ಗುರುವಾರ , ಮಾರ್ಚ್ 4, 2021
22 °C
ಬಿಜೆಪಿ ವಿರುದ್ಧ ಕಿಡಿ

ಯೋಧರ ಬಲಿದಾನವನ್ನು ಮತಗಳಿಕೆಗೆ ಬಳಸಬೇಡಿ: ಕಾಂಗ್ರೆಸ್

ಏಜೆನ್ಸಿಸ್ Updated:

ಅಕ್ಷರ ಗಾತ್ರ : | |

ನವದೆಹಲಿ: ಯೋಧರ ಬಲಿದಾನವನ್ನು ಮತಗಳಿಕೆಗೆ ಬಳಸಬಾರದು ಎಂಬುದನ್ನು ಆಡಳಿತಾರೂಢ ಪಕ್ಷ ಮನಗಾಣಬೇಕು ಎಂದು ಕಾಂಗ್ರೆಸ್‌ ಹೇಳಿದೆ.

ನಿರ್ದಿಷ್ಟ ದಾಳಿಯ ವಿಡಿಯೊ ಬಹಿರಂಗವಾದ ಹಿನ್ನೆಲೆಯಲ್ಲಿ ಪತ್ರಿಕಾಗೋಷ್ಠಿ ನಡೆಸಿದ ಕಾಂಗ್ರೆಸ್‌ ನಾಯಕ ರಣದೀಪ್‌ ಸರ್ಜೆವಾಲ, ‘ಸೈನಿಕರು ಜೀವತ್ಯಾಗ ಮಾಡಿದರು. ಪ್ರಧಾನಿ ನರೇಂದ್ರ ಮೋದಿಯವರು ಅದನ್ನು ವೈಭವೀಕರಿಸುತ್ತಿದ್ದಾರೆ’ ಎಂದು ಆರೋಪಿಸಿದರು.

‘ಜೈ ಜವಾನ್ ಜೈ ಕಿಸಾನ್ ಘೋಷಣೆಯನ್ನು ಮೋದಿ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿದೆ. ನಿರ್ದಿಷ್ಟ ದಾಳಿಯ ಹೆಸರಿನಲ್ಲಿ ಮತಗಳನ್ನು ಪಡೆಯಲು ಯತ್ನಿಸುತ್ತಿದೆ. ಇವರಿಗೆ, ಮಾಜಿ ಪ್ರಧಾನಿಗಳಾದ ಅಟಲ್‌ ಬಿಹಾರಿ ವಾಜಪೇಯಿ ಮತ್ತು ಮನಮೋಹನ್ ಸಿಂಗ್ ಅವಧಿಯಲ್ಲಿ ಸಹ ಯಶಸ್ವಿ ಸೇನಾ ಕಾರ್ಯಾಚರಣೆಗಳಾಗಿದ್ದವು ಎಂಬುದನ್ನು ತಿಳಿಸಲು ದೇಶ ಬಯಸುತ್ತದೆ’ ಎಂದು ಅವರು ಹೇಳಿದರು.

‘ಯಾವಾಗೆಲ್ಲ ಮೋದಿ ಸರ್ಕಾರ ವಿಫಲವಾಗಲು ಆರಂಭವಾಗುತ್ತದೋ, ಅಮಿತ್‌ ಶಾ ಅವರ ಬಿಜೆಪಿ ಸೋಲಲು ಶುರುವಾಗುತ್ತದೋ ಆವಾಗೆಲ್ಲ ಅವರು ಸೇನೆಯ ಶೌರ್ಯವನ್ನು ದುರ್ಬಳಕೆ ಮಾಡುತ್ತಾರೆ ಎಂಬುದನ್ನು ದೇಶದ ಜನತೆ ತಿಳಿಯಬೇಕಿದೆ’ ಎಂದು ಸರ್ಜೆವಾಲ ಹೇಳಿದ್ದಾರೆ.

ಇನ್ನಷ್ಟು...

* ನಿರ್ದಿಷ್ಟ ದಾಳಿಯ ವಿಡಿಯೊ ಬಹಿರಂಗ

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು