ಕೊರೊನಾ ವೈರಸ್‌ ಮಾನವ ನಿರ್ಮಿತ ಅಲ್ಲ: ಅಧ್ಯಯನ

ಲಾಸ್ ಏಂಜಲೀಸ್: ಕೋವಿಡ್–19 ಜಾಗತಿಕ ಪಿಡುಗಿಗೆ ಕಾರಣವಾಗಿರುವ ‘ಸಾರ್ಸ್–ಕೋವ್–2’ ಕೊರೊನಾ ವೈರಸ್, ನೈಸರ್ಗಿಕವಾಗಿ ವಿಕಾಸವಾಗಿದೆ. ಅದನ್ನು ಪ್ರಯೋಗಾಲಯದಲ್ಲಿ ಕೃತಕವಾಗಿ ಸೃಷ್ಟಿಸಿಲ್ಲ ಎಂದು ಅಧ್ಯಯನ ವರದಿಯೊಂದು ಹೇಳಿದೆ.

. ನೇಚರ್ ಮೆಡಿಸನ್ ನಿಯತಕಾಲಿಕದಲ್ಲಿ ಇದಕ್ಕೆ ಸಂಬಂಧಿಸಿದ ವರದಿ ಪ್ರಕಟವಾಗಿದೆ. ಅಮೆರಿಕದ ಸ್ಕ್ರಿಪ್ಸ್ ಇನ್ಸ್ಟಿಟ್ಯೂಟ್ನ ವಿಜ್ಞಾನಿಗಳು ‘ಸಾರ್ಸ್–ಕೋವಿಡ್–2’ ಮತ್ತು ಇದೇ ಸ್ವರೂಪದ ಕೊರೊನಾ ವೈರಸ್ ಮೇಲೆ ಅಧ್ಯಯನ ನಡೆಸಿ, ಈ ವರದಿ ಸಿದ್ಧಪಡಿಸಿದ್ದಾರೆ.

. ಕೋವಿಡ್–19 ಪಿಡುಗಿಗೆ ಕಾರಣವಾಗಿರುವ ‘ಸಾರ್ಸ್ ಕೋವ್–2’ ಸೋಂಕು ಮೊದಲು ಒಬ್ಬ ವ್ಯಕ್ತಿಗೆ ಬಂದಿದೆ. ನಂತರ ಮನುಷ್ಯರಿಂದ ಮನುಷ್ಯರಿಗೆ ಹರಡಿದೆ ಎಂಬುದನ್ನು ಚೀನಾ ವಿಜ್ಞಾನಿಗಳು ಪತ್ತೆ ಮಾಡಿದ್ದಾರೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

. ಈ ಸೋಂಕನ್ನು ಕೃತಕವಾಗಿ ಅಭಿವೃದ್ಧಿಪಡಿಸಿದ್ದಿದ್ದರೆ ಸೋಂಕಿನ ಮೂಲದಲ್ಲಿ, ಈಗಾಗಲೇ ಇಂತಹ ಪಿಡುಗನ್ನು ಹರಡಲು ಶಕ್ತವಾಗಿರುವ ವೈರಸ್ನ ಮೂಲ ಕಣಗಳು ದೊರೆಯಬೇಕಿತ್ತು. ಸಾರ್ಸ್–ಕೋವ್–2 ಕೊರೊನಾ ಸೋಂಕಿನಲ್ಲಿ ಅಂತಹ ಯಾವುದೇ ಸೋಂಕಿನ ಸುಳಿವು ಇಲ್ಲ. ಹೀಗಾಗಿ ಇದು ನೈಸರ್ಗಿಕವಾಗಿಯೇ ವಿಕಾಸವಾಗಿರುವ ಸೋಂಕು ಎಂದು ವಿಜ್ಞಾನಿಗಳು ದೃಢಪಡಿಸಿದ್ದಾರೆ.

. ಸಾರ್ಸ್–ಕೋವ್–2 ಕೊರೊನಾ ವೈರಸ್ನ ರಚನೆ ವಿಶಿಷ್ಟವಾಗಿದೆ. ವೈರಸ್ ಹೊರಭಾಗದಲ್ಲಿರುವ ಚಾಚಿಕೆಗಳು, ಕಚ್ಚಿಕೊಳ್ಳುವ ಮುಳ್ಳುಗಳ ರೀತಿಯಲ್ಲಿವೆ. ಇವು ಮನುಷ್ಯನ ಜೀವಕೋಶಕ್ಕೆ ಬಲವಾಗಿ ಕಚ್ಚಿಕೊಳ್ಳಲು ಶಕ್ತವಾಗಿವೆ. ಹೀಗೆ ಕಚ್ಚಿಕೊಂಡ ನಂತರ, ಬಿರುಕಿನಂತಹ ರಚನೆಯ ಮೂಲಕ ಮಾನವ ಜೀವಕೋಶಕ್ಕೆ ರವಾನೆಯಾಗುತ್ತದೆ. ವೈರಸ್ನ ಹೊರಭಾಗದ ಮುಳ್ಳುಗಳು ನೈಸರ್ಗಿಕವಾಗಿ ಅಭಿವೃದ್ಧಿಯಾಗಿವೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

. ಇದು ಕೊರೊನಾ ವೈರಸ್ ಇರುವ ಪ್ರಾಣಿಗಳಿಂದ ಬಂದಿದೆ ಎಂಬುದಂತೂ ನಿಜ. ಬಾವಲಿಯಲ್ಲಿರುವ ಕೊರೊನಾ ವೈರಸ್ಗೆ, ಮನುಷ್ಯನಲ್ಲಿ ಕಂಡು ಬಂದಿರುವ ಕೊರೊನಾ ವೈರಸ್ ತೀರಾ ಹತ್ತಿರವಾಗಿದೆ. ಆದರೆ, ಇದು ಬಾವಲಿಯಿಂದ ಮಾನವನಿಗೆ ನೇರವಾಗಿ ಹರಡಿದೆ ಎಂಬುದಕ್ಕೆ ಯಾವುದೇ ಸಾಕ್ಷ್ಯವಿಲ್ಲ. ಬಾವಲಿಯಿಂದ ಬೇರೊಂದು ಮಾಧ್ಯಮದ ಮೂಲಕ ಮನುಷ್ಯನಿಗೆ ಹರಡಿರುವ ಸಾಧ್ಯತೆ ಇದೆ ಎಂದು ಅವರು ಹೇಳಿದ್ದಾರೆ.

. ಬಿರುಕಿನ ರಚನೆಯ ಮೂಲಕ ವೈರಸ್ ಜೀವಕೋಶದೊಳಕ್ಕೆ ನುಗ್ಗುವ ಪ್ರಕ್ರಿಯೆಯು, ಮಾನವನಿಗೆ ಹರಡಿದ ನಂತರ ವಿಕಾಸವಾಗಿರಬಹುದು. ಮಾನವನಿಗೆ ಮೊದಲು ತಗುಲಿದ ಸೋಂಕಿನಲ್ಲಿ ಇಂತಹ ರಚನೆ ಇಲ್ಲದೇ ಇದ್ದಿರಬಹುದು. ಒಬ್ಬ ಮನುಷ್ಯನಿಂದ ಹಲವರಿಗೆ ಇದೇ ಸ್ವರೂಪದಲ್ಲಿ ಅದು ಹರಡಿರಬಹುದು. ಈ ಹಂತದಲ್ಲಿ ಅದು, ಜೀವಕೋಶದೊಳಗೆ ನುಗ್ಗುವ ಶಕ್ತಿಯನ್ನು ಗಳಿಸಿಕೊಂಡಿರಬಹುದು. ಇದು ಮಾನವನಲ್ಲಿ ವಿಕಾಸವಾಗಿರುವ ಕಾರಣದಿಂದಲೇ ಅದು ಕ್ಷಿಪ್ರವಾಗಿ ಹರಡಲು ಶಕ್ತವಾಗಿರುವ ಸಾಧ್ಯತೆ ಇದೆ ಎಂದು ವಿಜ್ಞಾನಿಗಳು ಊಹಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊರೊನಾ ವೈರಸ್‌ ಮಾನವ ನಿರ್ಮಿತ ಅಲ್ಲ: ಅಧ್ಯಯನ

ಚಿನಕುರುಳಿ Cartoon: 11 ಜುಲೈ 2025

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