ಬೆಂಗಳೂರು: ನೋಕಿಯಾ ಮೊಬೈಲ್ ಸರಣಿಯಲ್ಲಿ ಮಾರುಕಟ್ಟೆ ಪ್ರವೇಶಿಸಿರುವ ಹೊಸ ನೋಕಿಯಾ 105 4G ಫೋನ್ ಬೆಲೆ ವಿವರ ಬಹಿರಂಗವಾಗಿದೆ.
ನೋಕಿಯಾ ಫೀಚರ್ ಪೋನ್ 105 4G, ಎಫ್‌ಎಂ ರೇಡಿಯೊ, ಎಲ್‌ಇಡಿ ಟಾರ್ಚ್ ಹೊಂದಿದೆ. ಅಲ್ಲದೆ, 4G VoLTE ಬೆಂಬಲ ಕೂಡ ಇದ್ದು, ಚೀನಾದಲ್ಲಿ ಆಲಿಪೇ ಪಾವತಿ ವ್ಯವಸ್ಥೆಯನ್ನು ಕೂಡ ಬೆಂಬಲಿಸುತ್ತದೆ.
ನೋಕಿಯಾ ನೂತನ ಸರಣಿಯಲ್ಲಿ ಹೊಸದಾಗಿ 105 4G ಜತೆಗೆ, ನೋಕಿಯಾ 110 4G ಫೋನ್ ಅನ್ನು ಕೂಡ ಬಿಡುಗಡೆ ಮಾಡಿದೆ.
ಹೊಸ ನೋಕಿಯಾ 105 4G ಫೋನ್ ಚೀನಾದ ಮಾರುಕಟ್ಟೆಯಲ್ಲಿ ಜುಲೈ 5ರಿಂದ ದೊರೆಯಲಿದ್ದು, CNY 299 (ಅಂದಾಜು ₹2,600) ದರ ಹೊಂದಿದೆ. ಭಾರತದ ಮಾರುಕಟ್ಟೆಯಲ್ಲಿ ಬಿಡುಗಡೆ ದಿನಾಂಕ ಮತ್ತು ಬೆಲೆ ವಿವರವನ್ನು ನೋಕಿಯಾ ಪ್ರಕಟಿಸಿಲ್ಲ.
