ಮಂಗಳವಾರ, ಮೇ 26, 2020
27 °C
ಸೈಬರ್ ಭದ್ರತಾ ಏಜೆನ್ಸಿಯಿಂದ ಮನವಿ

ಕೋವಿಡ್–19 ಪಿಎಂ-ಕೇರ್ಸ್: ದೇಣಿಗೆ ನೀಡುವ ಮುನ್ನ ನಕಲಿ ಯುಪಿಐ ಐಡಿಗಳ ಬಗ್ಗೆ ಎಚ್ಚರ

ಪಿಟಿಐ Updated:

ಅಕ್ಷರ ಗಾತ್ರ : | |

Cyber security

ನವದೆಹಲಿ: ಕೊರೊನಾ ವೈರಸ್ ಸೋಂಕಿನ (ಕೋವಿಡ್–19) ವಿರುದ್ಧದ ಹೋರಾಟಕ್ಕಾಗಿ ಪ್ರಧಾನಿ ನರೇಂದ್ರ ಮೋದಿ ಆರಂಭಿಸಿರುವ ಪಿಎಂ-ಕೇರ್ಸ್ ನಿಧಿಯ ಹೆಸರಿನಲ್ಲಿ ನಕಲಿ ಯುಪಿಐ ಐಡಿಗಳು ಸೃಷ್ಟಿಯಾಗಿರುವ ಬಗ್ಗೆ ಎಚ್ಚರಿಕೆ ವಹಿಸುವಂತೆ ದಾನಿಗಳಿಗೆ ಸೈಬರ್ ಭದ್ರತಾ ಏಜೆನ್ಸಿ ಸೂಚಿಸಿದೆ.

ಕೆಲವು ನಕಲಿ ಯುಪಿಐ ಐಡಿಗಳನ್ನು ಪತ್ತೆಹಚ್ಚಿರುವುದಾಗಿ ಸೈಬರ್ ಭದ್ರತಾ ಏಜೆನ್ಸಿ ‘ಇಂಡಿಯನ್ ಕಂಪ್ಯೂಟರ್ ಎಮರ್ಜೆನ್ಸಿ ರೆಸ್ಪಾನ್ಸ್ ಟೀಂ (ಸಿಇಆರ್‌ಟಿ–ಇನ್)’ ಶನಿವಾರ ಬಿಡುಗಡೆ ಮಾಡಿರುವ ಸಲಹಾಸೂಚಿಯಲ್ಲಿ ತಿಳಿಸಿದೆ.

ಸಿಇಆರ್‌ಟಿ–ಇನ್ ಪತ್ತೆಹಚ್ಚಿರುವ ನಕಲಿ ಯುಪಿಐ ಐಡಿಗಳು ಹೀಗಿವೆ:

pmcares@pnb

pmcares@hdfcbank

pmcare@yesbank

pmcare@ybl

pmcare@upi

pmcare@sbi

pmcares@icici

‘ಪಿಎಂ-ಕೇರ್ಸ್‌ನ ಅಧಿಕೃತ ಯುಪಿಐ ಐಡಿ pmcares@sbi ಎಂದೂ ನೋಂದಾಯಿತ ಖಾತೆಯ ಹೆಸರು PM CARES ಎಂದೂ ಸಿಇಆರ್‌ಟಿ–ಇನ್ ತಿಳಿಸಿದೆ. ಜನರು ಪಿಎಂ-ಕೇರ್ಸ್‌ಗೆ ಪಾವತಿ ಮಾಡುವ ಮುನ್ನ ಯುಪಿಐ ಐಡಿ ಮತ್ತು ನೋಂದಾಯಿತ ಹೆಸರನ್ನು ವೆರಿಫೈ ಮಾಡಿಕೊಳ್ಳುವಂತೆಯೂ ಅದು ಮನವಿ ಮಾಡಿದೆ.

ಪಿಎಂ-ಕೇರ್ಸ್‌ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ದೇಣಿಗೆ ನೀಡುವವರು ಮತ್ತು ಸಂಘಟನೆಗಳು pmindia.gov.in ವೆಬ್‌ಸೈಟ್‌ಗೆ ಭೇಟಿ ನೀಡುವಂತೆ ಸಲಹೆ ನೀಡಲಾಗಿದೆ.

ಮಾರ್ಚ್ 28ರಂದು ಮೋದಿಯವರು ಪಿಎಂ-ಕೇರ್ಸ್‌ ನಿಧಿ ಆರಂಭಿಸಿದ್ದು, ಈಗಾಗಲೇ ಕೋಟ್ಯಂತರ ರೂಪಾಯಿ ದೇಣಿಗೆ ಸಂಗ್ರಹವಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು