ನವದೆಹಲಿ: ಭಾರತೀಯ ಓದುಗರ ಸಮೀಕ್ಷೆಯ (ಐಆರ್ಎಸ್) 2019–20ರ ನಾಲ್ಕನೇ ತ್ರೈಮಾಸಿಕದ ವರದಿ ಪ್ರಕಟವಾಗಿದ್ದು, ಪ್ರಜಾವಾಣಿ ಓದುಗರ ಸಂಖ್ಯೆಯಲ್ಲಿ ಏರಿಕೆಯಾಗಿದೆ.
ಈ ತ್ರೈಮಾಸಿಕದಲ್ಲಿ ಪತ್ರಿಕೆಯ ಒಟ್ಟು ಓದುಗರ ಸಂಖ್ಯೆಯಲ್ಲಿ 93,000 ಏರಿಕೆಯಾಗಿದೆ. ಹಾಗೆಯೇ, ಈ ಅವಧಿಯಲ್ಲಿ ಸರಾಸರಿ ಓದುಗರ ಸಂಖ್ಯೆಯಲ್ಲಿ ಏಳು ಸಾವಿರ ಹೆಚ್ಚಳವಾಗಿದೆ.
ದಿ ಪ್ರಿಂಟರ್ಸ್ (ಮೈಸೂರು) ಪ್ರೈವೇಟ್ ಲಿಮಿಟೆಡ್ನ ಬಳಗದ ಇಂಗ್ಲಿಷ್ ದಿನಪತ್ರಿಕೆ ಡೆಕ್ಕನ್ ಹೆರಾಲ್ಡ್ ಮತ್ತು ಪ್ರಜಾವಾಣಿಯ ಒಟ್ಟು ಓದುಗರ ಸರಾಸರಿ ಸಂಖ್ಯೆಯಲ್ಲಿ 29,000 ಏರಿಕೆ ಆಗಿದೆ.