<p><strong>ದೋಹಾ/ವಾಷಿಂಗ್ಟನ್</strong>: ಯುದ್ಧಪೀಡಿತ ಅಫ್ಗಾನಿಸ್ತಾನದಲ್ಲಿ ಶಾಶ್ವತ ಶಾಂತಿ ನೆಲೆಸುವಂತೆ ಮಾಡುವ ಸಲುವಾಗಿ, ಅಮೆರಿಕದ ಅಧಿಕಾರಿಗಳು ಹಾಗೂ ತಾಲಿಬಾನ್ ಪ್ರತಿನಿಧಿಗಳು ಶನಿವಾರ ಅಂತಿಮವಾಗಿ ಶಾಂತಿ ಒಪ್ಪಂದಕ್ಕೆ ಸಹಿ ಹಾಕಿದರು.</p>.<p>ಒಪ್ಪಂದದ ಮೊದಲ ಹಂತವಾಗಿ ಅಫ್ಗಾನಿಸ್ತಾನದಲ್ಲಿರುವ ಸುಮಾರು 13 ಸಾವಿರ ಸೇನಾ ಸಿಬ್ಬಂದಿಯನ್ನು 8,600ಕ್ಕೆ ಇಳಿಕೆ ಮಾಡಲು ಅಮೆರಿಕ ಮುಂದಾಗಿದೆ.</p>.<p>‘ಸೇನಾ ಸಿಬ್ಬಂದಿಯನ್ನು ವಾಪಸ್ ಕರೆಸಿಕೊಳ್ಳುವ ಪ್ರಕ್ರಿಯೆ ದಿಢೀರನೆ ಸಾಧ್ಯವಿಲ್ಲ. ಇದಕ್ಕೆ ಕೆಲವು ತಿಂಗಳುಗಳೇ ಬೇಕಾಗಬಹುದು. ಆದರೆ ಇದುಅಧ್ಯಕ್ಷರ ಉದ್ದೇಶವಾಗಿದೆ’ ಎಂದು ಅಮೆರಿಕದ ಅಧಿಕಾರಿಯೊಬ್ಬರು ಒಪ್ಪಂದ ಕುರಿತು ಪ್ರತಿಕ್ರಿಯಿಸಿದ್ದಾರೆ.</p>.<p>ದೋಹಾದಲ್ಲಿನ ಶೆರಟಾನ್ ಪಂಚತಾರಾ ಹೋಟೆಲ್ನಲ್ಲಿನಡೆದ ಒಪ್ಪಂದ ಪ್ರಕ್ರಿಯೆಯಲ್ಲಿ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೊ, ಕತಾರ್ನಲ್ಲಿನ ಭಾರತದ ರಾಯಭಾರಿ ಪಿ.ಕುಮಾರನ್, ಪಾಕಿಸ್ತಾನ, ಇಂಡೊನೇಷ್ಯಾ, ಉಜ್ಬೆಕಿಸ್ತಾನಹಾಗೂ ತಜಕಿಸ್ತಾನದ ಪ್ರತಿನಿಧಿಗಳು ಉಪಸ್ಥಿತರಿದ್ದರು.</p>.<p><strong>ಮಾತುಕತೆಯಿಂದ ನಿರ್ಧಾರ:</strong>ಈ ಒಪ್ಪಂದವನ್ನು ಪೂರ್ವ ಸಮ್ಮತಿಯದ್ದು ಎಂದು ಹೇಳಿರುವ ತಜ್ಞರು, ಶಾಶ್ವತ ಶಾಂತಿ ನೆಲೆಸುವಂತೆ ಮಾಡುವ ನಿಜವಾದ ಸವಾಲು ಮಾತುಕತೆಯಿಂದ ತಿಳಿಯುತ್ತದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ತಾಲಿಬಾನ್ ಹಾಗೂ ಅಮೆರಿಕದ ನಡುವಿನ ಸಮ್ಮತಿ ಶಾಂತಿ ಒಪ್ಪಂದಅಲ್ಲ ಎನ್ನುವುದನ್ನು ಗಮನಿಸಬೇಕಾದುದು