ಶುಕ್ರವಾರ, ಆಗಸ್ಟ್ 23, 2019
22 °C

'ಕಾಶ್ಮೀರದಲ್ಲಿ ಭಾರತೀಯರು ಜಮೀನು ಖರೀದಿಸುವಂತಿಲ್ಲ'ಎಂದು 370 ವಿಧಿಯಲ್ಲಿ ಹೇಳಿಲ್ಲ

Published:
Updated:
ಸಾಂದರ್ಭಿಕ ಚಿತ್ರ

ನವದೆಹಲಿ: 'ಜಮ್ಮು ಮತ್ತು ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ಕಲ್ಪಿಸಿರುವ ಭಾರತದ ಸಂವಿಧಾನದ 370ನೇ ವಿಧಿ ಪ್ರಕಾರ, ಕಾಶ್ಮೀರದಲ್ಲಿ ಇತರ ರಾಜ್ಯದವರು ಜಮೀನು ಖರೀದಿಸಲು ಸಾಧ್ಯವಿಲ್ಲ ಎಂದು ಹೇಳಲಾಗಿದೆ ' ಎಂಬುದು ಕಟ್ಟುಕತೆ. ಇದು ಸತ್ಯಕ್ಕೆ ದೂರವಾದ ಸಂಗತಿ. ಸಂವಿಧಾನದ 370ನೇ ವಿಧಿ ರಾಜ್ಯಕ್ಕೆ ವಿಶೇಷ ಸ್ಥಾನಮಾನ ನೀಡುವುದರ ಬಗ್ಗೆ ಹೇಳಿದ್ದರೂ, ಜಮೀನು ಬಗ್ಗೆ ಇಲ್ಲಿ ಯಾವುದೇ ಸಂಗತಿಗಳ ಉಲ್ಲೇಖ ಇಲ್ಲ ಎಂದು ದಿ ಸ್ಕ್ರಾಲ್ ಡಾಟ್ ಇನ್  ವರದಿ ಪ್ರಕಟಿಸಿದೆ.

ಕಾಶ್ಮೀರದಲ್ಲಿ ಹೊರಗಿನವರು (ಇತರ ರಾಜ್ಯದವರಿಗೆ) ಜಮೀನು ಖರೀದಿಸುವುದಕ್ಕೆ ನಿಷೇಧ ಹೇರಿದ್ದು ಡೋಗ್ರಾ ಸಮುದಾಯವರು.  ಈ ಸಮುದಾಯ 1846ರಲ್ಲಿ ಅಮೃತ್‌ಸರ ಒಪ್ಪಂದ ಪ್ರಕಾರ ಬ್ರಿಟಿಷರಿಂದ ಗಡಿಭಾಗವನ್ನು ಖರೀದಿಸಿದ್ದರು.

1947ರ ನಂತರ 370ನೇ ವಿಧಿ ಜಾರಿಗೆ ಬಂದಿತ್ತು. ಕಾಶ್ಮೀರದಲ್ಲಿ ಶೇಖ್ ಮೊಹಮ್ಮದ್ ಅಬ್ದುಲ್ಲಾ ಅವರ ನೇತೃತ್ವವಿದ್ದ ಕಾಲದಲ್ಲಿ ಭಾರತದೊಂದಿಗಿನ ಅನನ್ಯ ಸಂಬಂಧದ ಬಗ್ಗೆ ಮಾತುಕತೆ ನಡೆದಿತ್ತು. 370ನೇ ವಿಧಿ ಪ್ರಕಾರ ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡಿದ್ದು, ಕಾಶ್ಮೀರಕ್ಕೆ ಅದರದ್ದೇ ಆದ ಸಂವಿಧಾನ ಹೊಂದುವ ಅಧಿಕಾರ ನೀಡಲಾಗಿತ್ತು.

