ಗಡಿಗೆ ಸಂಬಂಧಿಸಿದಂತೆ ಲಡಾಖ್ನಲ್ಲಿ ಭಾರತ ಮತ್ತು ಚೀನಾ ನಡುವೆ ಇತ್ತೀಚೆಗೆ ಸಂಘರ್ಷ ಉಂಟಾಗಿತ್ತು. ಇದಾದ ನಂತರ, ದೇಶದ ಸಾರ್ವಭೌಮತ್ವ ಮತ್ತು ಸಮಗ್ರತೆಗೆ ಬೆದರಿಕೆಯೊಡ್ಡಬಹುದಾದ ಅಪಾಯದ ಹಿನ್ನೆಲೆಯಲ್ಲಿ ಚೀನಾ ಮೂಲದ 59 ಮೊಬೈಲ್ ಅಪ್ಲಿಕೇಷನ್ಗಳನ್ನು ಭಾರತ ಈಗಾಗಲೇ ನಿಷೇಧಿಸಿದೆ. ಇದರಲ್ಲಿ ಜನಪ್ರಿಯ ‘ಟಿಕ್ ಟಾಕ್’, ‘ಯುಸಿ ಬ್ರೌಸರ್’, ‘ಶಿಯೊಮಿ ಎಂಐ ಕಮ್ಯುನಿಟಿ’ ಆ್ಯಪ್ ಸೇರಿದಂತೆ ಚೀನಾ ಮೂಲದ ಹಲವು ಜನಪ್ರಿಯ ಆ್ಯಪ್ಗಳೂ ಇದ್ದವು. ಅದರ ಮುಂದುವರಿದ ಭಾಗವಾಗಿ ಬುಧವಾರ ಮತ್ತಷ್ಟು ಆ್ಯಪ್ಗಳು ನಿಷೇಧ ಶಿಕ್ಷೆಗೆ ಗುರಿಯಾಗಿರುವುದಾಗಿ ಸರ್ಕಾರದ ಮೂಲಗಳ ಮಾಹಿತಿ ಉಲ್ಲೇಖಿಸಿ ಸುದ್ದಿ ಸಂಸ್ಥೆ ರಾಯಿಟರ್ಸ್ ವರದಿ ಮಾಡಿದೆ.