ಸಂಸದರ ರೈಲು ಟಿಕೆಟ್ ಕಾಯ್ದಿರಿಸುವಿಕೆ ಅವಾಂತರ: ಸಂಸತ್‌ಗೆ ಲಕ್ಷಾಂತರ ರೂಪಾಯಿ ನಷ್ಟ

ನವದೆಹಲಿ: ಸಂಸದರು ಮತ್ತು ಮಾಜಿ ಸಂಸದರು ಅನೇಕ ರೈಲು ಟಿಕೆಟ್ಗಳನ್ನು ಕಾಯ್ದಿರಿಸಿ ಕೆಲವೇ ಪ್ರಯಾಣಗಳನ್ನು ಕೈಗೊಂಡು ಉಳಿದ ಟಿಕೆಟ್ಗಳನ್ನು ರದ್ದುಗೊಳಿಸದೇ ಇರುವುದು ಬೆಳಕಿಗೆ ಬಂದಿದೆ. ಇದರಿಂದಾಗಿ ಸಂಸತ್ಗೆ ಲಕ್ಷಾಂತರ ರೂಪಾಯಿ ನಷ್ಟವಾಗುತ್ತಿದೆ.

. ರಾಜ್ಯಸಭೆಯ ಮಾಜಿ ಸಂಸದರೊಬ್ಬರು 2019ರ ಜನವರಿಯಲ್ಲಿ 23 ದಿನಗಳಲ್ಲಿ 63 ರೈಲು ಟಿಕೆಟ್ ಕಾಯ್ದಿರಿಸಿದ್ದರು. ಆದರೆ 7 ಬಾರಿ ಮಾತ್ರ ಪ್ರಯಾಣಿಸಿದ್ದರು. ಉಳಿದ ಟಿಕೆಟ್ಗಳನ್ನು ರದ್ದುಗೊಳಿಸಿರಲಿಲ್ಲ. ಇದರಿಂದಾಗಿ ಸಂಸತ್ತು ಹೆಚ್ಚುವರಿಯಾಗಿ ₹1.46 ಲಕ್ಷ ಪಾವತಿಸುವಂತಾಗಿತ್ತು ಎಂದು ಮೂಲಗಳು ತಿಳಿಸಿವೆ.

. ರಾಜ್ಯಸಭೆಯ ಸಮೀಕ್ಷೆಯೊಂದರ ಮಾಹಿತಿ ಪ್ರಕಾರ, 2019ರ ಜನವರಿಯಲ್ಲಿ ಹಾಲಿ ಸಂಸದರು ರೈಲು ಟಿಕೆಟ್ ಕಾಯ್ದಿರಿಸಿದ್ದರ ಶೇ 15ರಷ್ಟು ಮಾತ್ರವೇ ಪ್ರಯಾಣಿಸಿದ್ದರು. ಉಳಿದ ಟಿಕೆಟ್ಗಳನ್ನು ರದ್ದುಗೊಳಿಸದ್ದರ ಪರಿಣಾಮವಾಗಿ ಸಂಸತ್ತು ಹೆಚ್ಚುವರಿ ಪಾವತಿ ಮಾಡುವಂತಾಗಿತ್ತು.

. ಇದನ್ನೂ ಓದಿ: Covid-19 India Updates| 24 ಗಂಟೆಗಳಲ್ಲಿ ಅತ್ಯಧಿಕ ಸೋಂಕು ಪ್ರಕರಣಗಳು ಪತ್ತೆ

. ಹೀಗಾಗಿ, ಪ್ರಯಾಣ ಮಾಡದೇ ಇದ್ದಲ್ಲಿ ಕಾಯ್ದಿರಿಸಿದ ಟಿಕೆಟ್ಗಳನ್ನು ರದ್ದುಗೊಳಿಸಬೇಕು. ಇಲ್ಲವಾದಲ್ಲಿ ಆ ಮೊತ್ತವನ್ನು ಸಂಸದರಿಂದಲೇ ಸ್ವೀಕರಿಸಲಾಗುವುದು ಎಂದು ರಾಜ್ಯಸಭೆ ಕಾರ್ಯದರ್ಶಿ ಎಚ್ಚರಿಕೆ ನೀಡಿದ್ದಾರೆ.

. ಸಂಸದರು ಮತ್ತು ಮಾಜಿ ಸಂಸದರು ಪ್ರಥಮ ದರ್ಜೆ ಎಸಿ ಕೋಚ್ನ ಒಂದು ಟಿಕೆಟ್ ಉಚಿತವಾಗಿ ಪಡೆಯಬಹುದಾಗಿದೆ. ಅವರ ಪತ್ನಿಗೂಅವರ ಜೊತೆ ಪ್ರಯಾಣಿಸಲು ಉಚಿತ ಟಿಕೆಟ್ ನೀಡಲಾಗುತ್ತದೆ. ಜೊತೆಗೆ ಇನ್ಯಾರಾದರೂ ಪ್ರಯಾಣಿಸುವುದಿದ್ದಲ್ಲಿ ಅವರಿಗೆ ಸೆಕೆಂಡ್ ಟೈರ್ ಎಸಿ ಕೋಚ್ನಲ್ಲಿ ಉಚಿತವಾಗಿ ಟಿಕೆಟ್ ನೀಡಲಾಗುತ್ತದೆ.

