ಜಕಾರ್ತ, ಇಂಡೋನೇಷ್ಯಾ: ಶೇ 50ರಷ್ಟು ಜನರು ಸಂಪೂರ್ಣವಾಗಿ ಲಸಿಕೆ ಹಾಕಿಸಿಕೊಂಡ ನಂತರ ಅವರಿಗೆ ಬೂಸ್ಟರ್‌ ಡೋಸ್‌ಗಳನ್ನು ನೀಡಲು ಇಂಡೋನೇಷ್ಯಾ ಯೋಜನೆ ರೂಪಿಸಿದೆ ಎಂದು ಆರೋಗ್ಯ ಸಚಿವಬುಡಿ ಗುನಾದಿ ಸಾದಿಕಿನ್‌ ಸೋಮವಾರ ಹೇಳಿದ್ದಾರೆ.
ಮುಂದಿನ ತಿಂಗಳ ಅಂತ್ಯದಲ್ಲಿ ಇದು ಆರಂಭವಾಗಬಹುದು ಎಂದೂ ಅವರು ಸಂಸತ್ತಿನಲ್ಲಿ ಹೇಳಿದರು.
ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ಜಗತ್ತಿನ ನಾಲ್ಕನೇ ದೇಶ ಮತ್ತು ಏಷ್ಯಾದ ಕೋವಿಡ್‌ ಪಿಡುಗಿನ ಕೇಂದ್ರಬಿಂದುವಾಗಿರುವ ಇಂಡೋನೇಷ್ಯಾ ಶೇ 29ರಷ್ಟು ಜನರಿಗೆ ಲಸಿಕೆ ನೀಡಿದೆ.
ಲಸಿಕೆಯನ್ನು ಉಚಿತವಾಗಿ ನೀಡಲಾಗುವುದು. ಸರ್ಕಾರದಿಂದ ವಿಮೆ ಮಾಡಿಸಿಕೊಂಡ ಹಿರಿಯ ನಾಗರಿಕರಿಗೆ ಮತ್ತು ಬಡವರಿಗೆ ಮೊದಲ ಆದ್ಯತೆ ನೀಡಲಾಗುವುದು. ಉಳಿದವರು ಲಸಿಕೆಗೆ ಹಣ ಪಾವತಿಸಬೇಕು. ಆರೋಗ್ಯ ಕಾರ್ಯಕರ್ತರು ಈಗಾಗಲೇ ಲಸಿಕೆ ಪಡೆದಿದ್ದಾರೆ ಎಂದು ಬುಡಿ ಹೇಳಿದರು.
