ಲಂಡನ್‌: ರಿಷಿ ಸುನಕ್‌ ಅವರು ಬ್ರಿಟನ್‌ ಪ್ರಧಾನಿ ಆಗಿರುವುದಕ್ಕೆ ಅಲ್ಲಿನ ಮಾಧ್ಯಮಗಳು ಮಿಶ್ರ ಪ್ರತಿಕ್ರಿಯೆ ವ್ಯಕ್ತಪಡಿಸಿವೆ. ರಿಷಿ ಅವರು ಪ್ರಧಾನಿ ಆಗಿರುವುದು ‘ಹೊಸ ಬೆಳಗು’ ಎಂದು ಕೆಲವು ಪತ್ರಿಕೆಗಳು ಅಭಿಪ್ರಾಯ ವ್ಯಕ್ತಪಡಿಸಿದ್ದರೆ, ಕೆಲವು ಪತ್ರಿಕೆಗಳು, ‘ಪ್ರಜಾಪ್ರಭುತ್ವದ ಸಾವು’ ಎಂದು ಹೇಳಿವೆ. ಇನ್ನೂ ಕೆಲವು ಪತ್ರಿಕೆಗಳು ‘ಈ ಜಯ ಎಷ್ಟು ದಿನಗಳದ್ದು’ ಎನ್ನುವ ಅಭಿಪ್ರಾಯವನ್ನೂ ವ್ಯಕ್ತಪಡಿಸಿವೆ. ಒಟ್ಟಾರೆಯಾಗಿ ಪ್ರಮುಖ ಪತ್ರಿಕೆಗಳ ಮುಖಪುಟದಲ್ಲಿ ರಿಷಿ ಅವರು ಪ್ರಧಾನಿ ಆಗಿರುವುದು ಮುಖ್ಯ ಸುದ್ದಿಯಾಗಿ ಪ್ರಕಟವಾಗಿದೆ.
