21 ದಿನ ಲಾಕ್ಡೌನ್: ಏನಿರುತ್ತದೆ? ಏನು ಇರುವುದಿಲ್ಲ?
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಕೊರೊನಾ ವೈರಸ್‌ ಹರಡುವುದನ್ನು ತಡೆಯುವುದಕ್ಕಾಗಿ ದೇಶದ ಪ್ರತಿಯೊಬ್ಬರು ಮಂಗಳವಾರ ಮಧ್ಯರಾತ್ರಿಯಿಂದ 21 ದಿನ ಮನೆಯಿಂದ ಹೊರಗೆ ಬರಲೇಬಾರದು. ಇದು ಸಂಪೂರ್ಣ ಲಾಕ್ಡೌನ್ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.
ಈ ಲಾಕ್ಡೌನ್ ಕರ್ಫ್ಯೂ ರೀತಿಯಂತೆಯೇ ಇರುತ್ತದೆ. 21 ದಿನಗಳ ಲಾಕ್ಡೌನ್ ವೇಳೆ ಅಗತ್ಯ ವಸ್ತುಗಳ ಪೂರೈಕೆಗೆ ಯಾವುದೇ ಸಮಸ್ಯೆ ಇರುವುದಿಲ್ಲ ಎಂದು ಪ್ರಧಾನಿ ಭರವಸೆ ನೀಡಿದ್ದಾರೆ.
By converging around shops, you are risking the spread of COVID-19.
No panic buying please.
Please stay indoors.
I repeat- Centre and State Governments will ensure all essentials are available. https://t.co/bX00az1h7l
— Narendra Modi (@narendramodi) March 24, 2020
ಲಾಕ್ಡೌನ್: ಏನಿರುತ್ತದೆ? ಏನು ಇರಲ್ಲ?
ಇವುಗಳು ಇರಲ್ಲ
- ಯಾವುದೇ ಸಂಚಾರ ವ್ಯವಸ್ಥೆ, ಬಸ್, ರೈಲು, ವಿಮಾನ
- ಕೆಲವೊಂದು ಕಚೇರಿಗಳನ್ನು ಹೊರತು ಪಡಿಸಿ ಬಹುತೇಕ ಸರ್ಕಾರಿ ಕಚೇರಿಗಳು
- ವಾಣಿಜ್ಯ ಮತ್ತು ಖಾಸಗಿ ಸಂಸ್ಥೆಗಳು
- ಕೈಗಾರಿಕಾ ಸಂಸ್ಥೆಗಳು
- ಶಿಕ್ಷಣ ಸಂಸ್ಥೆಗಳು
- ಧಾರ್ಮಿಕ ಕ್ಷೇತ್ರಗಳು
- ಎಲ್ಲ ಸಾಮಾಜಿಕ, ರಾಜಕೀಯ, ಶಿಕ್ಷಣ, ಮನರಂಜನೆ,ಶೈಕ್ಷಣಿಕ, ಸಾಂಸ್ಕೃತಿಕ ಮತ್ತು ಧಾರ್ಮಿಕ ಸಮಾರಂಭಗಳು