ಮುಖ್ಯ. ಆಫ್ಗನ್ ಶಾಂತಿ ಪ್ರಕ್ರಿಯೆಯ ಮೊದಲ ಹಂತದ ಫಲಿತಾಂಶವಾಗಿ ಈ ಬೆಳವಣಿಗೆ ಆಗುತ್ತಿದೆ. ಆಫ್ಗನ್ ಸರ್ಕಾರದ ಜತೆ ತಾಲಿಬಾನ್ ನಾಯಕತ್ವ ಅರ್ಥಪೂರ್ಣ ಮಾತುಕತೆಗೆ ಮುಂದಾಗುವಂತೆ ಮಾಡಲು ಇದು ಅವಶ್ಯವಾಗಿತ್ತು’ ಎಂದು ಇಂಟರ್ ನ್ಯಾಷನಲ್ ಕ್ರೈಸಿಸ್ ಗ್ರೂಪ್ನಲ್ಲಿನ ಅಫ್ಗಾನಿಸ್ತಾನ ಕುರಿತ ಹಿರಿಯ ವಿಶ್ಲೇಷಕ ಆ್ಯಂಡ್ರ್ಯೂ ವಾಕಿನ್ಸ್ ಅಲ್ಜಝೀರಾಗೆ ಹೇಳಿದ್ದಾರೆ.</p>.<p><strong>‘ಆಫ್ಗನ್, ತಾಲಿಬಾನ್ ಚರ್ಚಿಸಲಿ’</strong><br />‘ಅಫ್ಗಾನಿಸ್ತಾನದ ಭವಿಷ್ಯದ ಕುರಿತ ಪ್ರಮುಖ ಪ್ರಶ್ನೆಗಳ ಬಗ್ಗೆ ಅಮೆರಿಕ ಹಾಗೂ ತಾಲಿಬಾನ್ ಚರ್ಚೆ ನಡೆಸಬಾರದು. ಬದಲಿಗೆ ಅಫ್ಗನ್ ಸರ್ಕಾರ ಹಾಗೂ ತಾಲಿಬಾನ್ ಸಂಘಟನೆ ತಮ್ಮ ಸಂಧಾನದಲ್ಲಿ ಈ ಪ್ರಶ್ನೆಗಳಿಗೆ ಉತ್ತರಗಳನ್ನು ಕಂಡುಕೊಳ್ಳಬೇಕು’ ಎಂದು ವಿಶ್ಲೇಷಕ ಆ್ಯಂಡ್ರ್ಯೂ ವಾಕಿನ್ಸ್ ಹೇಳಿದ್ದಾರೆ.</p>.<p><strong>‘ದಾಳಿಗೆ ಒಂದು ದಿನ ವಿರಾಮ’</strong><br />ಒಪ್ಪಂದಕ್ಕೆ ಸಹಿ ಹಾಕುವ ಪ್ರಕ್ರಿಯೆ ಹಿನ್ನೆಲೆಯಲ್ಲಿ ಶನಿವಾರ ಇಡೀ ದಿನ ದಾಳಿ ನಡೆಸದೇ ಇರಲು ತಾಲಿಬಾನ್ ಆದೇಶಿಸಿತ್ತು.</p>.<p>‘ಒಪ್ಪಂದಕ್ಕೆ ಸಹಿ ಹಾಕುತ್ತಿರುವುದರಿಂದಾಗಿ, ನಮ್ಮ ಜನರು ಸಂಭ್ರಮ ಆಚರಿಸುತ್ತಿದ್ದಾರೆ. ಆದ್ದರಿಂದ ದೇಶದಾದ್ಯಂತ ಸೇನೆಯ ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಲಾಗಿದೆ’ ಎಂದು ತಾಲಿಬಾನ್ ವಕ್ತಾರ ಝಬಿವುಲ್ಲಾ ಮುಜಾಹಿದ್ ಹೇಳಿದ್ದರು.</p>.<p><strong>ಜಂಟಿ ಘೋಷಣೆ</strong><br />ಒಪ್ಪಂದಕ್ಕೆ ಸಹಿ ಹಾಕುವ ಮೊದಲು ಅಮೆರಿಕ ಹಾಗೂ ಆಫ್ಗನ್ ಸರ್ಕಾರ ಜಂಟಿ ಹೇಳಿಕೆ ಬಿಡುಗಡೆಗೊಳಿಸಿತ್ತು.