ಕೊರೊನಾ ಆತಂಕ | 21 ಸಂಪೂರ್ಣ ದಿಗ್ಬಂಧನ: ಮೋದಿ ಖಡಕ್ ಸೂಚನೆ

ನವದೆಹಲಿ: ದೇಶದಾದ್ಯಂತ ದಿನೇ ದಿನೆ ಹೆಚ್ಚುತ್ತಿರುವ ಕೊರೊನಾವೈರಸ್ ಸೋಂಕನ್ನು ತಡೆಯಲು ಇಂದು ಮಧ್ಯರಾತ್ರಿಯಿಂದಲೇ ದೇಶಾದ್ಯಂತ ಸಂಪೂರ್ಣ ಲಾಕ್‌ಡೌನ್ ಮಾಡುವುದಾಗಿ ಪ್ರಧಾನಿ ನರೇಂದ್ರ ಮೋದಿ ಘೋಷಿಸಿದ್ದಾರೆ.

ಇಂದು ರಾತ್ರಿ ದೇಶವನ್ನುದ್ದೇಶಿಸಿ ಮಾತನಾಡಿದ ಅವರು, ದೇಶದ ಜನರ ಮತ್ತು ಅವರ ಪರಿವಾರದವರ ರಕ್ಷಣೆಗಾಗಿ ಮುಂದಿನ 21 ದಿನಗಳ ವರೆಗೆ ದೇಶದಲ್ಲಿ ಸಂಪೂರ್ಣ ಲಾಕ್‌ಡೌನ್ ಮಾಡಲಾಗುತ್ತದೆ. ಈ ವೇಳೆ ಮನೆಮುಂದೆ ಲಕ್ಷ್ಮಣ ರೇಖೆಯನ್ನು ಹಾಕಿಕೊಂಡು ಇರಬೇಕು. ಅದನ್ನು ಯಾವುದೇ ಕಾರಣಕ್ಕೂ ದಾಟಬಾರದು. ಕೊರೊನಾ ಸೋಂಕಿತ ವ್ಯಕ್ತಿಯು ಬೀದಿಯಲ್ಲಿ ಕಾಣಿಸಿಕೊಂಡರೆ ತಕ್ಷಣ ಆತ ಸೋಂಕಿತ ಎಂದು ತಿಳಿಯುವುದಿಲ್ಲ. ಹಾಗಾಗಿ ಸುರಕ್ಷಿತವಾಗಿ ಮನೆಯಲ್ಲೇ ಇರಿ ಎಂದು ಮೋದಿ ತಿಳಿಸಿದರು.

Pray for people who are working to sanitise your society & neigbourhoods, roads&public places to ensure complete eradication of the virus. You must also think about the media persons who are working 24 hours, by staying on roads & going to hospitals, to give you correct info: PM https://t.co/Hv0NVigcPv

— ANI (@ANI) March 24, 2020

ದೇಶದಲ್ಲಿ ನೀವು ಎಲ್ಲಿಯೇ ಇದ್ದರೂ ಅಲ್ಲಿಯೇ ಇರಿ. ಈ ಲಾಕ್‌ಡೌನ್ 21 ದಿನ ಇರುತ್ತೆ. ನೀವು ಹೊರಗೆ ಹೋಗುವುದನ್ನು ಮರೆತುಬಿಡಿ. ದೇಶ ಇಂದು ಮಹತ್ವಪೂರ್ಣ ನಿರ್ಣಯ ತೆಗೆದುಕೊಂಡಿದೆ. ಇಂದು ರಾತ್ರಿ 12 ಗಂಟೆಯಿಂದ ಪೂರ್ತಿ ದೇಶದಲ್ಲಿ ಲಾಕ್‌ಡೌನ್ ಘೋಷಿಸುತ್ತಿದ್ದೇನೆ. ಇದು ಕರ್ಫ್ಯೂ ಥರವೇ ಇರುತ್ತದೆ. ಕೊರೊನಾ ವಿರುದ್ಧ ಹೋರಾಡಲು ಇದನ್ನು ಕಟ್ಟುನಿಟ್ಟಾಗಿ ಜಾರಿ ಮಾಡುತ್ತೇವೆ ಎಂದರು.

Lockdown of 21 days is a long time, but this is important for you and your family's safety. I believe that every Indian will not only successfully tackle this challenge but also emerge victorious in this time of crisis: PM Modi #COVID19 pic.twitter.com/uYJEfnrjfS

— ANI (@ANI) March 24, 2020

ಕೊರೊನಾ ತಡೆಗೆ ಒಂದೇ ಮಂತ್ರ ಎಂದ ಅವರು ಪೋಸ್ಟರ್ ಪ್ರದರ್ಶಿಸಿದರು. ಕೊರೊನಾ ಎಂದರೆ ಯಾರೂ ಕೂಡ ರಸ್ತೆಗೆ ಇಳಿಯುವಂತಿಲ್ಲ ಎಂದು ಅರ್ಥ. (ಕೊರೊನಾ: ಕೋಯಿ ರೋಡ್ ಪರ್ ನಹಿ ನಿಕ್ಲೆ). ಇದು ಎಲ್ಲರಿಗೂ ಅನ್ವಯವಾಗುತ್ತದೆ. ಚೀನಾ, ಫ್ರಾನ್ಸ್, ಇಟಲಿ, ಅಮೆರಿಕ, ಇರಾನ್ ಸೇರಿದಂತೆ ಹಲವಾರು ರಾಷ್ಟ್ರಗಳು ಕೊರೊನಾದಿಂದ ಜರ್ಜರಿತವಾಗಿವೆ. ಇಟಲಿ ಮತ್ತು ಅಮೆರಿಕದಲ್ಲಿ ಅತ್ಯಾಧುನಿಕ ಸೌಲಭ್ಯದ ಆಸ್ಪತ್ರೆಗಳಿದ್ದರೂ ಕೂಡ ಕೋವಿಡ್-19 ತಡೆಗೆ ಹೋರಾಡುತ್ತಿವೆ. ಹೀಗಾಗಿ ನಮ್ಮ ದೇಶದ ದೃಷ್ಟಿಯಿಂದ ಇದು ಅಗತ್ಯವಾಗಿದೆ.