ನವದೆಹಲಿ: ಕಂಪನಿಯ ಸೂಕ್ಷ್ಮ ಮಾಹಿತಿ, ಆಂತರಿಕ ಇ ಮೇಲ್ ಸಂವಹನ ಮತ್ತು ಇತರ ಯಾವುದೇ ದಾಖಲೆಗಳನ್ನು ಮಾಧ್ಯಮಗಳಿಗೆ ಮತ್ತು ಇತರ ಮೂಲಗಳಿಗೆ ಸೋರಿಕೆ ಮಾಡುವ ಉದ್ಯೋಗಿಗಳ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳುವುದಾಗಿ ಟ್ವಿಟರ್ ಕಂಪನಿ ಮುಖ್ಯಸ್ಥ ಇಲಾನ್ ಮಸ್ಕ್ ಹೇಳಿದ್ದಾರೆ.
ಉದ್ಯೋಗಿಗಳಿಗೆ ಈ ಬಗ್ಗೆ ಇಲಾನ್ ಮಸ್ಕ್ ಕಳುಹಿಸಿರುವ ಇ ಮೇಲ್ ತಮಗೆ ಲಭ್ಯವಾಗಿದೆ ಎಂದು ಝೋ ಶಿಫರ್ ಹೇಳಿದ್ದಾರೆ.
ಕಂಪನಿಯ ಆಂತರಿಕ ಮಾಹಿತಿಯನ್ನು ಸೋರಿಕೆ ಮಾಡದಂತೆ ನಿರ್ಬಂಧಗಳಿವೆ. ಅವುಗಳು ಎಲ್ಲಿಯಾದರೂ ಸೋರಿಕೆಯಾದರೆ, ಅಂತಹ ವ್ಯಕ್ತಿಗಳ ವಿರುದ್ಧ ಅಗತ್ಯ ಕ್ರಮ ಕೈಗೊಳ್ಳಲು ಮಸ್ಕ್ ಸೂಚಿಸಿದ್ದಾರೆ ಎಂದು ಝೋ ಟ್ವೀಟ್ ಮಾಡಿದ್ದಾರೆ.
NEW: Elon Musk is threatening to sue Twitter employees who leak confidential information to the press. He's asking staffers to sign a pledge indicating they've understood. Here's the email:
ಟ್ವಿಟರ್ ಕಂಪನಿಗೆ ಹಾನಿ ಮಾಡುವಂತಹ ಯಾವುದೇ ರೀತಿಯ ಮಾಹಿತಿ, ಇ ಮೇಲ್ ಸೋರಿಕೆಯಾದರೂ, ಅದನ್ನು ಪತ್ತೆಹಚ್ಚಿ, ಅಂತಹ ಉದ್ಯೋಗಿಯ ವಿರುದ್ಧ ಸಂಬಂಧಿತ ಕ್ರಮವನ್ನು ಕೈಗೊಳ್ಳಲು ಸಂಸ್ಥೆ ಮುಂದಾಗಿದೆ.