ಶಾನ್ಡೊಂಗ್ ಪ್ರಾಂತ್ಯದ ಕಿಕ್ಸಿಯಾ ನಗರದದಲ್ಲಿ ಭಾಗಶಃ ನಿರ್ಮಿಸಲಾದ ಚಿನ್ನದ ಗಣಿಯಲ್ಲಿ ಜ.10ರಂದು ಸ್ಫೋಟ ನಡೆದಿತ್ತು. ಈ ಸಂದರ್ಭದಲ್ಲಿ 22 ಗಣಿ ಕಾರ್ಮಿಕರು ಭೂಗರ್ಭದಲ್ಲಿ ಸಿಲುಕಿದ್ದರು. ರಕ್ಷಣಾಧಿಕಾರಿಗಳು ಎಲ್ಲಾ ಕಾರ್ಮಿಕರನ್ನು ರಕ್ಷಿಸಲು ಕಾರ್ಯಾಚರಣೆ ಕೈಗೊಂಡಿದ್ದು, ಭಾನುವಾರ ಬೆಳಿಗ್ಗೆ ಇಬ್ಬರು ಕಾರ್ಮಿಕರನ್ನು ಹೊರತೆಗೆದಿದ್ದಾರೆ. ಇದುವರೆಗೆ ಒಟ್ಟು 11 ಕಾರ್ಮಿಕರನ್ನು ರಕ್ಷಿಸಲಾಗಿದ್ದು, ಉಳಿದವರ ರಕ್ಷಣೆಗೆ ಕಾರ್ಯಾಚರಣೆ ಮುಂದುವರಿದಿದೆ.