<p class="title"><strong>ಮಾಸ್ಕೊ</strong>: ಆಗಸ್ಟ್ 30ರಂದು ನಿಧನ ಹೊಂದಿದ ರಷ್ಯಾ ಸಂಯುಕ್ತ ಸಂಸ್ಥಾನದ ಕೊನೆಯ ಅಧ್ಯಕ್ಷ ಮಿಖಾಯಿಲ್ ಗೋರ್ಬಚೆವ್ ಅವರಿಗೆ ಶನಿವಾರ ರಷ್ಯಾದ ಜನರು ಭಾವಪೂರ್ಣ ವಿದಾಯ ಹೇಳಿದರು. ಆದರೆ, ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಗೈರು ಹಾಜರಾಗಿದ್ದರು.</p>.<p class="title">ಇಲ್ಲಿನ ಐತಿಹಾಸಿಕ ಹಾಲ್ ಆಫ್ ಕಾಲಮ್ಸ್ನಲ್ಲಿ ತೆರೆದ ಪೆಟ್ಟಿಗೆಯಲ್ಲಿ ಇರಿಸಿದ್ದ ಪಾರ್ಥಿವ ಶರೀರಕ್ಕೆ ಸಾವಿರಾರು ಜನರು ಸರತಿ ಸಾಲಿನಲ್ಲಿ ನಿಂತು ಗೌರವ ಸಲ್ಲಿಸಿದರು.ರಷ್ಯಾ ಧ್ವಜ ಹಿಡಿದಿದ್ದ ಸಿಬ್ಬಂದಿ ಗೌರವ ರಕ್ಷೆ ನೀಡಿದರು.</p>.<p class="title">ಮಾಸ್ಕೊದ ಪ್ರತಿಷ್ಠಿತ ನೊವೊಡೆವಿಚಿ ಸ್ಮಶಾನದಲ್ಲಿ ಪತ್ನಿ ರೈಸಾ ಪಕ್ಕದಲ್ಲಿಯೇ ಅವರ ಸಮಾಧಿ ಮಾಡಲಾಯಿತು.</p>.<p class="title">ಪುಟಿನ್ ಅವರು ಆಸ್ಪತ್ರೆಯಲ್ಲಿ ಗೊರ್ಬಚೇವ್ ಅವರ ಮೃತದೇಹಕ್ಕೆ ಕೆಂಪು ಗುಲಾಬಿಗಳ ಪುಷ್ಪಗುಚ್ಛವನ್ನು ಇಡುತ್ತಿರುವ ಚಿತ್ರಗಳನ್ನು ಸರ್ಕಾರಿ ಸ್ವಾಮ್ಯದ ಮಾಧ್ಯಮ ತೋರಿಸಿದೆ.</p>.<p class="title">‘ಪೂರ್ವ ನಿಗದಿತ ಕಾರ್ಯಕ್ರಮಗಳಿಂದಾಗಿ ಶನಿವಾರದ ಅಂತ್ಯಕ್ರಿಯೆಯಲ್ಲಿಪುಟಿನ್ ಭಾಗವಹಿಸುವುದಿಲ್ಲ’ ಎಂದು ಕೆಮ್ಲಿನ್ ಹೇಳಿದೆ.</p>.<p class="title">ರಷ್ಯಾದಲ್ಲಿ ಉನ್ನತ ಅಧಿಕಾರಿಗಳ ಅಂತ್ಯಕ್ರಿಯೆಗಾಗಿಈ ಸಭಾಂಗಣವನ್ನು ದೀರ್ಘಕಾಲ ಬಳಸಲಾಗಿದೆ. 1953ರಲ್ಲಿ ಮರಣ ಹೊಂದಿದ ಜೋಸೆಫ್ ಸ್ಟಾಲಿನ್ ಅವರ ದೇಹವನ್ನು ನಾಲ್ಕು ದಿನಗಳ ರಾಷ್ಟ್ರೀಯ ಶೋಕಾಚರಣೆಯ ಸಮಯದಲ್ಲಿ ಇಡಲಾಗಿತ್ತು.</p>.