ಆ್ಯಪಲ್‌ನ ಹೊಸ ಆಪರೇಟಿಂಗ್‌ ಸಿಸ್ಟಂ ಐಒಎಸ್-14 (iOS 14), ಐಪಾಡ್‌ಒಎಸ್–14 (14 iPadOS) ಬಿಡುಗಡೆಯಾಗಿದ್ದು ಬಳಕೆಗೆ ಲಭ್ಯವಿದೆ. ಇದೀಗ ಐಫೋನ್ ಬಳಕೆದಾರರೂ ಆಂಡ್ರಾಯ್ಡ್ ಸಾಧನಗಳಲ್ಲಿನ ಸೌಕರ್ಯಗಳನ್ನು ಹೋಲುವ ವೈಶಿಷ್ಟ್ಯಗಳನ್ನೊಳಗೊಂಡ ಐಒಎಸ್-14 ಅನ್ನು ಇನ್‌ಸ್ಟಾಲ್ ಮಾಡಿಕೊಳ್ಳಬಹುದಾಗಿದೆ.
ಹೋಂ ಸ್ಕ್ರೀನ್‌ನಲ್ಲಿ ಆ್ಯಪ್‌ಗಳನ್ನು ಬೇಕಾದ ಕಡೆ ಸರಿಸುವುದು, ಆ್ಯಪ್‌ಗಳನ್ನು ಒಟ್ಟು ಸೇರಿಸಿ ಪ್ರತ್ಯೇಕ ಗುಂಪು ರಚಿಸುವುದೂ ಸೇರಿದಂತೆ ಹಲವು ಆಯ್ಕೆಗಳುಳ್ಳ ಐಒಎಸ್-14 ಬಿಡುಗಡೆ ಮಾಡುವ ಬಗ್ಗೆ ಜೂನ್‌ನಲ್ಲಿ ನಡೆದ ವಾರ್ಷಿಕ ಡೆವಲಪರ್ಸ್ ಸಮಾವೇಶದಲ್ಲಿ (WWDC 2020) ಆ್ಯಪಲ್ ಘೋಷಿಸಿತ್ತು.
ಕಳೆದ ವರ್ಷ ಐಒಎಸ್-13 ಅನ್ನು ಬಿಡುಗಡೆ ಮಾಡಿದ್ದ ಆ್ಯಪಲ್, ಇದು ಐಫೋನ್ 6ಎಸ್‌, ಐಫೋನ್ ಎಸ್‌ಇ(2016) ಮತ್ತು ಹೊಸ ಮಾದರಿಯ ಡಿವೈಸ್‌ಗಳಲ್ಲಿ ಮಾತ್ರ ಕಾರ್ಯನಿರ್ವಹಿಸಲಿದೆ ಎಂದು ಹೇಳಿತ್ತು. ಹಾಗಿದ್ದರೆ, ಈಗ ಹೊಸ ಐಒಎಸ್-14 ಅಪ್‌ಡೇಟ್ ಯಾವೆಲ್ಲ ಡಿವೈಸ್‌ಗಳಿಗೆ ಲಭ್ಯ? ಇಲ್ಲಿದೆ ಮಾಹಿತಿ:
