ಬುಧವಾರ, ಜೂನ್ 16, 2021
22 °C

ಮಾರಿಷಸ್‌: ಎರಡು ಭಾಗವಾದ ಅಪಘಾತಕ್ಕೀಡಾಗಿದ್ದ ಹಡಗು

ಎಎಫ್‌ಪಿ Updated:

ಅಕ್ಷರ ಗಾತ್ರ : | |

Prajavani

‍ಪೋರ್ಟ್‌ ಲೂಯಿಸ್‌ (ಮಾರಿಷಸ್‌) : ಎರಡು ವಾರಗಳ ಹಿಂದೆ ಇಲ್ಲಿನ ಕರಾವಳಿ ತೀರದಲ್ಲಿ ಬಂಡೆಯೊಂದಕ್ಕೆ ಡಿಕ್ಕಿ ಹೊಡೆದು ಅಪಘಾತಕ್ಕೀಡಾಗಿ ಸಾವಿರ ಟನ್‌ನಷ್ಟು ತೈಲವನ್ನು ಸಮುದ್ರಕ್ಕೆ ಹರಿಸಿದ್ದ ಬೃಹತ್‌ ಹಡಗು ಈಗ ಎರಡು ಭಾಗವಾಗಿದೆ.

ಜಪಾನ್‌ನ ‘ನಾಗಸಾಕಿ ಶಿಪ್ಪಿಂಗ್ ಕಂಪನಿ’ಯ ಒಡೆತನದ ‘ಎಂ.ವಿ.ವಾಕಾಶಿಯೊ’ ಜುಲೈ 25 ರಂದು ಮಾರಿಷಸ್ ಕರಾವಳಿಯ ಆಗ್ನೇಯ ಭಾಗದಲ್ಲಿ, ಸಾಗರ ತಳದ ಬಂಡೆಗಲ್ಲಿಗೆ ಹೊಡೆದು ದುರಂತಕ್ಕೀಡಾಯಿತು. ಅದರಲ್ಲಿದ್ದ ಅಪಾರ ಪ್ರಮಾಣದ ತೈಲ ಸಮುದ್ರಕ್ಕೆ ಸೋರಿಕೆಯಾಯಿತು. ಇದರಿಂದ ಮ್ಯಾಂಗ್ರೋವ್ ಕಾಡುಗಳು ಮತ್ತು ಅಳಿವಿನಂಚಿನಲ್ಲಿರುವ ಪ್ರಬೇಧಗಳು ಹಾನಿಗೊಳಗಾದವು.

ಅಪಘಾತಕ್ಕೀಡಾದ ಸಮಯದಲ್ಲಿ ಹಡಗು ಬಿರುಕು ಬಿಟ್ಟಿದ್ದನ್ನು ಗಮನಿಸಿದ್ದ ಅಧಿಕಾರಿಗಳು, ಹಡಗು ಎರಡು ತುಂಡಾಗುವ ಸಾಧ್ಯತೆಯಿದೆ ಎಂದು ಎಚ್ಚರಿಕೆ ನೀಡಿದ್ದರು. ಆಗಸ್ಟ್ 15ರಂದು ಹಡಗು ಇಬ್ಬಾಗವಾಗಿರುವುದಾಗಿ ಹಡಗಿನ ಆಪರೇಟರ್ ಮಿತ್ಸುಯಿ ಒಎಸ್ಕೆ ಲೈನ್ಸ್ ಭಾನುವಾರ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಅಪಘಾತಕ್ಕೀಡಾದ ಹಡಗಿನಲ್ಲಿ ಮೂರು ಸಾವಿರ ಟನ್‌ನಷ್ಟು ತೈಲವಿತ್ತು. ಹಡಗಿನ ಬೋರ್ಡ್‌ ಮೇಲೆ 90 ಟನ್‌ ತೈಲವಿತ್ತು. ಅಪಘಾತದ ನಂತರ ಮಾರಿಷಸ್‌ನಲ್ಲಿ ತುರ್ತು ಪರಿಸ್ಥಿತಿ ಘೋಷಿಸಲಾಗಿತ್ತು. 

 

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು