ಹ್ಯಾಕರ್‌ಗಳಿಂದ ದುರ್ಬಳಕೆ: ಆ್ಯಪಲ್ ಬಳಕೆದಾರರಿಗೆ ಸಿಇಆರ್‌ಟಿ ಎಚ್ಚರಿಕೆ

‘ಮೊಬೈಲ್‌ನ ಆ್ಯಪ್‌ ಹಾಗೂ ವೆಬ್‌ ಬ್ರೌಸರ್‌ ನಡುವೆ ಸಂವಹನಕ್ಕೆ ನೆರವಾಗುವ ವೆಬ್‌ಆರ್‌ಟಿಸಿಯಲ್ಲಿ ಇರುವ ತಂತ್ರಾಂಶದಲ್ಲಿನ ಲೋಪವೊಂದರ ಕಾರಣದಿಂದಾಗಿ ಈ ದುರ್ಬಳಕೆಯ ಸಾಧ್ಯತೆ ಇದೆ. ಹ್ಯಾಕರ್‌ಗಳು ದುರ್ಬಳಕೆ ಮಾಡಿಕೊಳ್ಳುವುದರಲ್ಲಿ ಯಶಸ್ಸು ಕಂಡಲ್ಲಿ, ಉದ್ದೇಶಿತ ಸ್ಮಾರ್ಟ್‌ ಸಾಧನಗಳಲ್ಲಿ ತಮ್ಮಿಚ್ಛೆಯ ಕೋಡ್‌ ಕೆಲಸ ಮಾಡುವಂತೆ ಅವರು ಮಾಡಬಲ್ಲರು’ ಎಂದು ಸಿಇಆರ್‌ಡಿ–ಇನ್ ಹೇಳಿದೆ. 

ಲೋಪವನ್ನು ಬಳಸಿಕೊಂಡು ಹ್ಯಾಕರ್‌ಗಳು, ಸ್ಮಾರ್ಟ್‌ ಸಾಧನದ ಬಳಕೆದಾರರು ನಿರ್ದಿಷ್ಟ ಲಿಂಕ್‌ ಮೇಲೆ ಕ್ಲಿಕ್‌ ಮಾಡುವಂತೆ ವಂಚಿಸಬಲ್ಲರು. ಆ ಮೂಲಕ ಅವರು ಸ್ಮಾರ್ಟ್‌ ಸಾಧನದ ಮೇಲೆ ದೂರದಿಂದಲೇ ನಿಯಂತ್ರಣ ಸಾಧಿಸಬಲ್ಲರು. ಐಫೋನ್‌ ಎಕ್ಸ್‌ಎಸ್‌, ಐಪ್ಯಾಡ್ ಪ್ರೊ (12.9 ಇಂಚು, 10.5 ಇಂಚು, 11 ಇಂಚು ಮಾದರಿಗಳು), ಐಪ್ಯಾಡ್ ಏರ್, ಐಪ್ಯಾಡ್ ಮತ್ತು ಐಪ್ಯಾಡ್ ಮಿನಿ ಸಾಧನಗಳು ಐಒಎಸ್‌ ಹಾಗೂ ಐಪ್ಯಾಡ್‌ಒಎಸ್ 17.4.1 ಕಾರ್ಯಾಚರಣೆ ಆವೃತ್ತಿ ಅಥವಾ ಅದಕ್ಕೂ ಹಿಂದಿನ ಆವೃತ್ತಿಗಳನ್ನು ಹೊಂದಿದ್ದರೆ ಅವು ಈ ಅಪಾಯಕ್ಕೆ ತುತ್ತಾಗುವ ಸಾಧ್ಯತೆ ಹೆಚ್ಚಿದೆ. 

ಬಳಕೆದಾರರು ಸಾರ್ವಜನಿಕ ವೈ–ಫೈ ಸೌಲಭ್ಯ ಬಳಸಬಾರದು, ಯಾವುದೇ ಆ್ಯಪ್ ಅಥವಾ ತಂತ್ರಾಂಶ ಡೌನ್‌ಲೋಡ್ ಮಾಡಿಕೊಳ್ಳುವಾಗ ಎಚ್ಚರಿಕೆಯಿಂದ ಇರಬೇಕು ಎಂದು ಕೂಡ ಹೇಳಲಾಗಿದೆ.