ಮಯನ್ಮಾರ್ನ ಪ್ರಮುಖ ನಗರವಾಗಿರುವ ಯಾಂಗೂನ್ನಲ್ಲಿ ಮತದಾರರು ಅತ್ಯುತ್ಸಾಹದಿಂದ ತಮ್ಮ ಹಕ್ಕನ್ನು ಚಲಾಯಿಸಿದರು. ಕೋವಿಡ್ ಹಿನ್ನೆಲೆಯಲ್ಲಿ ಮತಗಟ್ಟೆಗೆ ಬರುವವರು ಮುಖಗವಸು ಧರಿಸುವುದನ್ನು ಕಡ್ಡಾಯಗೊಳಿಸಲಾಗಿತ್ತು. ಕೆಲವರು ಕೈಗವಸು ಹಾಗೂ ಫೇಸ್ ಶೀಲ್ಡ್ ಧರಿಸಿ ಸರತಿ ಸಾಲಿನಲ್ಲಿ ನಿಂತಿದ್ದ ದೃಶ್ಯಗಳೂ ಕಂಡುಬಂದವು. ಅಧಿಕಾರಿಗಳು ಮತ ಗಟ್ಟೆಗೆ ಬಂದವರ ದೇಹದ ಉಷ್ಣಾಂಶ ಪರೀಕ್ಷಿಸುವುದರ ಜೊತೆಗೆ ಎಲ್ಲರ ಕೈಗಳಿಗೂ ಸ್ಯಾನಿಟೈಸರ್ ಹಾಕುವುದರಲ್ಲಿ ನಿರತರಾಗಿರುವುದೂ ಕಂಡುಬಂತು.