ಕೆಲ ದಿನಗಳ ಹಿಂದಷ್ಟೇ ನೂರು ದಿನಗಳನ್ನು ಪೂರೈಸಿ ಸಂಭ್ರಮದಲ್ಲಿರೋ ಕಾಂತಾರ ಚಿತ್ರತಂಡಕ್ಕೀಗ ಮತ್ತೊಂದು ಸಿಹಿ ಸುದ್ದಿ ದೊರಕಿದೆ. ದಿ ಅಕಾಡೆಮಿ ಆಫ್‌ ಮೋಷನ್‌ ಪಿಕ್ಚರ್‌ ಆರ್ಟ್ಸ್‌ ಆ್ಯಂಡ್‌ ಸೈನ್ಸಸ್‌ 95ನೇ ಆಸ್ಕರ್‌ ಪ್ರಶಸ್ತಿಯ ರಿಮೈಂಡರ್‌ ಲಿಸ್ಟ್‌ ರಿಲೀಸ್‌ ಮಾಡಿದೆ. ಕನ್ನಡದ ಎರಡು ಸಿನಿಮಾಗಳು ಈ ಪಟ್ಟಿಯಲ್ಲಿರುವುದು ವಿಶೇಷ. ರಿಷಬ್‌ ಶೆಟ್ಟಿ ನಟನೆಯ ‘ಕಾಂತಾರ’ ಹಾಗೂ ಕಿಚ್ಚ ಸುದೀಪ್‌ ನಟನೆಯ ‘ವಿಕ್ರಾಂತ್ ರೋಣ’ ಈಗ ಅಧಿಕೃತವಾಗಿ ವಿವಿಧ ವಿಭಾಗಗಳ ಆಸ್ಕರ್‌ ಪ್ರಶಸ್ತಿಯ ಅರ್ಹತಾ ಪಟ್ಟಿಗೆ ಸೇರ್ಪಡೆಯಾಗಿವೆ.
