ಟಿಟನೊಸಾರಸ್‌ನ 90ಕ್ಕೂ ಅಧಿಕ ಗೂಡುಗಳ ತಾಣ ಪತ್ತೆ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ (ಪಿಟಿಐ): ಟಿಟನೊಸಾರಸ್‌ಗಳಿಗೆ (ಅತ್ಯಂತ ದೊಡ್ಡ ಡೈನೋಸಾರ್‌ ಸಂತತಿ) ಸಂಬಂಧಿಸಿದ 92 ಗೂಡುಕಟ್ಟುವ ತಾಣಗಳು ಹಾಗೂ ಆ ಸ್ಥಳಗಳಲ್ಲಿದ್ದ ಅವುಗಳ 256 ಮೊಟ್ಟೆಯ ಪಳೆಯುಳಿಕೆಗಳನ್ನು ಮಧ್ಯಪ್ರದೇಶದ ಧಾರ್‌ ಜಿಲ್ಲೆಯ ನರ್ಮದಾ ಕಣಿವೆಯಲ್ಲಿ ಸಂಶೋಧಕರು ಕೆಲದಿನಗಳ ಹಿಂದೆ ಪತ್ತೆ ಹಚ್ಚಿದ್ದಾರೆ.
‘ಪ್ಲಸ್‌ ಒನ್‌’ ನಿಯತಕಾಲಿಕೆಯಲ್ಲಿ ಈ ಕುರಿತ ಮಾಹಿತಿ ಪ್ರಕಟಿಸಲಾಗಿದೆ. ಭಾರತದ ಉಪಖಂಡದಲ್ಲಿ ಟಿಟನೊಸಾರಸ್‌ಗಳು ದೊಡ್ಡ ಸಂಖ್ಯೆಯಲ್ಲಿ ನೆಲೆಸಿದ್ದವು ಎಂಬುದು ಇದರಿಂದ ಬಹಿರಂಗವಾಗಿದೆ.
‘ಈ ಪ್ರದೇಶದಲ್ಲಿ ಒಟ್ಟು ಆರು ಬಗೆಯ ಮೊಟ್ಟೆಯ ಪಳೆಯುಳಿಕೆಗಳು ಪತ್ತೆಯಾಗಿವೆ. ಟಿಟನೊಸಾರಸ್‌ಗಳು ಮೊಸಳೆಗಳ ಹಾಗೆ ಆಳವಿಲ್ಲದ ಹೊಂಡಗಳಲ್ಲಿ ತಮ್ಮ ಮೊಟ್ಟೆಗಳನ್ನು ಅಡಗಿಸಿಡುತ್ತಿದ್ದವು ಎಂಬುದು ಗೂಡುಗಳ ವಿನ್ಯಾಸದ ಅಧ್ಯಯನದಿಂದ ತಿಳಿದು ಬಂದಿದೆ’ ಎಂದು ಸಂಶೋಧಕರು ಹೇಳಿದ್ದಾರೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