Ministry of Home Affairs has directed all states and Union Territories to set up a 24*7 control rooms/offices with helplines at state/district level to address any grievances or undue problems faced by providers of goods/services amid #21daysLockdown #COVID19 pic.twitter.com/HxsaTaCyRz
— ANI (@ANI) March 25, 2020
ಇವುಗಳು ಲಭ್ಯ
- ಬ್ಯಾಂಕ್, ಇನ್ಶೂರೆನ್ಸ್ ಕಚೇರಿ, ಎಟಿಎಂ
- ನೈರ್ಮಲ್ಯ ಸೇವೆ, ನೀರು ಮತ್ತು ವಿದ್ಯುತ್
- ಎಲ್ಲ ರೀತಿಯ ವೈದ್ಯಕೀಯ ಸೇವೆ (ಖಾಸಗಿ ಮತ್ತು ಸರ್ಕಾರಿ), ಮೆಡಿಕಲ್ ಶಾಪ್, ಲ್ಯಾಬ್, ಕ್ಲಿನಿಕ್, ನರ್ಸಿಂಗ್ ಹೋಮ್, ಆ್ಯಂಬುಲೆನ್ಸ್
- ವೈದ್ಯಕೀಯ ಸೇವೆ ಸಲ್ಲಿಸುವ ವೈದ್ಯರು, ನರ್ಸ್, ಪ್ಯಾರಾಮೆಡಿಕಲ್ ಸಿಬ್ಬಂದಿ ಮತ್ತು ಆಸ್ಪತ್ರೆಯ ಇತರ ಸಿಬ್ಬಂದಿಗಳಿಗೆ ವಾಹನ ಸೌಕರ್ಯ
- ರೇಷನ್ ಅಂಗಡಿ, ಆಹಾರ, ದಿನಬಳಕೆಯ ವಸ್ತುಗಳು, ಹಣ್ಣು ಮತ್ತು ತರಕಾರಿ,ಹಾಲು ಮತ್ತು ಹಾಲಿನ ಉತ್ಪನ್ನಗಳು, ಮಾಂಸ ಮತ್ತು ಮೀನು, ಪ್ರಾಣಿಗಳ ಆಹಾರ
- ಆಹಾರ ಮನೆಗೆ ತಲುಪಿಸುವ ಸೇವೆ, ಔಷಧಿ ಮತ್ತು ವೈದ್ಯಕೀಯ ಸಲಕರಣೆಗಳನ್ನು ಮನೆಗೆ ತಲುಪಿಸುವ ಸೇವೆ
-ಮುದ್ರಣ ಮತ್ತು ವಿದ್ಯುನ್ಮಾನ ಮಾಧ್ಯಮ, ಟೆಲಿಕಮ್ಯುನಿಕೇಷನ್, ಅಂತರ್ಜಾಲ ಸೇವೆ, ಬ್ರಾಡ್‌ಕಾಸ್ಟಿಂಗ್ ಮತ್ತು ಕೇಬಲ್ ಸರ್ವೀಸ್, ಐಟಿ ಆಧಾರಿತ ಇನ್ನಿತರ ಸೇವೆಗಳು (ಅಗತ್ಯವಾದುದು ಮಾತ್ರ)
- ಪೆಟ್ರೋಲ್ ಪಂಪ್, ಎಲ್‌ಪಿಜಿ, ಪೆಟ್ರೋಲಿಯಂ ಮತ್ತು ಗ್ಯಾಸ್, ಸ್ಟೋರೇಜ್ ಔಟ್‌ಲೆಟ್
-ವಿದ್ಯುತ್ ಉತ್ಪಾದನೆ, ಪ್ರಸರಣ ಮತ್ತು ವಿತರಣ ಘಟಕ ಮತ್ತು ಅವುಗಳ ಸೇವೆಗಳು
- ಸೆಬಿ ಸೂಚಿತ ಹೂಡಿಕೆ ಮತ್ತು ಸಾಲ ಮಾರುಕಟ್ಟೆ ಸೇವೆ
- ಶೈತ್ಯಾಗಾರ ಮತ್ತು ವೇರ್‌ಹೌಸ್ ಸೇವೆ
