ಅಮೆರಿಕ: ಪೊಲೀಸ್‌ ಇಲಾಖೆ ಹಂಗಾಮಿ ಅಧ್ಯಕ್ಷೆಯಾಗಿ ಕಪ್ಪುವರ್ಣೀಯ ಮಹಿಳೆ ನೇಮಕ
ಅಕ್ಷರ ಗಾತ್ರ :ಆ |ಆ |ಆ
ಲೂಯಿಸ್‌ವಿಲ್‌ (ಅಮೆರಿಕ): ಕೆಂಟಕಿಯ ಲೂಯಿಸ್‌ವಿಲ್‌ ಮೆಟ್ರೊ ಪೊಲೀಸ್‌ ಇಲಾಖೆಯ ಹಂಗಾಮಿ ಅಧ್ಯಕ್ಷೆಯಾಗಿ ಕಪ್ಪು ವರ್ಣೀಯ ಮಹಿಳೆ ಯೆವೆಟ್ ಜೆಂಟ್ರಿ ಅವರನ್ನು ಸೋಮವಾರ ನೇಮಕ ಮಾಡಲಾಗಿದೆ.
ಈ ಮೂಲಕ ಲೂಯಿಸ್‌ವಿಲ್‌ ಮೆಟ್ರೊ ಪೊಲೀಸ್‌ ಇಲಾಖೆಯಲ್ಲಿ ಹಂಗಾಮಿ ಅಧ್ಯಕ್ಷೆಯಾಗಿ ನೇಮಕಾತಿಗೊಂಡ ಮೊದಲ ಕಪ್ಪು ವರ್ಣೀಯ ಮಹಿಳೆ ಎಂಬ ಹೆಗ್ಗಳಿಕೆಗೆ ಅವರು ಭಾಜನರಾಗಿದ್ದಾರೆ.
2014ರಲ್ಲಿ ಯೆವೆಟ್ ಅವರು ಲೂಯಿಸ್‌ವಿಲ್‌ ಮೆಟ್ರೊ ಪೊಲೀಸ್‌ ಇಲಾಖೆಯ ಉಪಾಧ್ಯಕ್ಷೆಯಾಗಿ ಕಾರ್ಯ ನಿರ್ವಹಿಸಿದ್ದರು. ಈಗ ಅವರು ಇಲಾಖೆಯ ಹಂಗಾಮಿ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಲಿದ್ದಾರೆ ಎಂದು ಮೇಯರ್ ಗ್ರೆಗ್ ಫಿಷರ್ ಅವರು ಸೋಮವಾರ ಹೇಳಿದರು.
ಈಗಿನ ಹಂಗಾಮಿ ಅಧ್ಯಕ್ಷ ರಾಬರ್ಟ್‌ ಶ್ರೋಡರ್ ಅವರು ಈ ತಿಂಗಳ ಕೊನೆಯಲ್ಲಿ ನಿವೃತ್ತರಾಗಲಿದ್ದಾರೆ.
ತುರ್ತು ವೈದ್ಯಕೀಯ ಸೇವಾ ಸಿಬ್ಬಂದಿ, ಕಪ್ಪು ವರ್ಣೀಯ ಬ್ರೆನ್ನಾ ಟೇಲರ್ ಅವರ ಹತ್ಯೆಯ ಬಳಿಕ ಇಲ್ಲಿನ ಪೊಲೀಸ್‌ ಇಲಾಖೆ ಮತ್ತು ಕಪ್ಪು ವರ್ಣೀಯರ ನಡುವಿನ ಸಂಬಂಧ ತೀರ ಹದಗೆಟ್ಟಿದೆ. ಈ ಹಿನ್ನೆಲೆಯಲ್ಲೇ ಯೆವೆಟ್ ಜೆಂಟ್ರಿ ಅವರನ್ನು ಹಂಗಾಮಿ ಅಧ್ಯಕ್ಷೆಯಾಗಿ ನೇಮಿಸಲಾಗಿದೆ ಎನ್ನಲಾಗಿದೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