<p class="title">‘ಇದು ಸ್ವಾತಂತ್ರ್ಯದ ಉಸಿರು, ಇದು ದೀರ್ಘಕಾಲದವರೆಗೆ ಕೊರತೆಯಾಗಿತ್ತು’ ಎಂದು 41 ವರ್ಷದ ಅನುವಾದಕಿ ಕೆಸೆನಿಯಾ ಝೂಪನೊವಾ ಅವರು ಹೇಳಿದರು.</p>.<p class="title">ದೀರ್ಘಕಾಲದಿಂದ ವಯೋಸಹಜ ಅನಾರೋಗ್ಯದಿಂದ ಬಳಲುತ್ತಿದ್ದ 91 ವರ್ಷದ ಗೊರ್ಬಚೆವ್ ಮಂಗಳವಾರ ನಿಧನರಾದರು. 1985 ರಿಂದ 1991ರ ಅಂತ್ಯದವರೆಗೂ ಅವರು ರಷ್ಯಾ ಸೋವಿಯತ್ ಒಕ್ಕೂಟದ ಅಧ್ಯಕ್ಷರಾಗಿದ್ದರು.ಹಲವು ನಿರ್ಣಾಯಕ ನಿರ್ಧಾರಗಳನ್ನು ತೆಗೆದುಕೊಂಡಿದ್ದರು.ಸೋವಿಯತ್ ಒಕ್ಕೂಟವನ್ನು ಪ್ರಜಾಪ್ರಭುತ್ವ ಸುಧಾರಣೆಗಳೊಂದಿಗೆ ಪರಿವರ್ತಿಸಲು ಪ್ರಯತ್ನಿಸಿದರು.</p>.<p class="title">ಶೀತಲ ಸಮರಕ್ಕೆ ಅಂತ್ಯ ಹಾಡಿ ಜಾಗತಿಕವಾಗಿ ಮನ್ನಣೆಗೆ ಪಾತ್ರರಾದ ಅವರಿಗೆ 1990ರಲ್ಲಿ ನೊಬೆಲ್ ಶಾಂತಿ ಪ್ರಶಸ್ತಿ ಸಂದಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ಮಾಸ್ಕೊ</strong>: ಆಗಸ್ಟ್ 30ರಂದು ನಿಧನ ಹೊಂದಿದ ರಷ್ಯಾ ಸಂಯುಕ್ತ ಸಂಸ್ಥಾನದ ಕೊನೆಯ ಅಧ್ಯಕ್ಷ ಮಿಖಾಯಿಲ್ ಗೋರ್ಬಚೆವ್ ಅವರಿಗೆ ಶನಿವಾರ ರಷ್ಯಾದ ಜನರು ಭಾವಪೂರ್ಣ ವಿದಾಯ ಹೇಳಿದರು. ಆದರೆ, ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಗೈರು ಹಾಜರಾಗಿದ್ದರು.</p>.<p class="title">ಇಲ್ಲಿನ ಐತಿಹಾಸಿಕ ಹಾಲ್ ಆಫ್ ಕಾಲಮ್ಸ್ನಲ್ಲಿ ತೆರೆದ ಪೆಟ್ಟಿಗೆಯಲ್ಲಿ ಇರಿಸಿದ್ದ ಪಾರ್ಥಿವ ಶರೀರಕ್ಕೆ ಸಾವಿರಾರು ಜನರು ಸರತಿ ಸಾಲಿನಲ್ಲಿ ನಿಂತು ಗೌರವ ಸಲ್ಲಿಸಿದರು.ರಷ್ಯಾ ಧ್ವಜ ಹಿಡಿದಿದ್ದ ಸಿಬ್ಬಂದಿ ಗೌರವ ರಕ್ಷೆ ನೀಡಿದರು.</p>.<p class="title">ಮಾಸ್ಕೊದ ಪ್ರತಿಷ್ಠಿತ ನೊವೊಡೆವಿಚಿ ಸ್ಮಶಾನದಲ್ಲಿ ಪತ್ನಿ ರೈಸಾ ಪಕ್ಕದಲ್ಲಿಯೇ ಅವರ ಸಮಾಧಿ ಮಾಡಲಾಯಿತು.