ಯೋಗಾಯೋಗ: ಮಹಿಳೆಯರಿಗೆ ನೆರವಾಗಬಲ್ಲ ಯೋಗಾಸನಗಳ ಬಗ್ಗೆ ಮಾಹಿತಿ

ವೃತ್ತಿ ಬದುಕು, ಮನೆ, ಗಂಡ– ಮಕ್ಕಳ ಪ್ರಪಂಚದಲ್ಲೇ ಮುಳುಗೇಳುವ ಎಷ್ಟೋ ಮಹಿಳೆಯರಿಗೆ ತಮ್ಮ ಬಗ್ಗೆ ಯೋಚಿಸಲೂ ಪುರಸತ್ತಿರದು. ಇದನ್ನು ‘ಸಂತರ ಕಾಯಿಲೆ’ ಎಂದು ಕುಹಕವಾಡುವವರೂ ಇಲ್ಲದಿಲ್ಲ. ತಮಗಾಗಿ ಒಂದಷ್ಟು ಸಮಯ ಕೊಟ್ಟುಕೊಂಡು, ತಮ್ಮ ಸ್ವಾಸ್ಥ್ಯದ ಬಗ್ಗೆ ಲ‌ಕ್ಷ್ಯ ವಹಿಸದಿದ್ದರೆ, ಮುಂದೆ ಸಮಯದ ಜೊತೆಗೆ ಚಿಕಿತ್ಸೆಗಾಗಿ ಹಣವನ್ನೂ ತೆರಬೇಕಾಗುತ್ತದೆ ಎಂಬ ಕಟು ಎಚ್ಚರ ಇರಲೇಬೇಕಾಗುತ್ತದೆ. ಸ್ತ್ರೀಯರನ್ನು ಕಾಡುವ ಹಲವು ದೈಹಿಕ–ಮಾನಸಿಕ ಕಾಯಿಲೆಗಳಿಗೆ ಮದ್ದಾಗಬಲ್ಲ ಯೋಗದ ಮಹತ್ವವನ್ನು ಅಂತರರಾಷ್ಟ್ರೀಯ ಯೋಗ ದಿನಾಚರಣೆಯ ಈ ದಿನ (ಜೂನ್‌ 21) ನಮಗೆ ಮನಗಾಣಿಸುತ್ತದೆ. ದೇಹ, ಮನಸ್ಸು ಮತ್ತು ಭಾವನೆಗಳ ಮೇಲೆ ನಿಯಂತ್ರಣ ಸಾಧಿಸಲು ನೆರವಾಗುವ ವಿವಿಧ ಯೋಗಾಸನಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ ಸ್ತ್ರೀರೋಗ ತಜ್ಞೆ ಡಾ. ವೀಣಾ ಭಟ್‌ ಮತ್ತು ಯೋಗ ಶಿಕ್ಷಕಿ ಮಂಜುಳಾ ಶಶಿಧರ್‌ ಕುಬಸದ

ಯೋಗಾಭ್ಯಾಸವನ್ನು ಯೋಗ ತಜ್ಞರ ಮೂಲಕವೇ ಕಲಿಯಬೇಕು. ಉಸಿರಾಟದ ಗತಿಯ ಜೊತೆಗೆ ನಿರಂತರವಾಗಿ ಮಾಡುವುದರಿಂದ ಹೆಚ್ಚಿನ ಪ್ರಯೋಜನ.

ಇಂದು ಹೆಚ್ಚಿನ ಮಹಿಳೆಯರು ರಕ್ತಹೀನತೆಯಿಂದ ಬಳಲುತ್ತಿರುತ್ತಾರೆ. ರಕ್ತಹೀನತೆ ಸರಿಪಡಿಸಿಕೊಳ್ಳದ ವಿನಾ ಪ್ರಾಣಾಯಾಮದ ಪ್ರಯೋಜನ ದಕ್ಕದು