</p>.<p>* ಒಪ್ಪಂದಕ್ಕೆ ತಾಲಿಬಾನ್ ಬದ್ಧವಾಗಿದ್ದಲ್ಲಿ, ಅಫ್ಗಾನಿಸ್ತಾನದಲ್ಲಿರುವ ಸೇನಾ ಸಿಬ್ಬಂದಿಯನ್ನು ಅಮೆರಿಕ 14 ತಿಂಗಳ ಒಳಗಾಗಿ ಪೂರ್ಣ ಪ್ರಮಾಣದಲ್ಲಿ ವಾಪಸ್ ಕರೆಸಿಕೊಳ್ಳಲಿದೆ.<br />* ಮೊದಲ ಹಂತದಲ್ಲಿ 135 ದಿನಗಳ ಒಳಗಾಗಿ ಸೇನಾ ಸಿಬ್ಬಂದಿ ಸಂಖ್ಯೆಯನ್ನು 8,600ಕ್ಕೆ ಇಳಿಕೆ ಮಾಡಲಾಗುತ್ತದೆ.<br />* ಆಫ್ಗನ್ ಸರ್ಕಾರ ಮತ್ತು ತಾಲಿಬಾನ್ ಮುಖಂಡರಿಂದ ಓಸ್ಲೊದಲ್ಲಿ ಮಾರ್ಚ್ 10ರಂದು ಶಾಂತಿ ಮಾತುಕತೆ.</p>.<p>**</p>.<p>18 ವರ್ಷಗಳ ಸಂಘರ್ಷ ಕೊನೆಯಾಗುವ ಸಾಧ್ಯತೆ ಇದೆ. ಅಫ್ಗನ್ ಜನರಿಗೆ ಹೊಸ ಭವಿಷ್ಯದ ಅವಕಾಶ ಇದೆ.<br /><em><strong>-ಡೊನಾಲ್ಡ್ ಟ್ರಂಪ್,ಅಮೆರಿಕ ಅಧ್ಯಕ್ಷ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದೋಹಾ/ವಾಷಿಂಗ್ಟನ್</strong>: ಯುದ್ಧಪೀಡಿತ ಅಫ್ಗಾನಿಸ್ತಾನದಲ್ಲಿ ಶಾಶ್ವತ ಶಾಂತಿ ನೆಲೆಸುವಂತೆ ಮಾಡುವ ಸಲುವಾಗಿ, ಅಮೆರಿಕದ ಅಧಿಕಾರಿಗಳು ಹಾಗೂ ತಾಲಿಬಾನ್ ಪ್ರತಿನಿಧಿಗಳು ಶನಿವಾರ ಅಂತಿಮವಾಗಿ ಶಾಂತಿ ಒಪ್ಪಂದಕ್ಕೆ ಸಹಿ ಹಾಕಿದರು.</p>.<p>ಒಪ್ಪಂದದ ಮೊದಲ ಹಂತವಾಗಿ ಅಫ್ಗಾನಿಸ್ತಾನದಲ್ಲಿರುವ ಸುಮಾರು 13 ಸಾವಿರ ಸೇನಾ ಸಿಬ್ಬಂದಿಯನ್ನು 8,600ಕ್ಕೆ ಇಳಿಕೆ ಮಾಡಲು ಅಮೆರಿಕ ಮುಂದಾಗಿದೆ.</p>.<p>‘ಸೇನಾ ಸಿಬ್ಬಂದಿಯನ್ನು ವಾಪಸ್ ಕರೆಸಿಕೊಳ್ಳುವ ಪ್ರಕ್ರಿಯೆ ದಿಢೀರನೆ ಸಾಧ್ಯವಿಲ್ಲ. ಇದಕ್ಕೆ ಕೆಲವು ತಿಂಗಳುಗಳೇ ಬೇಕಾಗಬಹುದು. ಆದರೆ ಇದುಅಧ್ಯಕ್ಷರ ಉದ್ದೇಶವಾಗಿದೆ’ ಎಂದು ಅಮೆರಿಕದ ಅಧಿಕಾರಿಯೊಬ್ಬರು ಒಪ್ಪಂದ ಕುರಿತು ಪ್ರತಿಕ್ರಿಯಿಸಿದ್ದಾರೆ.</p>.