿ ಹಿಲ್ ವರದಿ ಮಾಡಿದೆ.</p>.<p>ಜನರು ಅಂತರ ಕಾಯ್ದುಕೊಳ್ಳುವುದಕ್ಕೆ ಸಡಿಲಿಕೆ ನೀಡುವ ಬಗ್ಗೆ ಹೊಸ ಮಾರ್ಗಸೂಚಿಯಲ್ಲಿ ಪ್ರಸ್ತಾಪಿಸಲಾಗಿಲ್ಲ. 'ಓಪನಿಂಗ್ ಅಪ್ ಅಮೆರಿಕ' ಹೆಸರಿನ ದಾಖಲೆಯನ್ನು ಡೊಲಾನ್ಡ್ ಟ್ರಂಪ್ ಗವರ್ನರ್ಗಳೊಂದಿಗೆ ಹಂಚಿಕೊಂಡಿದ್ದು, ಅದರಲ್ಲಿ ಅಮೆರಿಕ ಮತ್ತೆ ಕಾರ್ಯಾಚರಣೆಗೆ ಅನುಸರಿಸಬೇಕಾದ ಮೂರು ಹಂತಗಳ ಯೋಜನೆಯ ವಿವರಗಳನ್ನು ಒಳಗೊಂಡಿದೆ. ಹಂತ ಹಂತವಾಗಿ ಲಾಕ್ಡೌನ್ ಸಡಿಲಗೊಳಿಸುವ ಮುನ್ನ ನಿಗದಿತಪ್ರದೇಶದಲ್ಲಿ ಕೋವಿಡ್–19 ಪ್ರಕರಣಗಳ ಸಂಖ್ಯೆ ಇಳಿಮುಖವಾಗಬೇಕು.</p>.<p>ಮೊದಲ ಹಂತದ ಸಡಿಲಿಕೆಯಲ್ಲಿ ಜನರು ಅಂತರ ಕಾಯ್ದುಕೊಳ್ಳುವುದನ್ನು ಮುಂದುವರಿಸಬೇಕು ಹಾಗೂ 10ಕ್ಕಿಂತ ಹೆಚ್ಚು ಜನರು ಒಟ್ಟಿಗೆ ಸೇರುವಂತಿಲ್ಲ. ಸೋಂಕು ಲಕ್ಷಣಗಳಿರುವವರುಹೊರಬರುವಂತಿಲ್ಲ. ಜನರ ಅನಗತ್ಯ ಸಂಚಾರಕ್ಕೆ ನಿರ್ಬಂಧವಿದೆ. ಇನ್ನೂ ಮುಂದಿನ ಹಂತಗಳಲ್ಲಿ ಗುಂಪುಗಳಲ್ಲಿ ಮತ್ತು ಸಾರ್ವಜನಿಕ ಮಾತುಕತೆ ಸಮಯವನ್ನು ಕನಿಷ್ಠ ಸಮಯಕ್ಕೆ ಸೀಮಿತಗೊಳಿಸಿಕೊಳ್ಳಬೇಕು.</p>.<p>ಹೆಚ್ಚು ಜನರು ಸೇರುವ ಸ್ಥಳಗಳು, ಬಾರ್ಗಳು ಹಾಗೂ ಜಿಮ್ಗಳು ಕೋವಿಡ್–19ಕ್ಕೂ ಮುನ್ನ ನಡೆಸುತ್ತಿದ್ದ ಕಾರ್ಯಾಚರಣೆಗಿಂತ ಭಿನ್ನ ವ್ಯವಸ್ಥೆಗಳನ್ನು ಮಾಡಿಕೊಳ್ಳಬೇಕು. ಅಗತ್ಯ ಬದಲಾವಣೆಗಳನ್ನು ಮಾಡಿಕೊಳ್ಳುವ ಮೂಲಕ ಸೋಂಕು ತಗುಲದಂತೆ, ವ್ಯಾಪಿಸದಂತೆ ತಡೆಯುವುದರತ್ತ ಗಮನಿಸಬೇಕು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್:</strong> ಜಗತ್ತಿನಲ್ಲಿ ಅತಿ ಹೆಚ್ಚು ಕೋವಿಡ್–19 ಪ್ರಕರಣಗಳನ್ನು ಹೊಂದಿರುವ ಅಮೆರಿಕ, ಕೊರೊನಾ ವೈರಸ್ ಲಾಕ್ಡೌನ್ ತೆರವುಗೊಳಿಸಲು ಮೂರು–ಹಂತಗಳ ಯೋಜನೆಯನ್ನು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಗುರುವಾರ ಬಹಿರಂಗ ಪಡಿಸಿದ್ದಾರೆ.</p>.<p>'ದೇಶವು ಅದಾಗಲೇ ಹೊಸ ಪ್ರಕರಣಗಳ ಗರಿಷ್ಠ ಮಟ್ಟವನ್ನು ದಾಟಿಯಾಗಿದೆ' ಎಂದು ಅಭಿಪ್ರಾಯ ಪಟ್ಟಿರುವ ಡೊನಾಲ್ಡ್ ಟ್ರಂಪ್, ಅಮೆರಿಕ ಪುನರಾರಂಭಗೊಳಿಸಲು ಹೊಸ ಮಾರ್ಗಸೂಚಿ ಪ್ರಕಟಿಸಿದ್ದಾರೆ.