ಮಂಗಳವಾರ, ಅಕ್ಟೋಬರ್ 27, 2020
19 °C

ಕಪ್ಪುರಂಧ್ರ ಸುತ್ತ ಎಕ್ಸ್‌ರೇ ಪತ್ತೆ: ಭಾರತದ ವಿಜ್ಞಾನಿಗಳ ಸಾಧನೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಕಪ್ಪುರಂಧ್ರಗಳ ಸುತ್ತ ಕಾಸ್ಮಿಕ್‌ ಎಕ್ಸ್‌ರೇಗಳು ಇರುವುದನ್ನು ಮುಂಬೈ ಮೂಲದ ಟಾಟಾ ಇನ್‌ಸ್ಟಿಟ್ಯೂಟ್‌ ಆಫ್‌ ಫಂಡಮೆಂಟಲ್‌ ರಿಸರ್ಚ್‌ (ಟಿಐಎಫ್‌ಆರ್)ನ ಖಗೋಳವಿಜ್ಞಾನಿ ಸುದೀಪ್‌ ಭಟ್ಟಾಚಾರ್ಯ ನೇತೃತ್ವದ ವಿಜ್ಞಾನಿಗಳ ತಂಡ ಪತ್ತೆ ಹಚ್ಚಿದೆ.

ಈ ಸಂಶೋಧನೆಯು ಕಪ್ಪುರಂಧ್ರಗಳ ಕುರಿತ ಅಧ್ಯಯನಕ್ಕೆ ಮತ್ತಷ್ಟು ನೆರವಾಗಲಿದೆ.  

ಕಪ್ಪುರಂಧ್ರಗಳಿಗೆ ಮೇಲ್ಮೈ ಎಂಬುದು ಇರುವುದಿಲ್ಲ. ಈ ಆಕಾಶಕಾಯಗಳನ್ನು ಸ್ಪರ್ಶಿಸುವ ಬೆಳಕಿಗೆ, ಅವುಗಳ ಮೂಲಕ ಹಾಯ್ದು ಹೋಗಲು ಆಗುವುದಿಲ್ಲ. ಕಪ್ಪುರಂಧ್ರಗಳಿರುವ ಅಗಾಧ ಗುರುತ್ವಾಕರ್ಷಣ ಶಕ್ತಿಯೇ ಇದಕ್ಕೆ ಕಾರಣ. ಹೀಗಾಗಿ ಇವುಗಳ ಎಲ್ಲೆ ಗುರುತಿಸುವುದು ಕಷ್ಟ.  

ಆದರೆ, ಸುದೀಪ್‌ ಭಟ್ಟಾಚಾರ್ಯ ನೇತೃತ್ವದ ತಂಡವು, ಈ ಕಪ್ಪುರಂಧ್ರಗಳ ಬಳಿ ಕಾಸ್ಮಿಕ್‌ ಎಕ್ಸ್‌ರೇ ಅಸ್ತಿತ್ವವನ್ನು ಪತ್ತೆ ಹಚ್ಚಿರುವುದು ಇವುಗಳ ಎಲ್ಲೆಯನ್ನು ಗುರುತಿಸಲು ಹಾಗೂ ಈ ಬ್ರಹ್ಮಾಂಡ ತನ್ನ ಒಡಲಲ್ಲಿ ಹುದುಗಿಸಿಟ್ಟುಕೊಂಡಿರುವ ಅಗಾಧ ವಿಷಯಗಳನ್ನು ಅರ್ಥ ಮಾಡಿಕೊಳ್ಳಲು ಸಹಾಯವಾಗಲಿದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.

‘ಈ ಬ್ರಹ್ಮಾಂಡದಲ್ಲಿ ಸೂರ್ಯನಿಗಿಂತಲೂ ಹತ್ತುಪಟ್ಟು ದ್ರವ್ಯರಾಶಿ ಹೊಂದಿರುವ ಕಪ್ಪುರಂಧ್ರಗಳಿವೆ. ನ್ಯೂಟ್ರಾನ್‌ ತಾರೆಗಳು ಸಹ ಇವೆ. ಈ ನ್ಯೂಟ್ರಾನ್‌ ತಾರೆಗಳು ಹಾಗೂ ಕಪ್ಪುರಂಧ್ರಗಳ ನಡುವಿನ ವ್ಯತ್ಯಾಸವನ್ನು ತಿಳಿಯಲು ಸಹ ನಮ್ಮ ಸಂಶೋಧನೆ ನೆರವಾಗಲಿದೆ’ ಎಂದು ಭಟ್ಟಾಚಾರ್ಯ ತಿಳಿಸಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.