ಆ ಕಾಲದಿಂದ ಈ 370ನೇ ವಿಧಿಯನ್ನು ಭಾರತ ಮತ್ತು ಜಮ್ಮು ಕಾಶ್ಮೀರ ನಡುವಿನ ಗೋಡೆ, ಸೇತುವೆ, ಕಣಿವೆ ಎಂದು ಬಿಂಬಿಸಲಾಗುತ್ತದೆ.1963ರಲ್ಲಿ ಈ ಬಗ್ಗೆ ಭಾರತದ ಸಂಸತ್ತಿನಲ್ಲಿ ಚರ್ಚೆಯಾಗಿತ್ತು. ಈ ವಿಧಿಯ ತಾಂತ್ರಿಕ ಸಂಕಷ್ಟಗಳ ಬಗ್ಗೆ ಸಂಸತ್ತಿನಲ್ಲಿ ಚರ್ಚೆಯಾದಾಗ ಕಾಶ್ಮೀರದಲ್ಲಿ ಬೇರೆಯವರು ಜಮೀನು ಖರೀದಿಸುವುದಕ್ಕೆ ತಡೆಯೊಡ್ಡಲಾಗಿದೆ ಎಂಬ ಚಾಲ್ತಿಯಲ್ಲಿರುವ ಕಟ್ಟುಕತೆಯನ್ನು ಮುಂದುವರಿಸಲು ತೀರ್ಮಾನಿಸಿದ್ದರು ನೆಹರು.

ಇದನ್ನೂ ಓದಿಜಮ್ಮು ಮತ್ತು ಕಾಶ್ಮೀರ ಪುನಾರಚನೆ ಮಸೂದೆಗೆ ರಾಜ್ಯಸಭೆ ಅನುಮೋದನೆ

ಅದೊಂದು ಹಳೇ ನಿಯಮ ಮತ್ತೆ ಬರುತ್ತಿದೆ. ಅದೇನು ಹೊಸ ವಿಷಯವಲ್ಲ, ಅದೊಂದು ಉತ್ತಮವಾದ ನಿಯಮವಾಗಿದ್ದು ಅದು ಮುಂದುವರಿಯಬೇಕು ಎಂಬುದು ನನ್ನ ಅಭಿಪ್ರಾಯ.  ಯಾಕೆಂದರೆ ಕಾಶ್ಮೀರ ಅಷ್ಟೊಂದು ಸೊಗಸಾದ ಸ್ಥಳವಾಗಿದ್ದು, ಧನಿಕರು ಅಲ್ಲಿನ ಎಲ್ಲ ಜಮೀನು ಖರೀದಿ ಮಾಡಿದರೆ ಅಲ್ಲಿ ವಾಸಿಸುವ ಜನರಿಗೆ ಕಷ್ಟವಾಗುತ್ತದೆ. ಬ್ರಿಟಿಷರ ಕಾಲದಿಂದಲೂ, ನೂರು ಮತ್ತು ಅದಕ್ಕಿಂತ ಹೆಚ್ಚು ವರ್ಷಗಳ ಹಿಂದೆ ಈ ರೀತಿಯ ಒಂದು ನಿಯಮ ಮಾಡಿದ್ದರ ಹಿಂದಿರುವ ನಿಜವಾದ ಕಾರಣವೂ ಇದೇ ಎಂದು ನೆಹರು ಲೋಕಸಭೆಯಲ್ಲಿ ಹೇಳಿದ್ದರು.

ಪ್ರಸ್ತುತ 370ನೇ ವಿಧಿಯಲ್ಲಿ ಏನು ಹೇಳಲಾಗುತ್ತಿದೆ ಎಂದರೆ ಜಮ್ಮು ಕಾಶ್ಮೀರದಲ್ಲಿನ ಭದ್ರತೆ, ವಿದೇಶ ವ್ಯವಹಾರ, ಸಂವಹನ ಮತ್ತು ಪೂರಕ ವಿಷಯಗಳಿಗೆ ಭಾರತವೇ ಪೂರ್ಣ ಜವಾಬ್ದಾರಿ ಹೊತ್ತುಕೊಳ್ಳಬೇಕಿದೆ.

