ಬೆಂಗಳೂರು: ಮೈಕ್ರೋಸಾಫ್ಟ್‌ನ ಅಝ್ಯುರ್ ಬಗ್ ಬೌಂಟಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ದೆಹಲಿ ಮೂಲದ ಯುವತಿ ₹22 ಲಕ್ಷ ಬಹುಮಾನ ಪಡೆದಿದ್ದಾರೆ.
ಅದಿತಿ ಸಿಂಗ್ (20) ಸೈಬರ್ ಭದ್ರತೆ ಮತ್ತು ರಕ್ಷಣೆ ಕುರಿತು ಆಸಕ್ತಿ ಹೊಂದಿದ್ದು, ವಿವಿಧ ಟೆಕ್ ಕಂಪನಿಗಳ ಅಪ್ಲಿಕೇಶನ್‌ಗಳಲ್ಲಿ, ಸಾಫ್ಟ್‌ವೇರ್‌ಗಳಲ್ಲಿ ಇರುವ ತೊಂದರೆಯನ್ನು ಕಂಡುಹಿಡಿಯಲು ಯತ್ನಿಸುತ್ತಿರುತ್ತಾರೆ.
ಅದರಂತೆ, ಮೈಕ್ರೋಸಾಫ್ಟ್‌ನ ಅಝ್ಯುರ್ ಕ್ಲೌಡ್ ವ್ಯವಸ್ಥೆಯಲ್ಲಿ ‘ರಿಮೋಟ್ ಕೋಡ್ ಎಕ್ಸೆಕ್ಯುಶನ್’ ಎಂಬ ದೋಷವನ್ನು ಅದಿತಿ ಸಿಂಗ್ ಪತ್ತೆ ಮಾಡಿದ್ದಾರೆ. ನಂತರ ಅದನ್ನು ಮೈಕ್ರೋಸಾಫ್ಟ್ ಗಮನಕ್ಕೆ ತಂದಿದ್ದಾರೆ.
ಮೈಕ್ರೋಸಾಫ್ಟ್ ಆ ತೊಂದರೆಯನ್ನು ಪರಿಶೀಲಿಸಿ ಸರಿಪಡಿಸಿದೆ. ಅಲ್ಲದೆ, ಬಗ್ ಬೌಂಟಿ ಕಾರ್ಯಕ್ರಮದಡಿಯಲ್ಲಿ ಅದಿತಿಗೆ $30,000 (ಅಂದಾಜು ₹22 ಲಕ್ಷ) ಬಹುಮಾನ ನೀಡಿದೆ.
ಹಲವು ಮಂದಿ ಟೆಕ್ಕಿಗಳು ವಿವಿಧ ಬಗ್ ಬೌಂಟಿಯಲ್ಲಿ ಭಾಗವಹಿಸಿ, ಕಂಪನಿಗಳಿಂದ ದೊಡ್ಡ ಮೊತ್ತದ ಬಹುಮಾನ ಪಡೆಯುತ್ತಾರೆ.