</p>.<p>ಕಳೆದ 24 ಗಂಟೆಗಳಲ್ಲಿ ಅಮೆರಿಕದಲ್ಲಿ ಕೊರೊನಾ ಸೋಂಕಿನಿಂದ 2,494 ಮಂದಿ ಸಾವಿಗೀಡಾಗಿದ್ದಾರೆ. ಗುರುವಾರ ಸಂಜೆ ವರೆಗೂ 6,58,263 ಕೋವಿಡ್–19 ದೃಢಪಟ್ಟ ಪ್ರಕರಣಗಳು ದಾಖಲಾಗಿದ್ದು, ಮೃತಪಟ್ಟವರ ಸಂಖ್ಯೆ 33,000 ದಾಟಿದೆ.</p>.<p>'ನನ್ನ ಆಡಳಿತದಿಂದ ಹೊಸ ಮಾರ್ಗಸೂಚಿ ಪ್ರಕಟಿಸುತ್ತಿದ್ದು, ಆ ಮೂಲಕ ಗವರ್ನರ್ಗಳು ಹಂತ ಹಂತವಾಗಿ ತಮ್ಮ ರಾಜ್ಯಗಳಲ್ಲಿ ಕಾರ್ಯಾಚರಣೆ ಪುನರಾರಂಭ ಮಾಡಲು ಅನುವಾಗಲಿದೆ' ಎಂದು ಟ್ರಂಪ್ ಹೇಳಿರುವುದಾಗಿ ದಿ ಹಿಲ್ ವರದಿ ಮಾಡಿದೆ.</p>.<p>ಜನರು ಅಂತರ ಕಾಯ್ದುಕೊಳ್ಳುವುದಕ್ಕೆ ಸಡಿಲಿಕೆ ನೀಡುವ ಬಗ್ಗೆ ಹೊಸ ಮಾರ್ಗಸೂಚಿಯಲ್ಲಿ ಪ್ರಸ್ತಾಪಿಸಲಾಗಿಲ್ಲ. 'ಓಪನಿಂಗ್ ಅಪ್ ಅಮೆರಿಕ' ಹೆಸರಿನ ದಾಖಲೆಯನ್ನು ಡೊಲಾನ್ಡ್ ಟ್ರಂಪ್ ಗವರ್ನರ್ಗಳೊಂದಿಗೆ ಹಂಚಿಕೊಂಡಿದ್ದು, ಅದರಲ್ಲಿ ಅಮೆರಿಕ ಮತ್ತೆ ಕಾರ್ಯಾಚರಣೆಗೆ ಅನುಸರಿಸಬೇಕಾದ ಮೂರು ಹಂತಗಳ ಯೋಜನೆಯ ವಿವರಗಳನ್ನು ಒಳಗೊಂಡಿದೆ. ಹಂತ ಹಂತವಾಗಿ ಲಾಕ್ಡೌನ್ ಸಡಿಲಗೊಳಿಸುವ ಮುನ್ನ ನಿಗದಿತಪ್ರದೇಶದಲ್ಲಿ ಕೋವಿಡ್–19 ಪ್ರಕರಣಗಳ ಸಂಖ್ಯೆ ಇಳಿಮುಖವಾಗಬೇಕು.</p>.<p>ಮೊದಲ ಹಂತದ ಸಡಿಲಿಕೆಯಲ್ಲಿ ಜನರು ಅಂತರ ಕಾಯ್ದುಕೊಳ್ಳುವುದನ್ನು ಮುಂದುವರಿಸಬೇಕು ಹಾಗೂ 10ಕ್ಕಿಂತ ಹೆಚ್ಚು ಜನರು ಒಟ್ಟಿಗೆ ಸೇರುವಂತಿಲ್ಲ. ಸೋಂಕು ಲಕ್ಷಣಗಳಿರುವವರುಹೊರಬರುವಂತಿಲ್ಲ. ಜನರ ಅನಗತ್ಯ ಸಂಚಾರಕ್ಕೆ ನಿರ್ಬಂಧವಿದೆ. ಇನ್ನೂ ಮುಂದಿನ ಹಂತಗಳಲ್ಲಿ ಗುಂಪುಗಳಲ್ಲಿ ಮತ್ತು ಸಾರ್ವಜನಿಕ ಮಾತುಕತೆ ಸಮಯವನ್ನು ಕನಿಷ್ಠ ಸಮಯಕ್ಕೆ ಸೀಮಿತಗೊಳಿಸಿಕೊಳ್ಳಬೇಕು.</p>.<p>ಹೆಚ್ಚು ಜನರು ಸೇರುವ ಸ್ಥಳಗಳು, ಬಾರ್ಗಳು ಹಾಗೂ ಜಿಮ್ಗಳು ಕೋವಿಡ್–19ಕ್ಕೂ ಮುನ್ನ ನಡೆಸುತ್ತಿದ್ದ ಕಾರ್ಯಾಚರಣೆಗಿಂತ ಭಿನ್ನ ವ್ಯವಸ್ಥೆಗಳನ್ನು ಮಾಡಿಕೊಳ್ಳಬೇಕು. ಅಗತ್ಯ ಬದಲಾವಣೆಗಳನ್ನು ಮಾಡಿಕೊಳ್ಳುವ ಮೂಲಕ ಸೋಂಕು ತಗುಲದಂತೆ, ವ್ಯಾಪಿಸದಂತೆ ತಡೆಯುವುದರತ್ತ ಗಮನಿಸಬೇಕು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
