Google Meet: ಮೀಟಿಂಗ್‌ಗೆ ಮೊದಲೇ ವಿಡಿಯೊ, ಆಡಿಯೋ ಗುಣಮಟ್ಟ ಪರಿಶೀಲಿಸಿ!
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಕೋವಿಡ್ 19 ಸಾಂಕ್ರಾಮಿಕದ ಬಳಿಕ ವಿವಿಧ ಕ್ಷೇತ್ರಗಳಲ್ಲಿ ಸಾಕಷ್ಟು ಬದಲಾವಣೆಗಳಾಗಿವೆ. ಅದರಲ್ಲೂ, ಮನೆಯಿಂದಲೇ ಕಚೇರಿ ಕೆಲಸ, ಆನ್ಲೈನ್ ತರಗತಿ ಹೀಗೆ ವಿವಿಧ ಅಗತ್ಯಕ್ಕೆ ತಕ್ಕಂತೆ ವಿಡಿಯೊ ಕಾನ್ಫರೆನ್ಸ್ ಬಳಕೆ ಮಾಡಲಾಗುತ್ತದೆ. ಆದರೆ, ವಿಡಿಯೊ ಮೀಟಿಂಗ್, ತರಗತಿಯಲ್ಲಿ ಕೆಲವೊಮ್ಮೆ ವಿಡಿಯೊ ಮತ್ತು ಆಡಿಯೊ ಸಮಸ್ಯೆಯಾಗುವುದು ಇದೆ. ಅದಕ್ಕಾಗಿಯೇ ಗೂಗಲ್ ಮೀಟ್, ಮೀಟಿಂಗ್‌ಗೂ ಮೊದಲು ವಿಡಿಯೊ ಮತ್ತು ಆಡಿಯೊ ಗುಣಮಟ್ಟ ಪರಿಶೀಲಿಸುವ ಆಯ್ಕೆ ನೀಡುತ್ತಿದೆ.
ವಿಡಿಯೊ, ಆಡಿಯೊ ಪರಿಶೀಲಿಸಿ..
ಗೂಗಲ್ ಮೀಟ್ ತೆರೆದ ಬಳಿಕ, ಮೀಟಿಂಗ್ ಸೇರಿಕೊಳ್ಳುವ ಮೊದಲು, ಅಲ್ಲಿ ನೀವು ನಿಮ್ಮ ಇಂಟರ್‌ನೆಟ್ ಸಂಪರ್ಕ ಮತ್ತು ಪರಿಸರಕ್ಕೆ ಅನುಗುಣವಾಗಿ, ವಿಡಿಯೊ ಮತ್ತು ಆಡಿಯೊ ಗುಣಮಟ್ಟ ಪರಿಶೀಲಿಸಬಹುದು. ಮೀಟಿಂಗ್ ಆರಂಭಕ್ಕೂ ಮೊದಲೇ ನಿಮಗೆ ವಿಡಿಯೊ ಹಾಗೂ ಆಡಿಯೊ ಗುಣಮಟ್ಟ ತಿಳಿಯುವುದರಿಂದ, ಮತ್ತೆ ಸಮಸ್ಯೆ ಎದುರಿಸಬೇಕಾಗಿಲ್ಲ.
ಪರಿಶೀಲನೆ ಹೇಗೆ?
ಗೂಗಲ್ ಮೀಟ್ ತೆರೆದು, ಮೀಟಿಂಗ್ ಕೋಡ್ ನಮೂದಿಸಿ, ಮೀಟಿಂಗ್ ಆರಂಭಕ್ಕೂ ಮೊದಲೇ ತೆರೆದುಕೊಳ್ಳುವ ಪೇಜ್‌ನಲ್ಲಿ ಚೆಕ್ ಯುವರ್ ಆಡಿಯೊ ಮತ್ತು ವಿಡಿಯೊ ಎಂದಿರುವಲ್ಲಿ ಕ್ಲಿಕ್ ಮಾಡಿ. ಬಳಿಕ, ಅಲ್ಲಿ ನಿಮಗೆ ನಿಮ್ಮ ಗೂಗಲ್ ಮೀಟ್, ವಿಡಿಯೊ ಮತ್ತು ಆಡಿಯೊ ಗುಣಮಟ್ಟ ಲಭ್ಯವಾಗುತ್ತಿದೆ.
ಇದನ್ನೂ ಓದಿ: ವಿಂಡೋಸ್, ಮ್ಯಾಕ್ ಕಂಪ್ಯೂಟರುಗಳಲ್ಲಿ ಸ್ಕ್ರೀನ್ ರೆಕಾರ್ಡ್ ಮಾಡುವುದು ಹೇಗೆ?
ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
