ಬೆಂಗಳೂರು: ಈ ಕಾಮರ್ಸ್ ದೈತ್ಯ ಫ್ಲಿಪ್ಕಾರ್ಟ್ ನಾಳೆಯಿಂದ (ಅ.8) ತನ್ನ ಬಿಗ್ ಬಿಲಿಯನ್ ಡೇಸ್ ಸೇಲ್‌ ಅನ್ನು ಆರಂಭಿಸಲಿದೆ. ಈಗಾಗಲೇ ಇದಕ್ಕೆ ಸಾಕಷ್ಟು ತಯಾರಿಯನ್ನು ಮಾಡಿಕೊಂಡಿದೆ.
ಸಾಕಷ್ಟು ಆಕರ್ಷಕ ಜಾಹೀರಾತುಗಳೊಡನೆ ಈ ಸಾರಿ ಫ್ಲಿಪ್ಕಾರ್ಟ್ ಬಿಬಿಡಿ ಅನ್ನು ದಾಖಲೆ ಮಾಡಲು ಎದುರು ನೋಡುತ್ತಿದೆ.
ಅತ್ತ ಮುಂಬೈ ಗೇಟ್‌ವೇ ಬೀದಿ ಸೇರಿದಂತೆ ಕೆಲ ಬೀದಿಗಳಲ್ಲಿ ಫ್ಲಿಪ್ಕಾರ್ಟ್ ವಾಹನವೊಂದು ₹ 2000 ನೋಟುಗಳನ್ನು ಗಾಳಿಯಲ್ಲಿ ಮಳೆ ಸುರಿಸಿದಂತೆ ಸುರಿಸಿದೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಓಡಾಡುತ್ತಿದೆ.
ಈ ಬಗ್ಗೆ ಹಲವರು ಏನಾಗುತ್ತಿದೆ? ಮುಂಬೈ ಬೀದಿಯಲ್ಲಿ ಎಂದು ಪ್ರಶ್ನಿಸಿದ್ದಾರೆ. ಬಿಬಿಡಿ ಪ್ರಚಾರ್ಥವಾಗಿ ಫ್ಲಿಪ್ಕಾರ್ಟ್ ಈ ರೀತಿ ಮಾಡಿತೇ? ಅಥವಾ ಆಕಸ್ಮಿಕವೇ? ಎಂದು ಹಲವರು ಚರ್ಚಿಸುತ್ತಿದ್ದಾರೆ.
ಈ ಬಗ್ಗೆ ವಿಡಿಯೊ ಹಂಚಿಕೊಂಡಿರುವ ಫ್ಲಿಪ್ಕಾರ್ಟ್, ನಿಮ್ಮ ಪ್ರಶ್ನೆಗಳ ಮಹಾಪೂರಕ್ಕೆ ನಮ್ಮ ಇನ್‌ಬಾಕ್ಸ್ ತುಂಬಿದೆ. ಸದ್ಯದಲ್ಲೇ ಈ ಬಗ್ಗೆ ಸ್ಪಷ್ಟನೆ ನೀಡಲಿದ್ದೇವೆ ಎಂದು ತಿಳಿಸಿದೆ.
ಫ್ಲಿಪ್ಕಾರ್ಟ್ ಬಿಗ್ ಬಿಲಿಯನ್ ಡೇಸ್ ಸೇಲ್‌ ಅಭಿಯಾನ ಅಕ್ಟೋಬರ್ 8 ರಿಂದ 15ರವರೆಗೆ ನಡೆಯಲಿದೆ.
