<p><strong>ಬ್ಯಾಂಕಾಕ್: </strong>ರಾಜನಿಗೆ ಅವಮಾನ ಮಾಡಿದ ಕಾರಣಕ್ಕಾಗಿ ನಾಗರಿಕ ಸೇವೆಯಮಾಜಿ ಅಧಿಕಾರಿಯೊಬ್ಬರಿಗೆ ಥಾಯ್ಲೆಂಡ್ನ ನ್ಯಾಯಾಲಯವೊಂದು ಮಂಗಳವಾರ 43 ವರ್ಷ ಆರು ತಿಂಗಳ ಜೈಲು ಶಿಕ್ಷೆಯನ್ನು ವಿಧಿಸಿದೆ.</p>.<p>ರಾಜಪ್ರಭುತ್ವದ ವಿರುದ್ಧ ಫೇಸ್ಬುಕ್ ಹಾಗೂ ಯೂಟ್ಯೂಬ್ನಲ್ಲಿ ಆಡಿಯೊ ಕ್ಲಿಪ್ ಒಂದನ್ನು ಪೋಸ್ಟ್ ಮಾಡಿದ ಪ್ರಕರಣದಲ್ಲಿ ಮಹಿಳೆಯೊಬ್ಬರು ಅಪರಾಧಿ ಎಂದು ಬ್ಯಾಂಕಾಕ್ ಅಪರಾಧ ನ್ಯಾಯಾಲಯವು ತೀರ್ಪು ನೀಡಿದೆ ಎಂದು ಮಾನವ ಹಕ್ಕುಗಳ ಪರ ವಕೀಲರು ಹೇಳಿದರು.</p>.<p>‘ನ್ಯಾಯಾಲಯದ ತೀರ್ಮಾನವು ಆಘಾತಕಾರಿಯಾಗಿದೆ ಹಾಗೂ ರಾಜಪ್ರಭುತ್ವದ ವಿರುದ್ಧ ಟೀಕಿಸುವವರನ್ನು ಸಹಿಸಲು ಸಾಧ್ಯವಿಲ್ಲ ಹಾಗೂ ಅವರಿಗೆ ಕಠಿಣ ಶಿಕ್ಷೆಯೂ ಆಗಲಿದೆ ಎನ್ನುವ ಸಂದೇಶವನ್ನು ಇದು ರವಾನಿಸಿದೆ’ ಎಂದು ಹ್ಯೂಮನ್ ರೈಟ್ಸ್ ವಾಚ್ ತಂಡದ ಹಿರಿಯ ಸಂಶೋಧಕ ಸುನೈ ಫಸುಕ್ ಹೇಳಿದರು.</p>.<p>ವಿಧಿ 112 ರಂದು ಗುರುತಿಸಲ್ಪಡುವ ಈ ಕಾನೂನನ್ನು ಉಲ್ಲಂಘಿಸಿದರೆ ಪ್ರತಿ ಆಪಾದನೆಗೂ 3 ರಿಂದ 15 ವರ್ಷ ಜೈಲು ಶಿಕ್ಷೆ ವಿಧಿಸುವ ಅವಕಾಶವಿದೆ. ಕೇವಲ ಫೇಸ್ಬುಕ್ ಪೋಸ್ಟ್ ಒಂದನ್ನು ಲೈಕ್ ಮಾಡಿದರೂ ಅವರು ಶಿಕ್ಷೆಗೊಳಪಡುವ ಸಾಧ್ಯತೆ ಇರುವುದರಿಂದ ಸಾಕಷ್ಟು ವಿವಾದಾತ್ಮಕ ಕಾನೂನು ಇದಾಗಿದೆ.</p>.<p>ಜೊತೆಗೆ ಯಾವುದಾದರೂ ವ್ಯಕ್ತಿಯ ವಿರುದ್ಧ ಈ ಕಾನೂನಿನಡಿ ದೂರು ದಾಖಲಾದರೆ ಹಲವು ವರ್ಷ ಆ ವ್ಯಕ್ತಿ ಕಾನೂನು ವಿಚಾರಣೆಗೊಳಪಡಬೇಕಾಗುತ್ತದೆ. ಥಾಯ್ಲೆಂಡ್ನ 15 ವರ್ಷಗಳ ರಾಜಕೀಯ ಅಶಾಂತಿಯ ಸಂದರ್ಭದಲ್ಲಿ ಈ ಕಾನೂನನ್ನು ರಾಜಕೀಯ ಅಸ್ತ್ರವಾಗಿ ಹಾಗೂ ವೈಯಕ್ತಿಕ ಸೇಡು ತೀರಿಸಿಕೊಳ್ಳಲೂ ಬಳಸಲಾಗಿದೆ.</p>.<p>ಹೀಗಿದ್ದರೂ, ರಾಜಪ್ರಭುತ್ವವನ್ನು ಸಾರ್ವಜನಿಕವಾಗಿ ಟೀಕಿಸುವುದು ಇಲ್ಲಿಯವರೆಗೂ ಬಹಳ ವಿರಳವಾಗಿತ್ತು. ಕಳೆದ ವರ್ಷದಿಂದ ಯುವ ಪ್ರತಿಭಟನಕಾರರು ಪ್ರಜಾಪ್ರಭುತ್ವ ಸುಧಾರಣೆ ಹಾಗೂ ರಾಜಪ್ರಭುತ್ವ ಸುಧಾರಣೆಗೆ ಆಗ್ರಹಿಸಿದ ಬಳಿಕ ರಾಜಪ್ರಭುತ್ವವನ್ನು ಟೀಕಿಸುವ ಪ್ರಕರಣಗಳು ಹೆಚ್ಚಾಗಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬ್ಯಾಂಕಾಕ್: </strong>ರಾಜನಿಗೆ ಅವಮಾನ ಮಾಡಿದ ಕಾರಣಕ್ಕಾಗಿ ನಾಗರಿಕ ಸೇವೆಯಮಾಜಿ ಅಧಿಕಾರಿಯೊಬ್ಬರಿಗೆ ಥಾಯ್ಲೆಂಡ್ನ ನ್ಯಾಯಾಲಯವೊಂದು ಮಂಗಳವಾರ 43 ವರ್ಷ ಆರು ತಿಂಗಳ ಜೈಲು ಶಿಕ್ಷೆಯನ್ನು ವಿಧಿಸಿದೆ.