ಸುಡಾನ್‌ನಲ್ಲಿ ಭಾರೀ ಮಳೆ: ಸಾವಿರಾರು ಮನೆಗಳು ನೆಲಸಮ

ಕಳೆದ ನಾಲ್ಕು ದಿನಗಳಲ್ಲಿ ಸುರಿದ ಮಳೆಯಿಂದ ಸುಡಾನ್‌ನ 8 ರಾಜ್ಯಗಳಲ್ಲಿ ಪ್ರವಾಹ ಪರಿಸ್ಥಿತಿ ತಲೆದೋರಿದ್ದು, 12 ಸಾವಿರ ಜನರು ನಿರಾಶ್ರಿತರಾಗಿದ್ದಾರೆ ಎಂದು ವರದಿ ತಿಳಿಸಿದೆ. ಈ ಪ್ರದೇಶಗಳಲ್ಲಿ 800 ಮನೆಗಳು ಸಂಪೂರ್ಣ ನೆಲಸಮವಾಗಿದ್ದು ಸುಮಾರು 4400 ಮನೆಗಳಿಗೆ ಹಾನಿಯಾಗಿದೆ. ಆದರೆ, ಪ್ರಾಣ ಹಾನಿಯ ಬಗ್ಗೆ ವರದಿಯಾಗಿಲ್ಲ.

ಕಳೆದ ವರ್ಷ ಸಂಭವಿಸಿದ ಪ್ರವಾಹದಲ್ಲಿ ಸುಮಾರು 6.50 ಲಕ್ಷ ಜನ ನಿರಾಶ್ರಿತರಾಗಿದ್ದು, 1.10 ಲಕ್ಷ ಮನೆಗಳು ನಾಶವಾಗಿದ್ದವು.

ಜೂನ್‌ನಿಂದ ಅಕ್ಟೋಬರ್‌ನಲ್ಲಿ ಸುಡಾನ್‌ನಲ್ಲಿ ಮಳೆಯಾಗುವ ಅವಧಿಯಾಗಿದ್ದು, ಈ ಸಂದರ್ಭದಲ್ಲಿ ಉಂಟಾಗುವ ಪ್ರವಾಹಕ್ಕೆ ಪ್ರಾಣಹಾನಿ, ಆಸ್ತಿಪಾಸ್ತಿ ಹಾಗೂ ಅಪಾರ ಬೆಳೆನಾಶ ಪ್ರತಿ ವರ್ಷ ಆಗುತ್ತಿದೆ.

ಇದನ್ನೂ ಓದಿ:ಅಮೆರಿಕ: ಪಾಂಪಿಯೊಗೆ ಜಪಾನ್‌ ನೀಡಿದ್ದ ವಿಸ್ಕಿ ಬಾಟಲಿಗಳು ನಾಪತ್ತೆ, ತನಿಖೆ ಆರಂಭ