ದೇಶದ ಮೊದಲ ಕೋವಿಡ್-19 ಹೋಮ್ ಟೆಸ್ಟ್ ಕಿಟ್: 10 ನಿಮಿಷದಲ್ಲೇ ಫಲಿತಾಂಶ!

"" . ಬೆಂಗಳೂರು: ಮನೆಯಲ್ಲೇ ಕೂತು ಕೋವಿಡ್-19 ಪರೀಕ್ಷೆ ಮಾಡಿಕೊಳ್ಳುವ ದೇಶದ ಮೊದಲ ಟೆಸ್ಟಿಂಗ್ ಕಿಟ್ನ್ನು ಬಯೋಟೆಕ್ ಸಂಸ್ಥೆಯಾದ ಬಯೋನ್ (Bione) ಅಭಿವೃದ್ಧಿ ಪಡಿಸಿದ್ದು, ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಕೊರೊನಾ ವೈರಸ್ ಪರೀಕ್ಷೆ ಮಾಡುವ ಸೌಲಭ್ಯಗಳು ಪ್ರಸ್ತುತ ಕಡಿಮೆ ಇರುವುದರಿಂದ ಜಗತ್ತಿನಾದ್ಯಂತ ಇಂಥ ಈ ನೂತನ ಟೆಸ್ಟಿಂಗ್ ಕಿಟ್ಗಳಿಗೆ ಬೇಡಿಕೆಯಿದೆ.

. ಕೊರೊನಾ ಸೋಂಕು ಪರೀಕ್ಷೆ ಮಾಡಿಸಿಕೊಳ್ಳಲು ಹೊರಗೆ ಹೋಗುವ ಅಗತ್ಯ ಇದರಿಂದ ತಪ್ಪಲಿದೆ. ತಾವೇ ಮನೆಯಲ್ಲಿಈ ಸಾಧನದ ಸಹಾಯದಿಂದ ಪರೀಕ್ಷೆ ಮಾಡಿಕೊಳ್ಳಬಹುದಾಗಿದೆ. ಒಂದು ವೇಳೆ ಪರೀಕ್ಷೆಯಲ್ಲಿ ಪಾಸಿಟಿವ್ ಎಂದು ಗೊತ್ತಾದರೆ, ಮನೆಯ ಸದಸ್ಯರಿಂದ ಅಂತರ ಕಾಯ್ದುಗೊಂಡು ಕೊರೊನಾ ಸಹಾಯವಾಣಿಗೆ ಮಾಹಿತಿ ನೀಡಬೇಕಾಗುತ್ತದೆ. ಇದರಿಂದಾಗಿ ಸೋಂಕು ಮತ್ತಷ್ಟು ಜನರಿಗೆ ಹರಡುವುದನ್ನು ತಡೆಯಬಹುದಾಗಿದೆ. ಈ ಟೆಸ್ಟ್ ಕಿಟ್ಗೆ ₹2,000 ದಿಂದ ₹3,000 ನಿಗದಿ ಪಡಿಸಲಾಗಿದೆ.

. ಸಂಸ್ಥೆಯ ಅಧಿಕೃತ ವೆಬ್ಸೈಟ್ (bione.in) ಮೂಲಕಈ ಸಾಧನವನ್ನು ಖರೀದಿಸಬಹುದಾಗಿದೆ. ಆರ್ಡರ್ ಮಾಡಿದ 2-3 ದಿನಗಳ ಒಳಗೆ ಈ ಟೆಸ್ಟಿಂಗ್ ಕಿಟ್ ಗ್ರಾಹಕರಿಗೆ ತಲುಪಲಿದೆ.

. 'ಕೋವಿಡ್-19ವಿರುದ್ಧ ಹೋರಾಡಲು ಭಾರತಕ್ಕೆ ಸಹಾಯ ಮಾಡಲು ಇದರ ಅಭಿವೃದ್ಧಿ. ಕೊರೊನಾ ವೈರಸ್ ವಿರುದ್ಧ ಕ್ರಾಂತಿಯನ್ನು ಮುನ್ನಡೆಸುವಲ್ಲಿ ಸರ್ಕಾರದ ಬೆಂಬಲ ಪ್ರಮುಖವಾದುದು ಎಂದು ನಾವು ಬಲವಾಗಿ ನಂಬುತ್ತೇವೆ' ಎಂದು ಬಯೋನ್ ಸಂಸ್ಥೆಯ ಸಿಇಒ ಡಾ.ಸುರೇಂದ್ರ ಚಿಕಾರಾ ಹೇಳಿದ್ದಾರೆ.

. ಕೋವಿಡ್-19 ಸ್ಕ್ರೀನಿಂಗ್ ಟೆಸ್ಟ್ ಕಿಟ್ IgG ಮತ್ತು IgM ಆಧಾರಿತ ಸಾಧನವಾಗಿದ್ದು, 5-10 ನಿಮಿಷದಲ್ಲಿ ಫಲಿತಾಂಶ ದೊರೆಯುತ್ತದೆ. ಕಿಟ್ ಸ್ವೀಕರಿಸಿದ ನಂತರ ಬಳಕೆದಾರರು ತಮ್ಮ ಬೆರಳನ್ನು ಆಲ್ಕೋಹಾಲ್ ಸ್ವ್ಯಾಬ್ನಿಂದ ಸ್ವಚ್ಚಗೊಳಿಸಬೇಕು ಮತ್ತು ಬೆರಳು ಚುಚ್ಚುವಿಕೆಗೆ ಒದಗಿಸಲಾದ ಲ್ಯಾನ್ಸೆಟ್ ಅನ್ನು ಬಳಸಬೇಕಾಗುತ್ತದೆ. ಹೀಗೆ ಪಡೆದ ರಕ್ತದ ಮಾದರಿಯ ಫಲಿತಾಂಶವುಕಾರ್ಟ್ರಿಡ್ಜ್ 5-10 ನಿಮಿಷದಲ್ಲಿ ತಿಳಿಸುತ್ತದೆ.

. ಎಲ್ಲ ಗುಣಮಟ್ಟದ ಪರೀಕ್ಷೆಗಳ ನಂತರವೇ ಈ ಸಾಧವನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸಲಾಗಿದ್ದು, ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯಿಂದ (ಐಸಿಎಂಆರ್) ಅನುಮೋದನೆ ದೊರೆತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೇಶದ ಮೊದಲ ಕೋವಿಡ್-19 ಹೋಮ್ ಟೆಸ್ಟ್ ಕಿಟ್: 10 ನಿಮಿಷದಲ್ಲೇ ಫಲಿತಾಂಶ!

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