</p>.<p class="title">ಪುಟಿನ್ ಅವರು ಆಸ್ಪತ್ರೆಯಲ್ಲಿ ಗೊರ್ಬಚೇವ್ ಅವರ ಮೃತದೇಹಕ್ಕೆ ಕೆಂಪು ಗುಲಾಬಿಗಳ ಪುಷ್ಪಗುಚ್ಛವನ್ನು ಇಡುತ್ತಿರುವ ಚಿತ್ರಗಳನ್ನು ಸರ್ಕಾರಿ ಸ್ವಾಮ್ಯದ ಮಾಧ್ಯಮ ತೋರಿಸಿದೆ.</p>.<p class="title">‘ಪೂರ್ವ ನಿಗದಿತ ಕಾರ್ಯಕ್ರಮಗಳಿಂದಾಗಿ ಶನಿವಾರದ ಅಂತ್ಯಕ್ರಿಯೆಯಲ್ಲಿಪುಟಿನ್ ಭಾಗವಹಿಸುವುದಿಲ್ಲ’ ಎಂದು ಕೆಮ್ಲಿನ್ ಹೇಳಿದೆ.</p>.<p class="title">ರಷ್ಯಾದಲ್ಲಿ ಉನ್ನತ ಅಧಿಕಾರಿಗಳ ಅಂತ್ಯಕ್ರಿಯೆಗಾಗಿಈ ಸಭಾಂಗಣವನ್ನು ದೀರ್ಘಕಾಲ ಬಳಸಲಾಗಿದೆ. 1953ರಲ್ಲಿ ಮರಣ ಹೊಂದಿದ ಜೋಸೆಫ್ ಸ್ಟಾಲಿನ್ ಅವರ ದೇಹವನ್ನು ನಾಲ್ಕು ದಿನಗಳ ರಾಷ್ಟ್ರೀಯ ಶೋಕಾಚರಣೆಯ ಸಮಯದಲ್ಲಿ ಇಡಲಾಗಿತ್ತು.</p>.<p class="title">‘ಇದು ಸ್ವಾತಂತ್ರ್ಯದ ಉಸಿರು, ಇದು ದೀರ್ಘಕಾಲದವರೆಗೆ ಕೊರತೆಯಾಗಿತ್ತು’ ಎಂದು 41 ವರ್ಷದ ಅನುವಾದಕಿ ಕೆಸೆನಿಯಾ ಝೂಪನೊವಾ ಅವರು ಹೇಳಿದರು.</p>.<p class="title">ದೀರ್ಘಕಾಲದಿಂದ ವಯೋಸಹಜ ಅನಾರೋಗ್ಯದಿಂದ ಬಳಲುತ್ತಿದ್ದ 91 ವರ್ಷದ ಗೊರ್ಬಚೆವ್ ಮಂಗಳವಾರ ನಿಧನರಾದರು. 1985 ರಿಂದ 1991ರ ಅಂತ್ಯದವರೆಗೂ ಅವರು ರಷ್ಯಾ ಸೋವಿಯತ್ ಒಕ್ಕೂಟದ ಅಧ್ಯಕ್ಷರಾಗಿದ್ದರು.ಹಲವು ನಿರ್ಣಾಯಕ ನಿರ್ಧಾರಗಳನ್ನು ತೆಗೆದುಕೊಂಡಿದ್ದರು.ಸೋವಿಯತ್ ಒಕ್ಕೂಟವನ್ನು ಪ್ರಜಾಪ್ರಭುತ್ವ ಸುಧಾರಣೆಗಳೊಂದಿಗೆ ಪರಿವರ್ತಿಸಲು ಪ್ರಯತ್ನಿಸಿದರು.</p>.<p class="title">ಶೀತಲ ಸಮರಕ್ಕೆ ಅಂತ್ಯ ಹಾಡಿ ಜಾಗತಿಕವಾಗಿ ಮನ್ನಣೆಗೆ ಪಾತ್ರರಾದ ಅವರಿಗೆ 1990ರಲ್ಲಿ ನೊಬೆಲ್ ಶಾಂತಿ ಪ್ರಶಸ್ತಿ ಸಂದಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
