ಶನಿವಾರ, ಮಾರ್ಚ್ 28, 2020
19 °C

ರಾಷ್ಟ್ರೀಯ ಪಕ್ಷಗಳಿಗೆ 2513 ಕೋಟಿ ಅನಾಮಧೇಯ ದೇಣಿಗೆ: ಬಿಜೆಪಿ–ಕಾಂಗ್ರೆಸಿಗೆ ಎಷ್ಟು

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ: ರಾಷ್ಟ್ರೀಯ ಪಕ್ಷಗಳು ಅನಾಮಧೇಯ ಮೂಲಗಳಿಂದ 2004–05ರಿಂದ 2018–19ರ ಅವಧಿಯಲ್ಲಿ ₹ 11,234 ಕೋಟಿ ದೇಣಿಗೆ ಪಡೆದಿವೆ ಎಂದು ಚಿಂತಕರ ಚಾವಡಿ ‘ಅಸೋಷಿಯೇಷನ್‌ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್‌’ (ಎಡಿಆರ್) ಚಿಂತಕರ ಚಾವಡಿ ಹೇಳಿದೆ.

ಬಿಜೆಪಿ, ಕಾಂಗ್ರೆಸ್, ತೃಣಮೂಲ ಕಾಂಗ್ರೆಸ್, ಸಿಪಿಎಂ, ಎನ್‌ಸಿಪಿ, ಬಿಎಸ್‌ಪಿ ಮತ್ತು ಸಿಪಿಐ ಪಕ್ಷಗಳು ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ್ದ ದಾಖಲೆಗಳನ್ನು ಆಧರಿಸಿ ಈ ವಿಶ್ಲೇಷಣೆ ನಡೆಸಲಾಗಿದೆ.

ಆದಾಯ ತೆರಿಗೆ ರಿಟರ್ನ್ಸ್‌ ಸಲ್ಲಿಸುವಾಗ ₹ 20 ಸಾವಿರಕ್ಕಿಂತ ಕಡಿಮೆ ಮೊತ್ತದ ದೇಣಿಗೆಯ ಮೂಲವನ್ನು ಉಲ್ಲೇಖಿಸದೆ, ಅನಾಮಧೇಯ ಮೂಲಗಳು ಎಂದು ನಮೂದಿಸಲಾಗಿದೆ. ಇಂಥ ಮೂಲಗಳಿಂದ ರಾಜಕೀಯ ಪಕ್ಷಗಳಿಗೆ ಬಂದ ಒಟ್ಟು ಮೊತ್ತ ₹ 11,234 ಕೋಟಿ ಎನ್ನುತ್ತದೆ ಎಡಿಆರ್.

ಚುನಾವಣಾ ಬಾಂಡ್‌ಗಳು, ಕೂಪನ್‌ಗಳ ಮಾರಾಟ, ಪರಿಹಾರ ನಿಧಿ, ಇತರ ಆದಾಯಗಳು, ಸ್ವಯಂ ಪ್ರೇರಿತ ದೇಣಿಗೆ ಮತ್ತು ಸಭೆ/ಮೋರ್ಚಾಗಳಲ್ಲಿ ಸಂಗ್ರಹವಾದ ಹಣ ಇದರಲ್ಲಿ ಸೇರಿದೆ.

ಕೂಪನ್ ಮಾರಾಟ ಅಥವಾ ಚುನಾವಣಾ ಬಾಂಡ್‌ಗಳ ಮೂಲಕ ತನಗೆ ಯಾವುದೇ ಹಣ ಬಂದಿಲ್ಲ ಎಂದು ಬಿಎಸ್‌ಪಿ ಪ್ರಮಾಣ ಪತ್ರ ಸಲ್ಲಿಸಿದೆ.

2018–19ರಲ್ಲಿ ಬಿಜೆಪಿ ₹ 1,612.04 ಕೋಟಿ ಅನಾಮಧೇಯ ಮೂಲಗಳಿಂದ ಬಂದಿದೆ ಎಂದು ಘೋಷಿಸಿಕೊಂಡಿತ್ತು. ಇತರ ಐದು ರಾಷ್ಟ್ರೀಯ ಪಕ್ಷಗಳು ಘೋಷಿಸಿಕೊಂಡಿರುವ ಮೊತ್ತಕ್ಕಿಂತ ಇದು ಒಂದೂವರೆ ಪಟ್ಟು ಹೆಚ್ಚು.

ಕಾಂಗ್ರೆಸ್ ಪಕ್ಷವು ₹ 728.88 ಕೋಟಿಯಷ್ಟು ಮೊತ್ತ ಅನಾಮಧೇಯ ಮೂಲಗಳಿಂದ ಬಂದಿದೆ ಎಂದು ಘೋಷಿಸಿತ್ತು. ಇದು ಒಟ್ಟು ಮೊತ್ತದ ಶೇ 29ರಷ್ಟಾಗುತ್ತದೆ.

2004–05ರಿಂದ 2018–19ರ ಅವಧಿಯಲ್ಲಿ ಎನ್‌ಸಿಪಿ ಮತ್ತು ಕಾಂಗ್ರೆಸ್‌ ಪಕ್ಷಗಳು ಕೂಪನ್ ಮಾರಾಟದಿಂದ ₹ 3902.63 ಕೋಟಿ ಸಂಗ್ರಹಿಸಿವೆ ಎಂದು ವರದಿ ತಿಳಿಸಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು