ಸಿದ್ಧಗಂಗಾಮಠ: ವಸತಿ ಶಾಲೆ ಪ್ರವೇಶಕ್ಕೆ ಪೋಷಕರು, ಮಕ್ಕಳ ಜಂಗುಳಿ

ಗುರುವಾರ , ಜೂನ್ 20, 2019
26 °C

ಸಿದ್ಧಗಂಗಾಮಠ: ವಸತಿ ಶಾಲೆ ಪ್ರವೇಶಕ್ಕೆ ಪೋಷಕರು, ಮಕ್ಕಳ ಜಂಗುಳಿ

Published:
Updated:

ತುಮಕೂರು: ಸಿದ್ದಗಂಗಾಮಠದ ವಸತಿ ಶಾಲೆಯ ವಿವಿಧ ತರಗತಿ ಪ್ರವೇಶಕ್ಕೆ ಅರ್ಜಿ ಪಡೆದ ಸಾವಿರಾರು  ಪೋಷಕರು ಮಕ್ಕಳೊಂದಿಗೆ ಭಾನುವಾರ ಮಠದಲ್ಲಿ ನಡೆದ ಪ್ರವೇಶ ಪೂರ್ವ ಸಂದರ್ಶನಕ್ಕೆ ಹಾಜರಾಗಿದ್ದರು.

ಮಠದ ಅಧ್ಯಕ್ಷರಾದ ಸಿದ್ಧಲಿಂಗ ಸ್ವಾಮೀಜಿ ಅವರೇ ಮಕ್ಕಳು ಮತ್ತು ಪೋಷಕರ ಸಂದರ್ಶನ ನಡೆಸುತ್ತಾರೆ. ಭಾನುವಾರ ರಾಜ್ಯದ ವಿವಿಧ ಕಡೆಯ ಪೋಷಕರು ಪ್ರವೇಶಕ್ಕೆ ಮಕ್ಕಳನ್ನು ಕರೆ ತಂದಿದ್ದರು.

ಸ್ವಾಮೀಜಿ ಅವರ ಆಡಳಿತ ಕೊಠಡಿ ಮುಂಭಾಗದ ಆವರಣದಲ್ಲಿ ಸಾಲುಗಟ್ಟಿ ನಿಂತಿದ್ದರು.  ಸುಡುಬಿಸಿಲಲ್ಲೇ ಗಂಟೆಗಟ್ಟಲೆ ಕಾದು ನಿಂತಿದ್ದರು. ಭಾನುವಾರ ಮಠದ ಆವರಣ ಪೋಷಕರು, ಮಕ್ಕಳಿಂದ ತುಂಬಿತ್ತು.

ನೀರಿನ ಸಮಸ್ಯೆ ಹಿನ್ನೆಲೆಯಲ್ಲಿ ಈ ಬಾರಿ ವಿದ್ಯಾರ್ಥಿ ಪ್ರವೇಶ ಕಡಿಮೆ ಮಾಡಿದ್ದು, ಎಂಟುವರೆ ಸಾವಿರ ಅರ್ಜಿ ವಿತರಿಸಿ ಸ್ಥಗಿತ ಮಾಡಲಾಗಿದೆ ಎಂದು  ಹದಿನೈದು ದಿನಗಳ ಹಿಂದೆಯೇ ಮಠದ ಆಡಳಿತಾಧಿಕಾರಿ ವಿಶ್ವನಾಥಯ್ಯ ಹೇಳಿದ್ದರು.

ಆದಾಗ್ಯೂ ಮಠದ ವಸತಿ ಶಾಲೆಗೆ ಪ್ರವೇಶ ಕೋರಿ ಪೋಷಕರು, ಮಕ್ಕಳು ಬರುತ್ತಲೇ ಇದ್ದಾರೆ. ದೂರವಾಣಿ ಮೂಲಕ ವಿಚಾರಿಸುತ್ತಿದ್ದಾರೆ.
 


ಸಿದ್ಧಗಂಗಾಮಠದ ವಸತಿ ಶಾಲೆ ಪ್ರವೇಶ ಪೂರ್ವ ಸಂದರ್ಶನಕ್ಕೆ ಭಾನುವಾರ ಬಂದ ಪೋಷಕರು ಮತ್ತು ಮಕ್ಕಳು

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 11

    Happy
  • 0

    Amused
  • 0

    Sad
  • 1

    Frustrated
  • 0

    Angry

Comments:

0 comments

Write the first review for this !