. ರೈಲ್ವೆ ಇಲಾಖೆಗೆ ಸಂಸತ್ ಹೆಚ್ಚು ಮೊತ್ತ ಪಾವತಿಸಬೇಕಾಗಿ ಬರುತ್ತಿರುವುದರಿಂದ, ಸಂಸದರ ಟಿಕೆಟ್ ಕಾಯ್ದಿರಿಸುವಿಕೆ ಮತ್ತು ಪ್ರಯಾಣದ ವಿವರವನ್ನು ರಾಜ್ಯಸಭೆಯ ಅಧ್ಯಕ್ಷ, ಉಪ ರಾಷ್ಟ್ರಪತಿ ಎಂ.ವೆಂಕಯ್ಯ ನಾಯ್ಡು ಅವರ ನಿರ್ದೇಶನದ ಮೇರೆಗೆ ವಿಶ್ಲೇಷಣೆಗೆ ಒಳಪಡಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.

. ಇದನ್ನೂ ಓದಿ: ಬಿಹಾರ | ಸಿಎಂ ನಿತೀಶ್ ಕುಮಾರ್ ವಿರುದ್ಧ ತೇಜಸ್ವಿ ಯಾದವ್ ವಾಗ್ದಾಳಿ

. ಕಾಯ್ದಿರಿಸಿ ಬಳಿಕ ಪ್ರಯಾಣಿಸದೇ ಇರುವ ಟಿಕೆಟ್ ರದ್ದುಗೊಳಿಸದಿರುವುದರಿಂದ ರಾಜ್ಯಸಭೆಗೆ ಆಗುತ್ತಿರುವ ಆರ್ಥಿಕ ಹೊರೆಯನ್ನು ಕಡಿತಗೊಳಿಸುವ ಬಗ್ಗೆ ಮತ್ತು ಟಿಕೆಟ್ ರದ್ದುಗೊಳಿಸದ ಪರಿಣಾಮ ಇತರ ಪ್ರಯಾಣಿಕರಿಗೆ ಆಗುತ್ತಿರುವ ಸಮಸ್ಯೆಗಳ ಬಗ್ಗೆ ಗಮನ ಹರಿಸುವಂತೆ ನಾಯ್ಡು ಸೂಚಿಸಿದ್ದರು ಎನ್ನಲಾಗಿದೆ.

. 63 ಟಿಕೆಟ್ಗಳನ್ನು ಕಾಯ್ದಿರಿಸಿದ ಮಾಜಿ ಸಂಸದರ ಬಗ್ಗೆ ಉಲ್ಲೇಖಿಸಿರುವ ಮೂಲಗಳು, ಈ ಕಾಯ್ದಿರಿಸಿದ ಟಿಕೆಟ್ಗಳ ವೆಚ್ಚ ₹1.69 ಲಕ್ಷ ಆಗುತ್ತದೆ. ಆದರೆ ಮಾಜಿ ಸಂಸದರು ಕೇವಲ ಏಳು ಬಾರಿ ಪ್ರಯಾಣಿಸಿದ್ದರಿಂದ ಅದಕ್ಕೆ ತಗಲುವ ವೆಚ್ಚ ಕೇವಲ ₹ 22,085. ರಾಜ್ಯಸಭೆಯು ₹1.46 ಲಕ್ಷ ಹೆಚ್ಚುವರಿಯಾಗಿ, ಅಂದರೆ ಶೇಕಡ 87ರಷ್ಟು ಹೆಚ್ಚುವರಿ ಮೊತ್ತ ಪಾವತಿಸಬೇಕಾಗಿ ಬಂದಿದೆ ಎಂದು ಹೇಳಿವೆ.

. 2019ರಲ್ಲಿ ಹಾಲಿ, ಮಾಜಿ ಸಂಸದರು ಮತ್ತು ಅವರ ಸಂಗಾತಿ, ಸಹವರ್ತಿಗಳ ರೈಲು ಪ್ರಯಾಣದ ಮೂರನೇ ಒಂದರಷ್ಟು ವೆಚ್ಚವನ್ನು, ₹7.8 ಕೋಟಿಯನ್ನು ರಾಜ್ಯಸಭೆ ಪಾವತಿಸಿತ್ತು. ಉಳಿದ ಮೊತ್ತವನ್ನು ಲೋಕಸಭೆ ಪಾವತಿಸಿತ್ತು. ಈ ಮೊತ್ತದ ಲೆಕ್ಕಾಚಾರದ ವೇಳೆ ಅನೇಕ ಸಂಸದರು, ಮಾಜಿ ಸಂಸದರು ಹಲವು ಟಿಕೆಟ್ ಕಾಯ್ದಿರಿಸಿ ಕೆಲವೇ ಪ್ರಯಾಣಗಳನ್ನು ಕೈಗೊಂಡಿರುವುದು ಗಮನಕ್ಕೆ ಬಂದಿತ್ತು. ಜೊತೆಗೆ ಪ್ರಯಾಣಿಸದೇ ಇರುವ ಟಿಕೆಟ್ಗಳನ್ನು ರದ್ದುಗೊಳಿಸದೇ ಇರುವುದು ತಿಳಿದುಬಂದಿತ್ತು.

. ಇದನ್ನೂ ಓದಿ: ಜೂನ್ 16,17ರಂದು ಮುಖ್ಯಮಂತ್ರಿಗಳೊಂದಿಗೆ ಪ್ರಧಾನಿ ಮೋದಿ ಸಂವಾದ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂಸದರ ರೈಲು ಟಿಕೆಟ್ ಕಾಯ್ದಿರಿಸುವಿಕೆ ಅವಾಂತರ: ಸಂಸತ್‌ಗೆ ಲಕ್ಷಾಂತರ ರೂಪಾಯಿ ನಷ್ಟ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