<p>ದೋಹಾದಲ್ಲಿನ ಶೆರಟಾನ್ ಪಂಚತಾರಾ ಹೋಟೆಲ್ನಲ್ಲಿನಡೆದ ಒಪ್ಪಂದ ಪ್ರಕ್ರಿಯೆಯಲ್ಲಿ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೊ, ಕತಾರ್ನಲ್ಲಿನ ಭಾರತದ ರಾಯಭಾರಿ ಪಿ.ಕುಮಾರನ್, ಪಾಕಿಸ್ತಾನ, ಇಂಡೊನೇಷ್ಯಾ, ಉಜ್ಬೆಕಿಸ್ತಾನಹಾಗೂ ತಜಕಿಸ್ತಾನದ ಪ್ರತಿನಿಧಿಗಳು ಉಪಸ್ಥಿತರಿದ್ದರು.</p>.<p><strong>ಮಾತುಕತೆಯಿಂದ ನಿರ್ಧಾರ:</strong>ಈ ಒಪ್ಪಂದವನ್ನು ಪೂರ್ವ ಸಮ್ಮತಿಯದ್ದು ಎಂದು ಹೇಳಿರುವ ತಜ್ಞರು, ಶಾಶ್ವತ ಶಾಂತಿ ನೆಲೆಸುವಂತೆ ಮಾಡುವ ನಿಜವಾದ ಸವಾಲು ಮಾತುಕತೆಯಿಂದ ತಿಳಿಯುತ್ತದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ತಾಲಿಬಾನ್ ಹಾಗೂ ಅಮೆರಿಕದ ನಡುವಿನ ಸಮ್ಮತಿ ಶಾಂತಿ ಒಪ್ಪಂದಅಲ್ಲ ಎನ್ನುವುದನ್ನು ಗಮನಿಸಬೇಕಾದುದು ಮುಖ್ಯ. ಆಫ್ಗನ್ ಶಾಂತಿ ಪ್ರಕ್ರಿಯೆಯ ಮೊದಲ ಹಂತದ ಫಲಿತಾಂಶವಾಗಿ ಈ ಬೆಳವಣಿಗೆ ಆಗುತ್ತಿದೆ. ಆಫ್ಗನ್ ಸರ್ಕಾರದ ಜತೆ ತಾಲಿಬಾನ್ ನಾಯಕತ್ವ ಅರ್ಥಪೂರ್ಣ ಮಾತುಕತೆಗೆ ಮುಂದಾಗುವಂತೆ ಮಾಡಲು ಇದು ಅವಶ್ಯವಾಗಿತ್ತು’ ಎಂದು ಇಂಟರ್ ನ್ಯಾಷನಲ್ ಕ್ರೈಸಿಸ್ ಗ್ರೂಪ್ನಲ್ಲಿನ ಅಫ್ಗಾನಿಸ್ತಾನ ಕುರಿತ ಹಿರಿಯ ವಿಶ್ಲೇಷಕ ಆ್ಯಂಡ್ರ್ಯೂ ವಾಕಿನ್ಸ್ ಅಲ್ಜಝೀರಾಗೆ ಹೇಳಿದ್ದಾರೆ.</p>.<p><strong>‘ಆಫ್ಗನ್, ತಾಲಿಬಾನ್ ಚರ್ಚಿಸಲಿ’</strong><br />‘ಅಫ್ಗಾನಿಸ್ತಾನದ ಭವಿಷ್ಯದ ಕುರಿತ ಪ್ರಮುಖ ಪ್ರಶ್ನೆಗಳ ಬಗ್ಗೆ ಅಮೆರಿಕ ಹಾಗೂ ತಾಲಿಬಾನ್ ಚರ್ಚೆ ನಡೆಸಬಾರದು. ಬದಲಿಗೆ ಅಫ್ಗನ್ ಸರ್ಕಾರ ಹಾಗೂ ತಾಲಿಬಾನ್ ಸಂಘಟನೆ ತಮ್ಮ ಸಂಧಾನದಲ್ಲಿ ಈ ಪ್ರಶ್ನೆಗಳಿಗೆ ಉತ್ತರಗಳನ್ನು ಕಂಡುಕೊಳ್ಳಬೇಕು’ ಎಂದು ವಿಶ್ಲೇಷಕ ಆ್ಯಂಡ್ರ್ಯೂ ವಾಕಿನ್ಸ್ ಹೇಳಿದ್ದಾರೆ.