Menstrual Tips: ಶುಚಿ ಕಾಳಜಿಯ ಆ ದಿನಗಳಿಗೆ ಆಯ್ಕೆಗಳು ಹಲವು

ಭಾರತದಲ್ಲಿ ಶೇ 76.15 ಮಹಿಳೆಯರು ಮುಟ್ಟಿನ ಸಮಯದಲ್ಲಿ ನೈರ್ಮಲ್ಯ ಉತ್ಪನ್ನಗಳನ್ನು ಬಳಕೆ ಮಾಡುತ್ತಾರೆ ಎಂದು ಸಂಶೋಧನಾ ವರದಿಯೊಂದು ತಿಳಿಸಿದೆ. ನಗರ ಪ್ರದೇಶಗಳಿಗಿಂತ (ಶೇ 89.37) ಗ್ರಾಮೀಣ ಪ್ರದೇಶದಲ್ಲಿ ನೈರ್ಮಲ್ಯ ಉತ್ಪನ್ನಗಳ ಬಳಕೆ (ಶೇ 72.32) ಕಡಿಮೆಯಿದೆ ಎಂದು ಅದು ತಿಳಿಸಿದೆ.

ಸ್ಯಾನಿಟರಿ ಪ್ಯಾಡ್‌, ಕಪ್‌ಗಳ ಬಳಕೆ ಹೆಚ್ಚಿದ್ದು, ಮರುಬಳಕೆ ಮಾಡಬಹುದಾದ ಪ್ಯಾಡ್‌ಗಳು ಮತ್ತು ಹೊಸದಾಗಿ ಬರುತ್ತಿರುವ ಪಿರಿಯಡ್ ಪ್ಯಾಂಟಿಸ್‌ಗಳನ್ನು ಕೂಡ ಬಳಸುತ್ತಿದ್ದಾರೆ. ಭಾರತಕ್ಕಿಂತ ವಿದೇಶಗಳಲ್ಲಿ ಟ್ಯಾಂಪೂನ್‌ ಮತ್ತು ಡಿಸ್ಕ್‌ಗಳ ಬಳಕೆ ಹೆಚ್ಚಿದೆ. ಸ್ವಚ್ಛವಾದ ಬಟ್ಟೆ ಕೂಡ ಒಂದು ಉತ್ತಮ ಆಯ್ಕೆಯಾಗಿದೆ. ಹರಿವಿನ ಮಟ್ಟ, ಕಂಫರ್ಟ್ ಪರಿಗಣಿಸಿ ನಿಮಗೆ ಹೊಂದುವ ಸೂಕ್ತ ಉತ್ಪನ್ನವನ್ನು ಆಯ್ಕೆ ಮಾಡಿ. ಉತ್ಪನ್ನದ ಬಳಕೆ ಯಾವುದೇ ಆದರೂ ನೈರ್ಮಲ್ಯದ ಕಡೆ ಹೆಚ್ಚು ಒತ್ತು ನೀಡುವುದು ಅವಶ್ಯಕ. ನಿಗದಿತ ಸಮಯಕ್ಕೆ ಅವುಗಳನ್ನು ಬದಲಾಯಿಸುವುದು ಸೇರಿದಂತೆ ಸ್ವಚ್ಛತೆಗೆ ಆದ್ಯತೆ ನೀಡುವುದರಿಂದ ಇತರೆ ಅಡ್ಡಪರಿಣಾಮಗಳಿಂದ ದೂರವಿರಬಹುದು.