ವಾಷಿಂಗ್ಟನ್: ವಿದೇಶಿ ಉದ್ಯೋಗಿಗಳಿಗೆ ನೀಡುವ ಎಚ್–1ಬಿ ವೀಸಾ ಸೇರಿದಂತೆ ಡೊನಾಲ್ಡ್ ಟ್ರಂಪ್ ಆಡಳಿತದಲ್ಲಿ ರದ್ದುಗೊಳಿಸಿದ್ದ ಮೂರು ನೀತಿಗಳ ಕುರಿತು ಸಲ್ಲಿಸುವ ಆಕ್ಷೇಪಣೆಗಳು ಮತ್ತು ಪ್ರತಿಕೂಲ ನಿರ್ಧಾರಗಳನ್ನು ಮರುಪರಿಶೀಲಿಸಲು ಸಿದ್ದವಿರುವುದಾಗಿ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಆಡಳಿತ ತಿಳಿಸಿದೆ.
ಬೈಡನ್ ಆಡಳಿತದ ಈ ನಡೆಯಿಂದಾಗಿ ಎಚ್1ಬಿ ವೀಸಾ ವಿಚಾರದಲ್ಲಿ ಕಠಿಣ ಪರಿಸ್ಥಿತಿ ಎದುರಿಸುತ್ತಿದ್ದ ಭಾರತೀಯ ಐಟಿ ವೃತ್ತಿಪರರಿಗೆ ರಕ್ಷಣೆ ದೊರೆಯುವ ಸಾಧ್ಯತೆ ಇದೆ.
‘ವಲಸೆ ನೀತಿ ಸೇರಿದಂತೆ ಈ ಹಿಂದೆ ರದ್ದುಗೊಳಿಸಲಾದ ನೀತಿಗಳ ಕುರಿತು ಆಕ್ಷೇಪಣೆಗಳನ್ನು ಸಲ್ಲಿಸಬಹುದು. ಅದನ್ನು ಮರುಪರಿಶೀಲಿಸಲಾಗತ್ತದೆ‘ ಎಂದುಅಮೆರಿಕ ಪೌರತ್ವ ಮತ್ತು ವಲಸೆ ಸೇವೆಗಳ (ಯುಎಸ್ಸಿಐಎಸ್) ಇಲಾಖೆ ಶುಕ್ರವಾರ ಪ್ರಕಟಿಸಿದೆ.