ಮುಂದಿನ ವರ್ಷ ನಡೆಯಲಿರುವ ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೆಮಾಕ್ರಟಿಕ್ ಪಕ್ಷದ ಜೋ ಬಿಡೆನ್ ಸ್ಪರ್ಧಿಸಲಿದ್ದು, ಅವರ ಹೆಸರಿಗೆ ಕಳಂಕ ತರುವಂತೆ ಉಕ್ರೇನ್ ಅಧ್ಯಕ್ಷ ವೊಲೊದಿಮಿರ್ ಝೆಲೆನ್ಸ್ಕಿ ಅವರಿಗೆ ದೂರವಾಣಿ ಕರೆ ಮಾಡಿದ್ದರು ಎಂಬ ಆರೋಪ ಟ್ರಂಪ್ ವಿರುದ್ಧ ಇದೆ. ಬಿಡೆನ್ ಪುತ್ರ ಉಕ್ರೇನ್ನಲ್ಲಿ ವ್ಯವಹಾರ ಹೊಂದಿದ್ದು, ಭ್ರಷ್ಟಾಚಾರ ಆರೋಪ ಹೊರಿಸಿ ತಂದೆ–ಮಗನ ವಿರುದ್ಧ ಅಲ್ಲಿ ತನಿಖೆ ಕೈಗೊಳ್ಳುವಂತೆಯೂ ಕೇಳಿದ್ದರು. ಈ ದೂರವಾಣಿ ಸಂಭಾಷಣೆ ಬಹಿರಂಗಗೊಂಡ ನಂತರ ಟ್ರಂಪ್ ವಿರುದ್ಧವಾಗ್ದಂಡನೆಒತ್ತಡ ಹೆಚ್ಚಾಯಿತು.