</p>.<p><strong>‘ದಾಳಿಗೆ ಒಂದು ದಿನ ವಿರಾಮ’</strong><br />ಒಪ್ಪಂದಕ್ಕೆ ಸಹಿ ಹಾಕುವ ಪ್ರಕ್ರಿಯೆ ಹಿನ್ನೆಲೆಯಲ್ಲಿ ಶನಿವಾರ ಇಡೀ ದಿನ ದಾಳಿ ನಡೆಸದೇ ಇರಲು ತಾಲಿಬಾನ್ ಆದೇಶಿಸಿತ್ತು.</p>.<p>‘ಒಪ್ಪಂದಕ್ಕೆ ಸಹಿ ಹಾಕುತ್ತಿರುವುದರಿಂದಾಗಿ, ನಮ್ಮ ಜನರು ಸಂಭ್ರಮ ಆಚರಿಸುತ್ತಿದ್ದಾರೆ. ಆದ್ದರಿಂದ ದೇಶದಾದ್ಯಂತ ಸೇನೆಯ ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಲಾಗಿದೆ’ ಎಂದು ತಾಲಿಬಾನ್ ವಕ್ತಾರ ಝಬಿವುಲ್ಲಾ ಮುಜಾಹಿದ್ ಹೇಳಿದ್ದರು.</p>.<p><strong>ಜಂಟಿ ಘೋಷಣೆ</strong><br />ಒಪ್ಪಂದಕ್ಕೆ ಸಹಿ ಹಾಕುವ ಮೊದಲು ಅಮೆರಿಕ ಹಾಗೂ ಆಫ್ಗನ್ ಸರ್ಕಾರ ಜಂಟಿ ಹೇಳಿಕೆ ಬಿಡುಗಡೆಗೊಳಿಸಿತ್ತು.</p>.<p>* ಒಪ್ಪಂದಕ್ಕೆ ತಾಲಿಬಾನ್ ಬದ್ಧವಾಗಿದ್ದಲ್ಲಿ, ಅಫ್ಗಾನಿಸ್ತಾನದಲ್ಲಿರುವ ಸೇನಾ ಸಿಬ್ಬಂದಿಯನ್ನು ಅಮೆರಿಕ 14 ತಿಂಗಳ ಒಳಗಾಗಿ ಪೂರ್ಣ ಪ್ರಮಾಣದಲ್ಲಿ ವಾಪಸ್ ಕರೆಸಿಕೊಳ್ಳಲಿದೆ.<br />* ಮೊದಲ ಹಂತದಲ್ಲಿ 135 ದಿನಗಳ ಒಳಗಾಗಿ ಸೇನಾ ಸಿಬ್ಬಂದಿ ಸಂಖ್ಯೆಯನ್ನು 8,600ಕ್ಕೆ ಇಳಿಕೆ ಮಾಡಲಾಗುತ್ತದೆ.<br />* ಆಫ್ಗನ್ ಸರ್ಕಾರ ಮತ್ತು ತಾಲಿಬಾನ್ ಮುಖಂಡರಿಂದ ಓಸ್ಲೊದಲ್ಲಿ ಮಾರ್ಚ್ 10ರಂದು ಶಾಂತಿ ಮಾತುಕತೆ.</p>.<p>**</p>.<p>18 ವರ್ಷಗಳ ಸಂಘರ್ಷ ಕೊನೆಯಾಗುವ ಸಾಧ್ಯತೆ ಇದೆ. ಅಫ್ಗನ್ ಜನರಿಗೆ ಹೊಸ ಭವಿಷ್ಯದ ಅವಕಾಶ ಇದೆ.<br /><em><strong>-ಡೊನಾಲ್ಡ್ ಟ್ರಂಪ್,ಅಮೆರಿಕ ಅಧ್ಯಕ್ಷ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>