ಕೋವಿಡ್‌ ಸೋಂಕಿತರ ನಿಗಾಕ್ಕೆ ಮೊಬೈಲ್‌ ಆ್ಯಪ್‌

ಈ ಆ್ಯಪ್‌ ಸಹಾಯದಿಂದ ಕೋವಿಡ್‌–19 ರೋಗಿಗಳ ಮೇಲೆ ವೈದ್ಯರು ಸದಾಕಾಲ ನಿಗಾ ವಹಿಸಲು ಅನುಕೂಲವಾಗಲಿದೆ ಎಂದು ತಿಳಿಸಿದರು.

ಕೋವಿಡ್‌–19 ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುವ ರೋಗಿಯು ಈ ಹಿಂದೆ ಯಾರೊಂದಿಗೆಲ್ಲ ಸಂಪರ್ಕ ಹೊಂದಿದ್ದರು ಹಾಗೂ ಯಾವ ಪ್ರದೇಶಗಳಿಗೆ ಭೇಟಿ ನೀಡಿದ್ದರು ಎಂಬುದನ್ನು ವೈದ್ಯರು ಮತ್ತು ಪೊಲೀಸರು ತಿಳಿಯಲು ನೆರವಾಗಲಿದೆ ಎಂದರು.

ಪ್ರತಿ ರೋಗಿಯ ಬಳಿ ಆ್ಯಪ್‌ ಅಳವಡಿಸಿರುವ ಮೊಬೈಲ್‌ ಇಡಲಾಗಿರುತ್ತದೆ. ಆ ರೋಗಿಯ ಚಿಕಿತ್ಸೆಯಲ್ಲಿ ತೊಡಗಿರುವ ವೈದ್ಯರ ಬಳಿ ಇರುವ ಮೊಬೈಲ್‌ಗೆ ಈ ಆ್ಯಪ್‌ ಮೂಲಕ ಸಂಪರ್ಕ ನೀಡಲಾಗಿರುತ್ತದೆ. ಇದರಿಂದ ರೋಗಿಯ ಆರೋಗ್ಯ ಸ್ಥಿತಿಗತಿ ತಿಳಿಯುವ ಜೊತೆಗೆ ಹೆಚ್ಚಿನ ಚಿಕಿತ್ಸೆಗಾಗಿ ರಾಜ್ಯಮಟ್ಟದ ತಜ್ಞರ ತಂಡವನ್ನು ಸಂಪರ್ಕಿಸಿ ಸಲಹೆ ಪಡೆಯಲು ಸಹಾಯವಾಗಲಿದೆ ಎಂದು ತಿಳಿಸಿದರು.