1947 ಅಕ್ಟೋಬರ್‌ನಲ್ಲಿ ಗಡಿಭಾಗದಲ್ಲಿ ರಾಜಾಡಳಿತ ಮಾಡಿಕೊಂಡಿದ್ದ ಹರಿ ಸಿಂಗ್ ಕೂಡಾ ಇದನ್ನೇ ಜಾರಿ ಮಾಡಿದ್ದರು. ಈ ವಿಷಯಗಳನ್ನು ಹೊರತು ಪಡಿಸಿ ಭಾರತೀಯ ಸಂಸತ್ತಿನಲ್ಲಿ ಅಂಗೀಕಾರವಾದ ಕಾನೂನುಗಳು  ಜಮ್ಮು ಮತ್ತು ಕಾಶ್ಮೀರಕ್ಕೆ ಅನ್ವಯವಾಗುವುದಿಲ್ಲ.( ಜಮ್ಮು ಮತ್ತು ಕಾಶ್ಮೀರ ವಿಧಾನಸಭೆಯಲ್ಲಿ ಇದೇ ಕಾನೂನು ಅಂಗೀಕಾರವಾದರೆ ಮಾತ್ರ ಅದು ಜಮ್ಮು ಮತ್ತು ಕಾಶ್ಮೀರಕ್ಕೆ ಅನ್ವಯಿಸುತ್ತದೆ) .ಇದರ ಪರಿಣಾಮ  ಕಾಶ್ಮೀರ ರಾಜ್ಯದ ಜನರು ಪ್ರತ್ಯೇಕ ನಿಯಮಗಳನ್ನು ಪಾಲಿಸತ್ತಾರೆ. ಪೌರತ್ವ, ಜಮೀನಿನ ಒಡೆತನ ಮತ್ತು ಮೂಲಭೂತ ಹಕ್ಕುಗಳ ಬಗ್ಗೆ  ಕಾಶ್ಮೀರ ಜನರಿಗೆ ಪ್ರತ್ಯೇಕ ಕಾನೂನುಗಳಿವೆ.

ಕಾಶ್ಮೀರದಲ್ಲಿ ಹೊರಗಿನವರು ಜಮೀನು ಖರೀದಿಸುವುದನ್ನು ತಡೆಯುವ ಕಾನೂನನ್ನು ಡೋಗ್ರಾ ಕಾಲದಲ್ಲಿ ಜಾರಿಗೆ ತಂದಿದ್ದರೂ ಜಮ್ಮು ಕಾಶ್ಮೀರಕ್ಕೆ ವಿಶೇಷಾಧಿಕಾರ ಕಲ್ಪಿಸುವ ಹೊತ್ತಿನಲ್ಲಿ ಕೇಂದ್ರ ಸರ್ಕಾರ ಈ ಕಾನೂನನ್ನು ತೆಗೆದು ಹಾಕಿಲ್ಲ ಎಂಬುದು ಸತ್ಯ. ಆದರೆ ಗಮನಿಸಬೇಕಾದ ಸಂಗತಿ ಎಂದರೆ ಇದೇ ರೀತಿ ಖರೀದಿ ಮತ್ತು ಮಾರುವುದಕ್ಕೆ ಇರುವ ನಿರ್ಬಂಧ ಭಾರತದ ಇತರ ಪ್ರದೇಶಗಳಲ್ಲಿಯೂ ಇದೆ. ಹಿಮಾಚಲ ಪ್ರದೇಶ, ಅರುಣಾಚಲ ಪ್ರದೇಶ, ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪ, ನಾಗಾಲ್ಯಾಂಡ್‌ನಲ್ಲಿಯೂ ಈ ರೀತಿಯ ಕಾನೂನು ಇದೆ.

ಭೂಮಿ ಖರೀದಿ ಬಗ್ಗೆ ಕಟ್ಟುಕತೆ ಇರುವಂತೆಯೇ 370 ವಿಧಿಯಲ್ಲಿ ಮಹಿಳೆಯರ ವಿರುದ್ಧ ತಾರತಮ್ಯವಿದೆ ಎಂಬ ಮಾತು ಕೂಡಾ ಸತ್ಯಕ್ಕೆ ದೂರವಾದುದು. ಜಮ್ಮು ಕಾಶ್ಮೀರದ ಮಹಿಳೆಯೊಬ್ಬರು ರಾಜ್ಯದ ಹೊರಗಿನ ವ್ಯಕ್ತಿಯನ್ನು ಮದುವೆಯಾದರೆ ಆಕೆ ಜಮ್ಮು ಮತ್ತು ಕಾಶ್ಮೀರದಲ್ಲಿ ಜಮೀನು ಖರೀದಿಸುವಂತಿಲ್ಲ ಎಂದು 370 ವಿಧಿಯಲ್ಲಿದೆ ಎಂದು ಹೇಳಲಾಗುತ್ತಿದೆ. ಈ ವಿಷಯ 2000 ಇಸವಿಯಲ್ಲಿ ರಾಜ್ಯದ ಹೈಕೋರ್ಟ್‌ ಮೆಟ್ಟಿಲೇರಿದಾಗ,  ಕಾಶ್ಮೀರದ ಮಹಿಳೆ ಹೊರ ರಾಜ್ಯದ ವ್ಯಕ್ತಿಯನ್ನು ಮದುವೆಯಾದರೆ ಆಕೆ ಜಮೀನು ಖರೀದಿಸುವ ತನ್ನ ಹಕ್ಕನ್ನು ಕಳೆದುಕೊಳ್ಳುವುದಿಲ್ಲ ಎಂಬ ನ್ಯಾಯಾಲಯ ತೀರ್ಪು ನೀಡಿತ್ತು.