</p>.<p>ರಾಜಪ್ರಭುತ್ವದ ವಿರುದ್ಧ ಫೇಸ್ಬುಕ್ ಹಾಗೂ ಯೂಟ್ಯೂಬ್ನಲ್ಲಿ ಆಡಿಯೊ ಕ್ಲಿಪ್ ಒಂದನ್ನು ಪೋಸ್ಟ್ ಮಾಡಿದ ಪ್ರಕರಣದಲ್ಲಿ ಮಹಿಳೆಯೊಬ್ಬರು ಅಪರಾಧಿ ಎಂದು ಬ್ಯಾಂಕಾಕ್ ಅಪರಾಧ ನ್ಯಾಯಾಲಯವು ತೀರ್ಪು ನೀಡಿದೆ ಎಂದು ಮಾನವ ಹಕ್ಕುಗಳ ಪರ ವಕೀಲರು ಹೇಳಿದರು.</p>.<p>‘ನ್ಯಾಯಾಲಯದ ತೀರ್ಮಾನವು ಆಘಾತಕಾರಿಯಾಗಿದೆ ಹಾಗೂ ರಾಜಪ್ರಭುತ್ವದ ವಿರುದ್ಧ ಟೀಕಿಸುವವರನ್ನು ಸಹಿಸಲು ಸಾಧ್ಯವಿಲ್ಲ ಹಾಗೂ ಅವರಿಗೆ ಕಠಿಣ ಶಿಕ್ಷೆಯೂ ಆಗಲಿದೆ ಎನ್ನುವ ಸಂದೇಶವನ್ನು ಇದು ರವಾನಿಸಿದೆ’ ಎಂದು ಹ್ಯೂಮನ್ ರೈಟ್ಸ್ ವಾಚ್ ತಂಡದ ಹಿರಿಯ ಸಂಶೋಧಕ ಸುನೈ ಫಸುಕ್ ಹೇಳಿದರು.</p>.<p>ವಿಧಿ 112 ರಂದು ಗುರುತಿಸಲ್ಪಡುವ ಈ ಕಾನೂನನ್ನು ಉಲ್ಲಂಘಿಸಿದರೆ ಪ್ರತಿ ಆಪಾದನೆಗೂ 3 ರಿಂದ 15 ವರ್ಷ ಜೈಲು ಶಿಕ್ಷೆ ವಿಧಿಸುವ ಅವಕಾಶವಿದೆ. ಕೇವಲ ಫೇಸ್ಬುಕ್ ಪೋಸ್ಟ್ ಒಂದನ್ನು ಲೈಕ್ ಮಾಡಿದರೂ ಅವರು ಶಿಕ್ಷೆಗೊಳಪಡುವ ಸಾಧ್ಯತೆ ಇರುವುದರಿಂದ ಸಾಕಷ್ಟು ವಿವಾದಾತ್ಮಕ ಕಾನೂನು ಇದಾಗಿದೆ.</p>.<p>ಜೊತೆಗೆ ಯಾವುದಾದರೂ ವ್ಯಕ್ತಿಯ ವಿರುದ್ಧ ಈ ಕಾನೂನಿನಡಿ ದೂರು ದಾಖಲಾದರೆ ಹಲವು ವರ್ಷ ಆ ವ್ಯಕ್ತಿ ಕಾನೂನು ವಿಚಾರಣೆಗೊಳಪಡಬೇಕಾಗುತ್ತದೆ. ಥಾಯ್ಲೆಂಡ್ನ 15 ವರ್ಷಗಳ ರಾಜಕೀಯ ಅಶಾಂತಿಯ ಸಂದರ್ಭದಲ್ಲಿ ಈ ಕಾನೂನನ್ನು ರಾಜಕೀಯ ಅಸ್ತ್ರವಾಗಿ ಹಾಗೂ ವೈಯಕ್ತಿಕ ಸೇಡು ತೀರಿಸಿಕೊಳ್ಳಲೂ ಬಳಸಲಾಗಿದೆ.</p>.<p>ಹೀಗಿದ್ದರೂ, ರಾಜಪ್ರಭುತ್ವವನ್ನು ಸಾರ್ವಜನಿಕವಾಗಿ ಟೀಕಿಸುವುದು ಇಲ್ಲಿಯವರೆಗೂ ಬಹಳ ವಿರಳವಾಗಿತ್ತು. ಕಳೆದ ವರ್ಷದಿಂದ ಯುವ ಪ್ರತಿಭಟನಕಾರರು ಪ್ರಜಾಪ್ರಭುತ್ವ ಸುಧಾರಣೆ ಹಾಗೂ ರಾಜಪ್ರಭುತ್ವ ಸುಧಾರಣೆಗೆ ಆಗ್ರಹಿಸಿದ ಬಳಿಕ ರಾಜಪ್ರಭುತ್ವವನ್ನು ಟೀಕಿಸುವ ಪ್ರಕರಣಗಳು ಹೆಚ್ಚಾಗಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