- ಖಾಸಗಿ ಸೆಕ್ಯುರಿಟಿ ಸೇವೆ
- ಅಗತ್ಯ ವಸ್ತುಗಳ ತಯಾರಿಕಾ ಘಟಕ
- ನಿರಂತರ ಪ್ರಕ್ರಿಯೆ ಅಗತ್ಯವಿರುವ ಉತ್ಪಾದನಾ ಘಟಕಗಳು (ರಾಜ್ಯ ಸರ್ಕಾರದಿಂದ ಅನುಮತಿ ಪಡೆದಿರಬೇಕು)
- ಸರಕು ಸಂಚಾರ, ಅಗ್ನಿಶಾಮಕ, ಕಾನೂನು ವ್ಯವಸ್ಥೆ ಮತ್ತು ತುರ್ತು ಸೇವೆಗಳು
- ಹೋಟೆಲ್, ಹೋಮ್‌ಸ್ಟೇ, ಲಾಡ್ಜ್, ಮೋಟೆಲ್ಸ್ , ಲಾಕ್‌ಡೌನ್‌ನಿಂದಾಗಿ ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಹೋಗಲಾರದೆ ಸಿಕ್ಕಿಹಾಕಿಕೊಂಡಿರುವ ಪ್ರವಾಸಿಗಳಿಗೆ ತಂಗಲಿರುವ ಸ್ಥಳ, ವೈದ್ಯಕೀಯ ಮತ್ತು ತುರ್ತು ಸೇವಾ ಸಿಬ್ಬಂದಿ, ವೈಮಾನಿಕ ಮತ್ತು ನೌಕಾಪಡೆಯ ಸಿಬ್ಬಂದಿ, ಕ್ವಾರೆಂಟೈನ್‌ಗೆ ಸಹಾಯ ಮಾಡುವ ಸಂಸ್ಥೆಗಳು
- ಅಂತ್ಯ ಸಂಸ್ಕಾರಕ್ಕೆ 20ಕ್ಕಿಂತ ಹೆಚ್ಚು ಜನರು ಸೇರುವಂತಿಲ್ಲ
- ಭದ್ರತಾಪಡೆ, ಸಶಸ್ತ್ರ ಪಡೆ ಮತ್ತು ಖಜಾನೆ
- ಪೆಟ್ರೋಲಿಯಂ, ಸಿಎನ್‌ಜಿ, ಎಲ್‌ಪಿಜಿ, ಪಿಎನ್‌ಜಿ
- ವಿಪತ್ತು ನಿರ್ವಹಣೆ, ಅಂಚೆ ಕಚೇರಿ, ಪೊಲೀಸ್, ಹೋಮ್ ಗಾರ್ಡ್, ಅಗ್ನಿಶಾಮಕ ಮತ್ತು ತುರ್ತು ಸೇವೆ, ಕಾರಾಗೃಹ
ಇದನ್ನೂ ಓದಿ: ಇಂದಿನಿಂದ 21 ದಿನ ದಿಗ್ಬಂಧನ
ಉಲ್ಲಂಘಿಸಿದರೆ ಏನು ಶಿಕ್ಷೆ?
ಫೆಬ್ರುವರಿ 15ರ ನಂತರ ಹೊರದೇಶದಿಂದ ಅಥವಾ ಹೊರದೇಶಕ್ಕೆ ಹೋಗಿ ಭಾರತಕ್ಕೆ ಮರಳಿದವರು ಮನೆಯಿಂದ ಹೊರಗೆ ಬರಲೇ ಬಾರದು. ಕ್ವಾರಂಟೈನ್ ಸಮಯದಲ್ಲಿ ಅವರು ಮನೆಯಿಂದ ಹೊರಗೆ ಬಂದರೆ 6 ತಿಂಗಳ ವರೆಗೆ ಜೈಲು ಶಿಕ್ಷೆ.
ಕರ್ತವ್ಯಕ್ಕೆ ಅಡ್ಡಿ ಪಡಿಸಿದರೆ: ಒಂದು ಅಥವಾ ಎರಡು ವರ್ಷ ಜೈಲು ಅಥವಾ ದಂಡ
ಸುಳ್ಳು ಆರೋಪ: 2 ವರ್ಷ ಜೈಲು ಮತ್ತು ದಂಡ
ಸುಳ್ಳು ಎಚ್ಚರಿಕೆ: 1 ವರ್ಷದವರೆಗೆ ಜೈಲು ಅಥವಾ ದಂಡ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