ಇನ್ನಷ್ಟು...

ಜಮ್ಮು ಮತ್ತು ಕಾಶ್ಮೀರ ವಿಶೇಷ ಸ್ಥಾನಮಾನ ರದ್ದತಿ ಪರಿಣಾಮಗಳೇನು?

ಎಲ್ಲ ಪ್ರಶ್ನೆಗೆ ಉತ್ತರಿಸಲು ಸಿದ್ಧ: ಪ್ರತಿಪಕ್ಷಗಳಿಗೆ ಅಮಿತ್‌ ಶಾ

ಜಮ್ಮು–ಕಾಶ್ಮೀರ ವಿಶೇಷ ಸ್ಥಾನಮಾನ ರದ್ದು ಪ್ರಸ್ತಾವ ಮಂಡಿಸಿದ ಅಮಿತ್ ಶಾ​

ಜಮ್ಮು–ಕಾಶ್ಮೀರ: ಸಂವಿಧಾನದ 370ನೇ ವಿಧಿ ತಿದ್ದುಪಡಿ ಬಗ್ಗೆ ರಾಷ್ಟ್ರಪತಿ ಅಧಿಸೂಚನೆ​

ರಾಜ್ಯಸಭೆಯಲ್ಲಿ ಹೈಡ್ರಾಮಾ: ಸಂವಿಧಾನದ ಪ್ರತಿ ಹರಿದುಹಾಕಿದ ಪಿಡಿಪಿ ಸದಸ್ಯರು

ಕಾಶ್ಮೀರ ಮತ್ತು 35ಎ, 370: ಬದಲಾಗುತ್ತಾ ಸ್ಥಿತಿಗತಿ​

ಸಂವಿಧಾನದ 370ನೇ ಕಲಂ ಪ್ರಸ್ತುತತೆ

35 ಎ ಕಲಂ ವಿಷಯದಲ್ಲಿ ಎಚ್ಚರದಿಂದ ವ್ಯವಹರಿಸಬೇಕು

‘35-ಎ’ ಪ್ರಶ್ನಿಸಿದ್ದ ಅರ್ಜಿ ವಿಚಾರಣೆ ಮುಂದೂಡಿದ ಸುಪ್ರೀಂ ಕೋರ್ಟ್‌

ಸಂವಿಧಾನದ 370ನೇ ವಿಧಿ ತಾತ್ಕಾಲಿಕವಲ್ಲ: ಸುಪ್ರೀಂ ಕೋರ್ಟ್

ಬಿಳಿ ಬಾವುಟ ತೋರಿಸಿ, ಶವ ತಗೊಂಡು ಹೋಗಿ: ಪಾಕಿಸ್ತಾನಕ್ಕೆ ಸೇನೆಯ ಸೂಚನೆ​ 

ಯೋಧರು, ಉಗ್ರರ ಮೃತದೇಹ ಕೊಂಡೊಯ್ಯಲು ನಿರಾಕರಿಸಿದ ಪಾಕಿಸ್ತಾನ?

 ಜಮ್ಮು–ಕಾಶ್ಮೀರದಲ್ಲಿ ಕಟ್ಟೆಚ್ಚರ| ಕಣಿವೆ ತೊರೆಯಲು ಪ್ರವಾಸಿ, ಯಾತ್ರಿಕರಿಗೆ ಸೂಚನೆ​

ಸೇನಾ ಕೋಟೆಯಾದ ಶ್ರೀನಗರ: ಆತಂಕ ತೀವ್ರ​​

ಕಾಶ್ಮೀರದಲ್ಲಿ ಉಗ್ರ ದಾಳಿ ಭೀತಿ: ಗೃಹ ಸಚಿವ ಅಮಿತ್ ಶಾ ಉನ್ನತ ಮಟ್ಟದ ಸಭೆ

ಇಂದು ಸಂಪುಟ ಸಭೆ ಕಾಶ್ಮೀರ ಬಗ್ಗೆ ನಿರ್ಧಾರ?

ಶ್ರೀನಗರದಲ್ಲಿ ನಿಷೇಧಾಜ್ಞೆ: ಮೆಹಬೂಬಾ ಮುಫ್ತಿಗೆ ಗೃಹ ಬಂಧನ​

Post Comments (+)