ಶುಕ್ರವಾರ, ಜನವರಿ 22, 2021
19 °C

ರಷ್ಯಾ ಯುದ್ಧನೌಕೆಯ ಎಚ್ಚರಿಕೆ: ಕಾಲ್ಕಿತ್ತ ಅಮೆರಿಕದ 'ಡೆಸ್ಟ್ರಾಯರ್‌'

ರಾಯಿಟರ್ಸ್‌ Updated:

ಅಕ್ಷರ ಗಾತ್ರ : | |

ಮಾಸ್ಕೊ: ಜಪಾನ್‌ ಸಮುದ್ರದ ರಷ್ಯಾ ಜಲಪ್ರದೇಶದಲ್ಲಿ ಅಕ್ರಮವಾಗಿ ಕಾರ್ಯಚಟುವಟಿಕೆಯಲ್ಲಿ ತೊಡಗಿದ್ದ ಅಮೆರಿಕದ 'ಯುಎಸ್‌ಎಸ್‌ ಜಾನ್‌ ಎಸ್‌ ಮೆಕೆನ್‌' ಹೆಸರಿನ ಯುದ್ಧ ನೌಕೆಯನ್ನು(ಮಿಸೈಲ್‌ ಡೆಸ್ಟ್ರಾಯರ್‌-ಕ್ಷಿಪಣಿ ವಿಧ್ವಂಸಕ)ಪತ್ತೆ ಮಾಡಿರುವ ರಷ್ಯಾ, ಅದನ್ನು ಅಲ್ಲಿಂದ ಬೇರೆಡೆಗೆ ಅಟ್ಟಿದೆ.

'ನಮ್ಮ ಯುದ್ಧನೌಕೆಯ (ಡೆಸ್ಟ್ರಾಯರ್‌) ಅಡ್ಮಿರಲ್ ವಿನೋಗ್ರಾಡೋವ್, ಅಮೆರಿಕದ ಯುದ್ಧನೌಕೆಗೆ ಮೌಖಿಕ ಎಚ್ಚರಿಕೆ ನೀಡಿದ್ದಾರೆ. ಅಲ್ಲದೆ, ತನಗೆ ಸೇರಿದ ಜಲಪ್ರದೇಶದಿಂದ ಜಾಗ ಖಾಲಿ ಮಾಡದೇ ಹೋದರೆ ಓಡಿಸುವುದಾಗಿ ಬೆದರಿಕೆ ಹಾಕಿದ್ದಾರೆ,' ಎಂದು ರಷ್ಯಾ ತಿಳಿಸಿದೆ.

ಎಚ್ಚರಿಕೆ ನೀಡಿದ ನಂತರ ಅಮೆರಿಕದ ಯುದ್ಧನೌಕೆ ತಟಸ್ಥ ಜಲಪ್ರದೇಶಕ್ಕೆ ಧಾವಿಸಿದೆ ಎಂದೂ ರಕ್ಷಣಾ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.

ಈ ಘಟನೆ ಪೀಟರ್‌ ದಿ ಗ್ರೇಟ್‌ ಗಲ್ಫ್‌ ಪ್ರದೇಶದಲ್ಲಿ ನಡೆದಿದೆ.

'ಅಮೆರಿಕದ ಮಿಸೈಲ್‌ ಡೆಸ್ಟ್ರಾಯರ್‌ ಈ ಪ್ರದೇಶವನ್ನು ತೊರೆದ ನಂತರ ನಮ್ಮ ಜಲಪ್ರದೇಶವನ್ನು ಪ್ರವೇಶಿಸುವ ಪ್ರಯತ್ನಗಳನ್ನು ಮಾಡಿಲ್ಲ. ಆದರೆ ಅಡ್ಮಿರಲ್ ವಿನೋಗ್ರಾಡೋವ್ ಅಮೆರಿಕದ ಯುದ್ಧನೌಕೆ ಮೇಲೆ ನಿಗಾ ಇಟ್ಟಿದ್ದು, 'ಕಾರ್ವೆಟ್' ಹೆಸರಿನ ಮತ್ತೊಂದು ಹಡಗನ್ನು ಜಲಪ್ರದೇಶ ರವಾನಿಸಲಾಗಿದೆ,' ಎಂದು ಅದು ಹೇಳಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು