ಕೊರೊನಾ ವೈರಸ್‌ನ ಮತ್ತಷ್ಟು ತಳಿಗಳ ಸೃಷ್ಟಿ ಖಚಿತ: ಡಬ್ಲ್ಯುಎಚ್‌ಒ
ಅಕ್ಷರ ಗಾತ್ರ :ಆ |ಆ |ಆ
ಜಿನಿವಾ: ನಾವು, ನೀವು ಮಾತನಾಡುತ್ತಿರುವಂತೆ ಓಮೈಕ್ರಾನ್‌ ತಳಿಯೇ ಕೊನೆಯದ್ದಲ್ಲ. ಕೊರೊನಾ ವೈರಸ್‌ನ ಮತ್ತಷ್ಟು ತಳಿಗಳ ಸೃಷ್ಟಿ ಖಚಿತ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ತಾಂತ್ರಿಕ ವಿಭಾಗದ ಮುಖ್ಯಸ್ಥೆ ಮರಿಯಾ ವ್ಯಾನ್‌ ಕೆರ್ಖೋವ್‌ ಶುಕ್ರವಾರ ತಿಳಿಸಿದ್ದಾರೆ.
‘ಮುಂದಿನ ರೂಪಾಂತರಿಯು ಹೆಚ್ಚು ವ್ಯಾಪಕವಾಗಿ ಹಬ್ಬುವ ಸಾಧ್ಯತೆ ಇದೆ. ಮುಂದಿನ ತಳಿಗಳು ಹೆಚ್ಚು ಶಕ್ತಿಶಾಲಿಯಾಗಿರಲಿವೆಯೇ, ರೋಗನಿರೋಧಕ ಶಕ್ತಿಯನ್ನೇ ತಪ್ಪಿಸಿಕೊಳ್ಳುವ ಸಾಮರ್ಥ್ಯವನ್ನು ಅವುಗಳು ಹೊಂದಿರಬಹುದೇ, ಅವುಗಳ ಮೇಲೆ ನಮ್ಮ ಲಸಿಕೆ, ಔಷಧಗಳು ಪರಿಣಾಮ ಬೀರದೇ ಹೋಗಿಬಿಡಬಹುದೇ ಎಂಬುದು ಚರ್ಚೆಯ ವಿಷಯ. ಅಂಥ ಪರಿಸ್ಥಿತಿ ಉದ್ಭವಿಸಬಾರದು ಎಂಬುದು ನಮ್ಮ ಕಾಳಜಿಯಾಗಿದೆ’ ಎಂದು ಅವರು ಹೇಳಿದ್ದಾರೆ.
‘ಕೊರೊನಾ ವೈರಸ್‌, ಅದರ ರೂಪಾಂತರಗಳು, ಅವುಗಳ ಮುಂದಿನ ಪರಿಣಾಮಗಳ ಬಗ್ಗೆ ನಮಗೆ ಈಗಲೂ ಸಂಪೂರ್ಣವಾಗಿ ಗೊತ್ತಿಲ್ಲ. ಆದರೆ, ಅವುಗಳ ಮೇಲೆ ಪರಿಣಾಮ ಬೀರುವ ಅಂಶಗಳತ್ತ ಮಾತ್ರ ನಾವು ಗಮನ ಹರಿಸಿದ್ದೇವೆ. ಲಸಿಕೆಗಳು ಅವುಗಳ ಮೇಲೆ ಪರಿಣಾಮ ಬೀರುತ್ತವೆ. ಜನ ಕೊರೊನಾ ವೈರಸ್‌ನಿಂದ ಗಂಭೀರಗೊಂಡು, ಆಸ್ಪತ್ರೆ ಸೇರುವುದನ್ನು ಮತ್ತು ಸಾವಿಗೀಡಾಗುವುದನ್ನು ಲಸಿಕೆಗಳು ತಪ್ಪಿಸುತ್ತವೆ,’ ಎಂದು ಅವರು ತಿಳಿಸಿದರು.
Dr @mvankerkhove describes potential future scenarios on #COVID19 and Omicron and what we can do to turn the tide ⬇️ pic.twitter.com/LUFqyQj3O4
— World Health Organization (WHO) (@WHO) January 26, 2022
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
