ವಾಷಿಂಗ್ಟನ್: ಇಬ್ಬರು ಗಗನಯಾತ್ರಿಗಳು ಮಂಗಳವಾರ ನಡೆಸಲು ಉದ್ದೇಶಿಸಿದ್ದ ಬಾಹ್ಯಾಕಾಶ ನಡಿಗೆ ಕಾರ್ಯಕ್ರಮವನ್ನು ‘ನಾಸಾ’, ಅನಿರ್ದಿಷ್ಟಾವಧಿಗೆ ಮುಂದೂಡಿದೆ.
ಅಂತರರಾಷ್ಟ್ರೀಯ ಬಾಹ್ಯಾಕಾಶ ಕೇಂದ್ರದ ಹೊರಗೆ ಕಕ್ಷೆಯಲ್ಲಿ ಕಲ್ಮಶ ಇರುವುದನ್ನು ಗುರುತಿಸಿ, ಈ ಬಗ್ಗೆ ಕಕ್ಷೆ ಸಂಶೋಧನಾ ಪ್ರಯೋಗಾಲಯ ಸೂಚನೆ ನೀಡಿರುವುದು ಇದಕ್ಕೆ ಕಾರಣ. ಈ ಕುರಿತುನಾಸಾ ಟ್ವೀಟ್ ಮಾಡಿದೆ.
ಗಗನಯಾತ್ರಿಗಳಾದ ಥಾಮಸ್ ಮಾರ್ಷ್ಬರ್ನ್ ಮತ್ತು ಕಾಯ್ಲಾ ಅವರು ದೋಷಯುಕ್ತ ಆ್ಯಂಟೆನಾವನ್ನು ಬದಲಿಸುವ ಉದ್ದೇಶದಿಂದ ಮಂಗಳವಾರ ಬಾಹ್ಯಾಕಾಶ ನಡಿಗೆ ಕೈಗೊಳ್ಳಲು ಉದ್ದೇಶಿಸಿದ್ದರು.